| |
| |
Vespers (gospel) special antiphon
|
Gaude sion
ornata tympano
plaude novo
perfusa balsamo
ipsum lauda
chordis et organo
cuius sponsa
venit a libano
|
| |
Matins I
|
Ad regem vite
digna cum laude venite
qui palmam regni
tribuit supra ethra ioanni
|
Matins antiphon 1
|
Beatus vir qui non abiit
in malorum consilio
sed in lege dei coluit
illius meditacio
|
Matins antiphon 2
|
Quare fremunt populi
vana meditantes
exaltabit dominus
in ipso sperantes
|
Matins antiphon 3
|
Cum invocat exauditur
ioannes a domino
et in pace in id ipsum
regnat sine termino
|
Matins antiphon 4
|
Verba sancti percipit
clamorem intellegens
de mundi miseria
pauperem hunc erigens
|
Matins antiphon 5
|
Domine domine
quam admirabilis
es in hoc presule
atque laudabilis
|
Matins antiphon 6
|
Confidens in domino
transmigrat in montem
et venire meruit
ad salutis fontem
|
Matins respons 1
|
Ecce verus et sincerus
vir israelita
sine fraude dignus laude
fulgens eremita
christo carus signis clarus
verbo mente vita
|
Matins verse 1
|
Inter mundi strepitum
stat pastor insignis
sed in igne positum
non exurit ignis
|
Matins respons 2
|
Expectante populo
sacram unccionem
matrona cum filio
benediccionem
expectat pontificis
sed mox lesionem
mortis subit parvulus
per oppressionem
|
Matins verse 2
|
Clamat mater misera
currit vir beatus
fusa prece parvulus
mox est vite datus
|
Matins respons 3
|
Fragrat virtus arboris
manat vis unguenti
laudibus attollitur
fit res nota genti
sed aurem non applicat
fame discurrenti
nec fidem adhibuit
vana promittenti
|
Matins verse 3
|
Petit sanctus eremum
spreta mundi gloria
et relicto pallio
fugit ab egypcia
|
Matins respons 4
|
O presul italie
decus speciale
que ornat iusticie
superumerale
quem caro non allicit
vel solum natale
nobis pater impetra
regnum eternale
|
Matins verse 4
|
O intacte fili matris
miserere miseris
atque prece sancti patris
nos coniunge superis
|
Matins antiphon 7
|
Domine qui habitas
in monte salutis
nos per sancti merita
fac heredes lucis
|
Matins antiphon 8
|
In virtute domine
tua gloriatur
sanctus cuius hodie
festum celebratur
|
Matins antiphon 9
|
Tua est o domine
terre plenitudo
cuius archipresulis
fulget sanctitudo
|
Matins antiphon 10
|
Benedicam domino
tempore perenni
qui celeste bravium
contulit ioanni
|
Matins antiphon 11
|
Te decet in sion
hymnus o domine
qui sanctum collocas
in celi culmine
|
Matins antiphon 12
|
Confiteri bonum est
tibi iesu bone
qui ornasti presulem
corona glorie
|
Matins respons 5
|
Sunamiti puerum
reddit eliseus
sycamini culmina
ascendit zacheus
relicto telonio
predicat mattheus
hoc in sancto presule
representat deus
|
Matins verse 5
|
Matri reddit pureum
eremum conscendit
spretis lucris seculi
ad superna tendit
|
Matins respons 6
|
Dum membra lectulo
daret post laborem
immisit in eum
dominus soporem
astat angelus
indutus decorem
ut cellam construat
monet confessorem
|
Matins verse 6
|
Pellitur dubietas
trina visione
et iussis obtemperat
cum devocione
|
Matins respons 7
|
Invictum aggreditur
opus eremita
sed obstat archangelus
ne res fiat ita
nam nocturno tempore
ligna levigata
in montem oppositum
nocte sunt translata
|
Matins verse 7
|
Admiranti dominus
columbas transmisit
quas sequens mox reperit
opus quod amisit
|
Matins respons 8
|
Felix locus
felix ecclesia
in qua sancti
viget memoria
felix terra
que dedit presulem
felix illa
que fovet exulem
|
Matins verse 8
|
Felix pater
succurre miseris
ut felices
iungamur superis
|
Matins (gospel) special antiphon
|
O lampas ecclesie
speculum virtutis
astanti familie
fer opem salutis
de lacu miserie
et de luto fecis
nos educ sanctissime
interventu precis
|
Matins respons 9
|
In vicino positus
pontifex cum clero
ut sacraret cellulam
ecce facto sero
ardere conspicitur
mons pirchirrianus
fit clamor in populis
sursum levant manus
|
Matins verse 9
|
Facto mane pontifex
montem petit altum
et invenit celitus
locum consecratum
|
Matins respons 10
|
Admiratur populus
ruens in clamorem
novum cernens fluere
olei liquorem
madent linteamina
sudat pavimentum
salubre languentibus
dans medicamentum
|
Matins verse 10
|
Qui fontem in eremo
de petra produxit
hic in montis vertice
oleum eduxit
|
Matins respons 11
|
De cisterne latebris
ioseph est sublatus
et in regni solio
nunc est sublimatus
finitur feliciter
eius incolatus
nostros prece sedula
diluat reatus
|
Matins verse 11
|
Cursu felicissime
vite consummato
in sinu recipitur
abrahe beato
|
Matins respons 12
|
O oliva semper viva
dulcis et fructifera
o lux clara christo cara
fulgens super ethera
nobis fessis et oppressis
per peccati pondera
esto comes dux et comes
in hac valle misera
|
Matins verse 12
|
Iam cum christo gloriaris
fracta domo testea
tuos non obliviscaris
pressos mole carnea
|
| |
Lauds antiphon 1
|
Ampulle medium
vino vix replente
potavit plurimos
liquore crescente
|
Lauds antiphon 2
|
O felix pontifex
per cuius merita
defuncto corpori
est vita reddita
|
Lauds antiphon 3
|
Blasphema mulier
amittit loquelam
sed sanctum invocat
mox sentit medelam
|
Lauds antiphon 4
|
Christum benedicite
terra mare celi
qui dedit victoriam
presuli fideli
|
Lauds antiphon 5
|
Laudemus dominum
qui palmam glorie
beato presuli
contulit hodie
|
Lauds (gospel) special antiphon
|
Benedictus dominus
deus israelis
qui pro vita seculi
descendit de celis
cui offertur hodie
sacerdos fidelis
in manu signiferi
sui michaelis
|
| |
2nd Vespers (gospel) special antiphon
|
Magnificet dominum
omnis creatura
quem eductum hodie
de carnis pressura
vir beatus conspicit
iam non in figura
sed eius perfruitur
visione pura
|
full office name: