| |
| |
Vespers antiphon 1
|
Letetur chorus domini
sancto congaudens homini
precipue virtutis
cuius debetur nomini
quod tornacenses termini
sunt in via salutis
|
Vespers antiphon 2
|
Hic est sereni filius
beatus eleutherius
verus christi confessor
corrupcionis nescius
predicator eximius
et piati successor
|
Vespers antiphon 3
|
Hunc medardus elegerat
amicum cum iam suberat
in etate minori
et prophetice reserat
quod hunc deus previderat
presulatus honori
|
Vespers antiphon 4
|
Adeptus nomen presulis
sed ferens sortem exulis
pressuris conquadratur
hinc coruscat miraculis
per quem a mortis vinculis
blanda resuscitatur
|
Vespers antiphon 5
|
Affectus multo verbere
tetro reclusus carcere
visitatur de celis
angelus adest propere
reducit eum libere
plebs stupet infidelis
|
Vespers respons
|
Pontifex virgineo
venustatus flore
sub ornatu roseo
sanguinis decore
bino privilegio
pollet christum bivio
secutus nunc bravio
fruitur promisso
|
Vespers verse
|
Bona coniugacio
rosa nubit lilio
castitas martyrio
purpuraque bysso
|
Vespers (gospel) special antiphon
|
Exultavit spiritus
mundo morientis
confortatur celitus
in agone mentis
deo laudes replicat
manibus extentis
sic pastor magnificat
christum in tormentis
|
| |
Matins I
|
Regem auctorem omnium
laudet chorus fidelis
qui sanctum eleutherium
coronavit in celis
|
Matins antiphon 1
|
Declinans consorcia
puer impiorum
ut arbor egregia
fructum fecit morum
|
Matins antiphon 2
|
Postulavit dominum
dedit ei gentes
tornacenses criminum
maculis squalentes
|
Matins antiphon 3
|
Non timebat populum
circumdantem eum
spei sue baculum
semper habens deum
|
Matins respons 1
|
Post aliquantum spacium
ab agone piati
cum ebulisset nimium
turpitudo peccati
quidam sunt tornacensium
in christo congregati
|
Matins verse 1
|
De consensu fidelium
preponunt eleutherium
presulem civitati
|
Matins respons 2
|
Plus horrentes debito
christianos mores
infideles inito
consensu maiores
pellunt urbe subito
fidei cultores
|
Matins verse 2
|
Sine culpe merito
sancti censu perdito
linquunt urbis fores
|
Matins respons 3
|
Aque multe non poterant
fervorem impedire
virtutes que latuerant
inceperunt prodire
fideles nulla superant
non tormenta non ire
|
Matins verse 3
|
Blandinium accelerant
de fabrica deliberant
prompti deo servire
|
Matins antiphon 4
|
Aucta tribulacio
iustum dilatavit
et in sacrificio
christo se litavit
|
Matins antiphon 5
|
Introivit domini
templum in timore
quem vacantes sanguine
cedunt cum furore
|
Matins antiphon 6
|
Laus perfecta profluit
per os confessoris
indignatum destruit
animum ultoris
|
Matins respons 4
|
Sanctus enervat vicia
dum carnis contumacia
subditur servituti
distillant eius labia
precepta necessaria
fidelium saluti
|
Matins verse 4
|
Cuius victi sollercia
pelluntur urbe regia
heretici versuti
|
Matins respons 5
|
Dum sanctus in ecclesia
protelabat suspiria
christum orans attente
intrat tribuni filia
carnis petit commercia
furens vesana mente
|
Matins verse 5
|
Fugit hic linquit spolia
moritur temeraria
suscitatur repente
|
Matins respons 6
|
Fontis renata flumine
sancto calescens flamine
postmodum baptizatur
blanda vocatur nomine
multo patris conamine
puella provocatur
|
Matins verse 6
|
Que vivens sine crimine
tandem victo certamine
cum sanctis coronatur
|
Matins antiphon 7
|
Christi tabernacula
pastor est ingressus
cuius sine macula
fuere progressus
|
Matins antiphon 8
|
Que petivit avide
iam accepit bona
precioso lapide
rutilat corona
|
Matins antiphon 9
|
Innocentem opere
sed et corde mundum
fecit deus scandere
montem hunc fecundum
|
Matins respons 7
|
Multitudo gentilis populi
lesa peste vim infert presuli
cesum claudunt hora crepusculi
reseratur locus vestibuli
|
Matins verse 7
|
Miro modo sunt conversi
per hunc cives universi
|
Matins respons 8
|
Post longum postliminium
quo rexerat blandinium
sanctus hortatu civium
redit ad locum patrium
fit in tornaco gaudium
pastorem habet proprium
|
Matins verse 8
|
Illuminat mantilium
lepra curat pericium
beatum pandit regium
et obtentum remedium
|
Matins respons 9
|
Attendentes heretici
nomen eorum deici
satis indigne ferunt
in septa templi publici
latent ut possit effici
flagicium quod querunt
|
Matins verse 9
|
Freti fraude multiplici
plagas sancto pontifici
letales inflixerunt
|
| |
Lauds antiphon 1
|
Nimis sunt credibilia
preclara testimonia
paterne sanctitatis
monetur thecla tercio
quod reveletur visio
presuli civitatis
|
Lauds antiphon 2
|
Depulso mentis nubilo
vacarunt omnes iubilo
cum puer resurrexit
sic eliseus visitat
sunamitem dum suscitat
filium quem dilexit
|
Lauds antiphon 3
|
Sub alarum velamine
sancti plenus dulcedine
feriolus exultat
solvitur a discrimine
catena suo fragmine
tribunum morte multat
|
Lauds antiphon 4
|
Benedicamus dominum
post tempus non diutinum
suscitatur tribunus
liber a lapsu criminum
contritus vixit geminum
consecutus est munus
|
Lauds antiphon 5
|
Laudat fidelis concio
cum sanctus ab suburbio
collocatur in urbe
fit celesti prodigio
sagittarum reflexio
forenses gemunt turbe
|
Lauds (gospel) special antiphon
|
Dum floreret in hac areola
mundum carnem vicit et idola
quare trina fulget aureola
celi factus civis et incola
|
| |
2nd Vespers (gospel) special antiphon
|
Eleutheri
confessor inclite
decus cleri
miles emerite
ad te rite
suspirant miseri
nos in vite
libro fac inseri
|
full office name: