| |
| |
Vespers antiphon 1
|
Gaude sion
ornata tympano
decor tuus
coniunctus galbano
lauda illum
chordis et organo
cuius sponsa
venit a libano
|
Vespers antiphon 2
|
Christi iugum
edmundus teneris
adulescens
portavit umeris
virtutibus
se iungens superis
minorat se
tamen pre ceteris
|
Vespers antiphon 3
|
A convalle lacrimarum
ad celi fastigium
ponit gradus graciarum
implorans auxilium
huius vite ne viarum
declinet in invium
|
Vespers antiphon 4
|
Iste pastor
dignus memoria
virga cuius
fugatur bestia
vita cuius
occidit vicia
finis cuius
finit in gloria
|
Vespers respons
|
Vallem mundi tam profundi
munda transit orbita
pes edmundi ne confundi
possit virtus inclita
nil immundi cordis mundi
reperitur semita
|
Vespers verse
|
Cum olive ramo redit
ad arcam in vespere
non invenit unde venit
quo possit quiescere
|
Vespers (gospel) special antiphon
|
Magnificat
anima dominum
quam sigillo
signavit luminum
quam propriam
cruore proprio
sibi fecit
crucis ludibrio
quam viventem
ornavit gracia
que post mortem
vivit in patria
|
| |
Matins I
|
Adoremus regem regum
implorantes graciam
qui transvexit supra mundum
edmundum in gloriam
|
Matins antiphon 1
|
Beatus vir impiis
se non sociavit
quem quia cum stantibus
stare recusavit
pestis pestilencie
non incathedravit
|
Matins antiphon 2
|
Quare fremunt
hostes in ostium
a quo pendent
tot arma forcium
quod non timet
impulsus hostium
|
Matins antiphon 3
|
Cum invocat exauditur
edmundus a domino
cuius voces exaudire
non differt in crastino
qui fideli deo fidem
servat sine termino
|
Matins antiphon 4
|
Verba supplicancium
auribus percipias
qui linguas infancium
ad laudandum expias
ora te laudancium
ad laudes aperias
|
Matins antiphon 5
|
Domine rex
quam admirabilis
cuncta moves
manens immobilis
in nos labens
in te non labilis
|
Matins antiphon 6
|
In domino dominorum
confisus est non honorum
edmundus in onere
nam honores hostes morum
sine mora sycomorum
succidunt in vespere
|
Matins respons 1
|
Primus iaspis lapidum
in edmundi fabrica
fabrice supponitur
ut fides catholica
per augmentum operis
regna tangat celica
|
Matins verse 1
|
Designatur
fides in iaspide
prior omni
ponendus lapide
|
Matins respons 2
|
Secundus in fabrica
sapphirus erigitur
coloris aerei
per quem spes innuitur
per quam a terrigeno
celum adipiscitur
|
Matins verse 2
|
Edmundi spes elevatur
ad habendum quod speratur
|
Matins respons 3
|
Opus sancti fabricatum
consummat carbunculus
qui est virtus caritatis
qua sic christi famulus
ardens lucet quod ad lucem
omnis stupet oculus
|
Matins verse 3
|
In ardore caritatis
ut iubar ethereum
pluit verbum veritatis
populo vas aureum
|
Matins respons 4
|
In tribus catholicis
virtus circulatur
quattuor politicis
circulus quadratur
ut a septenario
numquam moveatur
|
Matins verse 4
|
Sic septem virtutibus
edmundus ornatur
sic ornatus spiritu
septeno firmatur
|
Matins antiphon 7
|
Domine qui in tuo
vivunt tabernaculo
eis es in requie
eis in umbraculo
tu eos inebrias
voluptatis poculo
|
Matins antiphon 8
|
Domine in virtute
tua vir letatur
qui dum adhuc viveret
in te letabatur
cui mundi leticia
nihil videbatur
|
Matins antiphon 9
|
Domini sunt omnia
celum terra mare
qui cuncta de nihilo
potuit creare
qui dissona consonis
voluit ligare
|
Matins antiphon 10
|
Exaudi nos domine
protector eorum
qui te colunt predicant
cor et corpus quorum
confitentur opere
te deum deorum
|
Matins antiphon 11
|
Te decet laus
honor et gloria
cui iure
debentur omnia
cuius nutu
vivunt mortalia
|
Matins antiphon 12
|
Bonum est fideliter
tibi confiteri
cui lex est parcere
ius est misereri
nescis malum hodie
quod factum est heri
|
Matins respons 5
|
Latere non poterat
virtutum lucerna
que succensa fuerat
a luce superna
clamat gestus hominis
quod sub ala numinis
lateant interna
|
Matins verse 5
|
Ne cum dina corrumpantur
sichemorum macula
sensus omnes castigantur
