| |
| |
Vespers respons
|
O decus ecclesie
lux mundi salus quoque terre
augustine pater
dilecte deo vehementer
pro nobis christum
supplex deposce benignum
|
Vespers verse
|
Ut viciis mundos
virtutum lumine claros
reddat nos patrie
celestia dando superne
|
Vespers (gospel) special antiphon
|
Augustine summe doctor
et cultor iusticie
pietatis propugnator
bellator perfidie
sapiencie per vias
pulchras et pacificas
quas trivisti duc nos tecum
ad sua palacia
|
| |
Matins I
|
Exultemus deo nostro
letemur in domino
qui dedit nobis insignem
doctorem iusticie
cuius nimbus orbe toto
fructus est tam multiplex
|
Matins antiphon 1
|
Vere beatus iste vir
summus amans legis dei
signumque tam fructiferum
ut toti det mundo cibum
|
Matins antiphon 2
|
Rupit malorum vincula
iugum reiecit improbum
sublimis in monte dei
superna iussa docuit
|
Matins antiphon 3
|
Vanos graves falsiloquos
sanctum arguentem filios
terris deus mirificans
transfert ad celi requiem
|
Matins antiphon 4
|
Benedixisti domine
iusto qui tam dilexit te
quo totus dum replebitur
eternum gloriabitur
|
Matins antiphon 5
|
Mirabilis es domine
donans honorem glorie
hostes tuos qui destruis
potentis oris gracia
|
Matins antiphon 6
|
Arcum sagittas tenebris
rectis pararunt improbi
vicit fidens in domino
iustus amabilis deo
|
Matins respons 1
|
Civitas nobis tagaste
regionis africe
augustinum turrim dedit
fidei catholice
|
Matins verse 1
|
Honesta et christiana
editum progenie
|
Matins respons 2
|
Maxima parentum cura
litterarum studiis
brevi puer eruditus
insignis emicuit
|
Matins verse 2
|
Sacris enim et divinis
aptandus officiis
|
Matins respons 3
|
At rudis adulescentis
ingenium docile
errore manicheorum
capitur carthagine
|
Matins verse 3
|
Ut post revelata magis
veritas dulcesceret
et tenacius comperta
pectori insideret
|
Matins respons 4
|
Cumque plures docuisset
primitus in africa
oratoriam docturus
romam quoque navigat
|
Matins verse 4
|
Ut doctrinam tanti viri
probet et italia
|
Matins antiphon 7
|
Iustus verax innocuus
altis quiescit sedibus
per quem maligni ad nihilum
heretici deducti sunt
|
Matins antiphon 8
|
Desideravit fruitur
gaudens celo vultu dei
fructum semenque pessimum
de terra qui disperdidit
|
Matins antiphon 9
|
Rex glorie bello potens
per mundicordem militem
suam querentem faciem
dolosam stravit aciem
|
Matins antiphon 10
|
Conventus malignancium
iniqua perscrutatus est
alti venit cordis homo
et deus exaltatus est
|
Matins antiphon 11
|
Verbosa pestis prevalens
domum dei mirabilem
pressit beatus lectus est
illa cadente hec uber est
|
Matins antiphon 12
|
O palma mire florida
dei perornans atria
augustine sciencie
profunde consciencie
factura que dives manus
altis iucunda sensibus
per te perennis illa sit
senecta nostra uber bonis
|
Matins respons 5
|
Inde cesaris precepto
immo nutu divino
transfertur mediolanum
quasi rhetor docturus
|
Matins verse 5
|
Ad urbem cui presidebat
sacerdos ambrosius
|
Matins respons 6
|
Igitur catechizatus
per tantum antistitem
liberatur ab errore
lavatur baptismate
|
Matins verse 6
|
Diligencius instructus
catholico dogmate
|
Matins respons 7
|
Spiritus sancti renatus
et repletus gracia
omnibus seculi pompis
statim valere nunciat
|
Matins verse 7
|
Fidei ad deum tendens
et amoris passibus
ne quid animum devotum
terrenum prepediat
|
Matins respons 8
|
Mox in africam regressus
ordinatus presbyter
cuncta morum et doctrine
circumlustrat lumine
|
Matins verse 8
|
Cum quibusdam sibi iunctis
vivens apostolice
|
Matins (gospel) special antiphon
|
Hic tibi quam fuerat
sapiencia dulcis amica
augustine suam
dum gemis ad patriam
susceptum supera
tandem solatur in aula
et carum proprio
confovet in gremio
hanc nos corporeo
fac delectamine spreto
sic ardendo sequi
sic et habendo frui
|
Matins respons 9
|
Processu quoque temporis
factus antistes hipponis
publice atque privatim
docet verbum salutis
|
Matins verse 9
|
Contra hereses africanas
maxime donatistas
|
Matins respons 10
|
Aliquanti post elapso
temporis curriculo
africam triplex pervasit
barbarorum invasio
|
Matins verse 10
|
Ferro flammis cuncta perdens
fide favens arrio
|
Matins respons 11
|
Videns ergo urbem suam
hostibus circumdatam
lacrimosa deum prece
indefessus postulat
|
Matins verse 11
|
Ne depopulacionem
illius conspiciat
ut ab hac se miseratus
luce iam recipiat
|
Matins respons 12
|
Tercio obsidionis
mense febre decubat
transitu beato functus
letus celos superat
intimus dei amicus
ipso nunc perfruitur
apud quem nobis patronus
perpes sit deposcimus
|
Matins verse 12
|
Debellatis usquequaque
veritatis hostibus
miles dei gloriosus
triumphans eximitur
|
| |
Lauds antiphon 1
|
Domino regnanti semper
psallamus suppliciter
cum quo presul augustinus
regnat in celestibus
|
Lauds antiphon 2
|
Felix migrans ad superna
doctor summus atria
introivit in conspectu
dei cum leticia
|
Lauds antiphon 3
|
Quem sitivit in hac terra
augustini anima
saciatur fonte vite
nunc in poli patria
|
Lauds antiphon 4
|
Domino benedicamus
corde verbis actibus
cui benedicit in celis
augustini spiritus
|
Lauds antiphon 5
|
Laudemus universorum
conditorem dominum
cuius donis augustinus
fulsit tot virtutibus
|
Lauds (gospel) special antiphon
|
Laudibus magnis te deum
in magni pontificis
benedici constat dignum
augustini meritis
cuius illustratur sancta
doctrinis ecclesia
quo intercedente duc nos
ad eterna gaudia
|
| |
2nd Vespers respons
|
Lucifer ut celo
solet effulgere sereno
inter sidereas
nocturno tempore flammas
sic augustinus
toto nitet orbe beatus
|
2nd Vespers verse
|
In medio ecclesie aperuit os eius et implevit eum dominus spiritu sapiencie et intellectus
|
2nd Vespers (gospel) special antiphon
|
Augustine nitens
doctorum gemma per orbem
clarus et reliquis
rutilans ut sidus in astris
sis memor et salves
nostri deitatis amice
|
2nd Vespers (gospel) special antiphon .a
|
O lingua sancti spiritus
fluens doctrine imbribus
contra errorum machinas
turris david fortissima
nobis semper tu succurre
alme doctor augustine
|
full office name: