full office name: HENRICUS of Upsala (n1)
edition: AH 26 #32
calendar:January 19
structure summary: Vespers: A5E
Matins: secular
Lauds: A5E
2nd Vespers: E
poetic forms: Vespers: ovvis.o
Matins: v.oov{v,o,iv}ovv{v3}v3{v3}
Lauds: vvg3.o
2nd Vespers: .o [”]
type of saint: bishop martyr
geographical information:S, Scandinavia
notes:bishop
martyr
Persons: Henrici Ericus Henricum Ericum
Places: Upsalensis Suecia Finlandiam

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Gaude cetus fidelium
henrici natalicium
letis extollens canticis
qui intravit in gaudium
per insigne martyrium
choris insertus celicis
Vespers antiphon 2
Ornamentis decoratus
virtutum vir inclitus
upsalensis presulatus
plebem rexit primitus
Vespers antiphon 3
Sanctus ericus dulciter
rex presulem dilexit
quem domino fideliter
ministrare conspexit
Vespers antiphon 4
O quam felix ecclesia
hoc patre spiritali
quam felix eras suecia
regi subiecta tali
Vespers antiphon 5
Hos patronos pariter
leti veneremur
ut cum his perenniter
in celis colletemur
Vespers (gospel) special antiphon
Gloriosum pontificem
henricum post multiplicem
virtutem qua refloruit
per mortem quam sustinuit
victorem vexit hodie
christus in templum glorie
 
Matins I
Exultemus in henrici
sacro natalicio
in quo laudes deo dici
condecet in gaudio
Matins antiphon 1
Sanctum ericum comitans
sanctus presul finlandiam
adivit illic militans
bonam christi miliciam
Matins antiphon 2
Doctrinam evangelicam
annuncians gentilibus
patenter viam celicam
demonstrabat errantibus
Matins antiphon 3
Ut christo lucrifaciat
gentes idolatrantes
non timet ne inveniat
multos se tribulantes
Matins respons 1
Omnes gentes iubilate
deo celi exultate
gaudeat finlandia
leti deum collaudate
et henrici celebrate
leta natalicia
Matins verse 1
Hic effulsit honestate
morum verbi veritate
vite sanctimonia
Matins respons 2
Sanctus cuiusdam impii
redarguit seviciam
ut reus homicidii
subiret penitenciam
et penitens flagicii
consequeretur veniam
Matins verse 2
Qui salubris remedii
sprevit infelix graciam
Matins respons 3
Impenitens malicie
vir sanguinum ecclesie
despecta disciplina
in ministrum iusticie
ferox furit et rabie
occidit hunc ferina
Matins verse 3
Sic cum palma victorie
presul intravit hodie
palacia divina
Matins antiphon 4
Pastor bonus veraciter
curam gregis dominici
gessit perfectibiliter
in labore multiplici
Matins antiphon 5
Affectu devotissimo
crebra cum instancia
offerebat altissimo
precum sacrificia
Matins antiphon 6
Suum deus exaudivit
devotum precatorem
et a malis custodivit
suum verum cultorem
Matins respons 4
Birretum patris incliti
occisor suo capiti
protervus imponebat
quod dum vellet amovere
carnes illi cohesere
et eas amovebat
Matins verse 4
Ursus quem se prostravisse
retulit et peremisse
sic eum remordebat
Matins respons 5
Anulum et digitum
longe diu post obitum
insignis viri dei
ostendit avicula
iacentem in particula
cuiusdam glaciei
Matins verse 5
Dum sacre reliquie
lacuerunt in glacie
calor non nocet ei
Matins respons 6
Imitator salvatoris
vigilanter populis
veram fidem creatoris
predicans incredulis
ut preclari sol fulgoris
lucem dedit seculis
Matins verse 6
Glorioso iam laboris
fructu gaudet et honoris
insignitur titulis
Matins antiphon 7
Cum lucri magnitudine
servus fidelis gracie
reddens data talenta
in pacis pulchritudine
collocatur et requie
potitur opulenta
Matins antiphon 8
Perfecte desiderium
sui cordis adeptus
ad celos per martyrium
migrat malis ereptus
Matins antiphon 9
Servum paterfamilias
inventum vigilantem
ad eternas delicias
induxit triumphantem
Matins respons 7
Preclari patris sanctitas
doctrinam fructuosam
viteque virtuositas
reddebat graciosam
et mortem monstrat claritas
signorum preciosam
Matins verse 7
Nunc prestat illi deitas
coronam gloriosam
Matins respons 8
O vita commendabilis
o mors desiderabilis
propter que venerabilis
hic pontifex fit similis
in gloria sanctorum
Matins verse 8
Commenda nos amabilis
pater et honorabilis
martyr rego celorum
Matins respons 9
Martyr iste militavit
christo per quem triumphavit
triumphando reportavit
finem pro quo desudavit
coronam iusticie
Matins verse 9
Felix cursum consummavit
qui pro fide quam servavit
fulget stola glorie
 
Lauds antiphon 1
Multitudo languencium
restituta saluti
fidele testimonium
dat martyris virtuti
Lauds antiphon 2
Longo dolore capitis
frater minor gravatus
mox voto facto meritis
est presulis curatus
Lauds antiphon 3
Depulsa caligine
longe cecitatis
visum reddit femine
pater pietatis
Lauds antiphon 4
Fluctuum sevicie
naute conquassati
sancti beneficia
predicant salvati
Lauds antiphon 5
Dum devotis poscitur
precibus cupitam
defunctis asseritur
rediisse vitam
Lauds (gospel) special antiphon
Christi pugil eximius
et pontifex egregius
in hac die celestia
triumphator ad gaudia
introivit feliciter
deo fruens perenniter
 
2nd Vespers (gospel) special antiphon
Christe virtus pugnancium
corona triumphancium
nos presens post exilium
henrici per suffragium
perduc ad perpes gaudium
quo tecum semper omnium
gaudet cetus fidelium