discipline ferula
|
Matins respons 6
|
Sub nodis cilicii
corpus expers vicii
domat vir beatus
viget in vigiliis
pinguescit ieiuniis
iugis cruciatus
|
Matins verse 6
|
Se sui carnificem
ante summum iudicem
offert maceratus
|
Matins respons 7
|
Sublimatus in pastorem
urbis cantuarie
onus gerit non honorem
ut cherubim glorie
pius ignescit in saporem
gustus sapiencie
|
Matins verse 7
|
Maior factus de minore
minor manet in maiore
|
Matins respons 8
|
Cor edmundi purpuratur
dum cruoris memoratur
christi morientis
candet byssus castitatis
rubet coccus caritatis
aaron vestimentis
|
Matins verse 8
|
Hyacinthus intexitur
tamquam verus testis
quod edmundus civis sit
patrie celestis
|
Matins (gospel) special antiphon
|
Cantica leticie
celi cum principibus
sic psallamus hodie
coniuncti psallentibus
ut voces concordie
concordent celestibus
|
Matins respons 9
|
Plebis pondus sustinet
super umerali
iuste iudex iudicat
in racionali
talum tangit poderis
opere finali
|
Matins verse 9
|
Ornant frontem lamina
signum puritatis
sonant tintinnabula
verbum veritatis
|
Matins respons 10
|
Exulat ab anglia
presul pro iusticia
regnum intrat gallie
verbi plenus gracie
mortis solvit debitum
commendatum spiritum
reddit regi glorie
|
Matins verse 10
|
Reportatur domino
cum lucro talentum
talento pro quolibet
reportantur centum
|
Matins respons 11
|
Non est nostre paupertatis
nec humane facultatis
referre miracula
quibus virtus deitatis
testis sancti sanctitatis
illustravit secula
|
Matins verse 11
|
Mors et morbus admirantur
quod sic signa dominantur
|
Matins respons 12
|
Ad te locum graciarum
grate mentis non ignarum
iesu bone lacrimarum
revertuntur flumina
quibus tibi supplicamus
ut viventes sic vivamus
quod post vitam teneamus
tecum celi culmina
|
Matins verse 12
|
Tu edmundi precibus
a tuorum mentibus
sua tergas crimina
|
| |
Lauds antiphon
|
Ad laudandum celi regem
cohortemur nostrum gregem
clament cordis gemitus
te bonorum creatorem
te donorum largitorem
laudet omnis spiritus
|
Lauds (gospel) special antiphon
|
Benedictus oriens
dator vere lucis
qui pro nobis moriens
cruciatu crucis
cecis lumen attulit
baculum caducis
o rex regni glorie
qui edmundum hodie
ad regnum reducis
fac nos eius precibus
tam votis quam vocibus
sic tibi placere
ut datum pauperibus
regnum in celestibus
possimus habere
|
| |
Prime antiphon
|
Prime lucis
orto iam sidere
supplicemus
affectu celeri
ut sic velit
nos die conteri
ne conterant
nos umbre vesperi
|
Terce antiphon
|
Tercia nos repleat
spiritus in hora
quo edmundi claruit
etatis aurora
qui loqui discipulis
in voce sonora
linguis novis docuit
brevi motus mora
|
Sext antiphon
|
Sexta novus abraham
diei fervore
divino divinitus
succensus amore
tres visos detriplicat
uno sub honore
honorem credencium
purgans ab errore
|
Nones antiphon
|
None sanctus memor hore
qua messias moritur
intra missam suo more
messie commoritur
sacro sacra sumens ore
sic sumit et sumitur
quod amborum in amore
cor unum efficitur
|
| |
2nd Vespers antiphon 1
|
Quanti sanctus sit nominis
mortui testantur
qui utriusque hominis
morte tenebantur
nam edmundi meritis
multi suscitantur
|
2nd Vespers antiphon 2
|
Cum leprosa delepratur
sub edmundi pallio
audit surdus mutus fatur
presulis presidio
christi fides dilatatur
letatur religio
|
2nd Vespers antiphon 3
|
Ceci vident currunt claudi
valent paralytici
demon cedit salus redit
surgunt epileptici
salvat sanos egros sanat
summi manus medici
|
2nd Vespers antiphon 4
|
Qui prece qui merito
tot auxiliaris
caritatis debito
nobis tenearis
ut nos more solito
tuos tuearis
|
2nd Vespers (gospel) special antiphon
|
Suum suscepit puerum
memor misericordie
pater post verba verberum
sicut ad patres patrie
predixerat sic hodie
transfert ad thronum glorie
suorum patrem pauperum
quem sicut venam venie
rogamus ut in posterum
simus ei memorie
|
full office name: