| |
| |
Vespers antiphon 1
|
Gratuletur omnis mundus
clara lux de tenebris
ab immundo venit mundus
de profano celebris
|
Vespers antiphon 2
|
Augustinum dum de patre
gentili patricio
deus vocat et a matre
audita est oracio
|
Vespers antiphon 3
|
Annis puerilibus
decursis in errore
mox crevit in virtutibus
et domini timore
|
Vespers antiphon 4
|
Sollicitans ambrosium
mater augustini
doctor doctorem optimum
facit verbi divini
|
Vespers antiphon 5
|
Statim cepit fructum ferre
scripture clausa reserans
et in fines orbis terre
fidem christi predicans
|
Vespers (gospel) special antiphon
|
O flos cleri principalis
dux et via exulum
augustine specialis
lux et decor presulum
tu vite canonice
canon et decretum
nos pater pie respice
ad christi duc secretum
|
| |
Compline (gospel) special antiphon
|
Turris david ascenditur
qua fides propugnatur
scala iacob conscenditur
in qua spes elevatur
columna ignis advenit
caritas inflammatur
gaudeat ecclesia
iam duplicat talenta
fidelis servus in vita
celitus obtenta
|
| |
Matins I
|
Verum lumen adoremus
christum regem dominum
qui augustinum lumen fecit
ecclesiarum omnium
|
Matins antiphon 1
|
Augustinus respuit
consilium impiorum
dum manicheos destruit
et vias peccatorum
|
Matins antiphon 2
|
Fortunato predicat
domini precepta
quem racione superat
divinitus accepta
|
Matins antiphon 3
|
Contrivit lima fidei
dentes peccatorum
adversantes et ei
ense necat verborum
|
Matins respons 1
|
Studens in liberalibus
etate iuvenili
augustinus artibus
mente quas subtili
capit et sic proficit
ut stupeat natura
nam totum per se didicit
quod indit in scriptura
|
Matins verse 1
|
Quis compar isti
fuerit numquid meministi
|
Matins respons 2
|
Augustinus presbyter
hipponensis factus
celestis regni monstrat iter
igne divino tactus
scribit in ecclesia
libros triginta mille
volumina innumera
et componit ille
|
Matins verse 2
|
Perquam famosus
mundo fit et operosus
|
Matins respons 3
|
O lumen ecclesie
beate augustine
nobilis prosapie
doctor legis divine
tu pie sine mora
pro nobis deum ora
|
Matins verse 3
|
Augustine bone
pater et venerande patrone
|
Matins antiphon 4
|
Mirificare voluit
deus hunc beatum
ad mortem quando doluit
curans inbaptizatum
|
Matins antiphon 5
|
Mendaces ille destruit
verbo veritatis
et fidem illis instruit
sancte trinitatis
|
Matins antiphon 6
|
O quam admirabilis
hic presul et laudandus
qui assumptus est ab angelis
in celis coronandus
|
Matins respons 4
|
Vitam apostolicam
hic doctor renovavit
describendo regulam
in qua declaravit
vivere sub imperio
caste sine proprio
|
Matins verse 4
|
Ut docet iste pater
sic debes vivere frater
|
Matins respons 5
|
Multum renitens suscipit
curam pastoralem
in qua tantum proficit
ut miseris talem
virtus virtuti succedit
consurgit ad labores
docet scribit libros edit
sic honor mutat mores
|
Matins verse 5
|
Hic flos doctorum
fidei tuba regula morum
|
Matins respons 6
|
O martyr desiderio
nam pati petivisti
multa neque gladio
cuiusquam tu cessisti
te necare cupiens
donatus ira sevit
sed de te omnipotens
melius decrevit
|
Matins verse 6
|
Ut nos fulcires
seva nec morte perires
|
Matins antiphon 7
|
In tuo tabernaculo
hic christe habitavit
multiplici miraculo
in terris coruscavit
|
Matins antiphon 8
|
Post coronam presulis
huius temporalem
pro suis christe meritis
das huic eternalem
|
Matins antiphon 9
|
Hic innocens manibus
cor habens accensum
predicat hominibus
celi docens ascensum
|
Matins respons 7
|
Consors apostolorum
corona martyrum
tu gemma confessorum
ornatus virginum
sciencia tu cherubim
vox celi lingua christi
hodie a seraphim
assumi meruisti
|
Matins verse 7
|
Augustine pie
paulo par sic et elie
|
Matins respons 8
|
Aquilina facie
vidit augustinus
subtili mentis acie
quod deus unus trinus
unus in essencia
trinus in personis
cuncta creans encia
summe perfeccionis
|
Matins verse 8
|
Ne cessent esse
qui singula servat in esse
|
Matins respons 9
|
O pater pauper spiritu
sed dives in virtute
in tuo ora transitu
tu nostra pro salute
tuo sic provideas
gregi pastor bone
ut te sequentem videas
in merito corone
|
Matins verse 9
|
Et tecum pone
finito carnis agone
|
| |
Lauds antiphon 1
|
Augustinum induit
dominus decore
et sedem eius posuit
in gloria et honore
|
Lauds antiphon 2
|
Letus atque iubilans
hic sanctus introivit
domum quam desiderans
in terra concupivit
|
Lauds antiphon 3
|
Pregustavit domine
de rivo sed sitivit
nunc pleno fruens flumine
te torrente bibit
|
Lauds antiphon 4
|
Fratres benedicite
beato augustino
qui nos de mundi turbine
tulit de camino
|
Lauds antiphon 5
|
In excelso solio
dominum de celis
laudemus de suffragio
patroni fidelis
|
Lauds (gospel) special antiphon
|
O plena dies gaudio
in qua de mundi medio
spiritus sancti armarium
patronus turbe pauperum
gaudium intravit
nunc haurit pleno poculo
nunc claro videt oculo
lumen indeficiens
vinum summe reficiens
quod prius pregustavit
|
| |
2nd Vespers (gospel) special antiphon
|
O per omnia laudabilis
pater et patrone
toti mundo venerabilis
augustine bone
fruens cibo grandium
habens omne gaudium
de presencia sponsi christi
a torrente voluptatis
ebrius summe trinitatis
commenda dei filio
quos hic in exilio
te sequi voluisti
|
2nd Vespers (gospel) special antiphon .a
|
Multiplici miraculo
deus gloriosum
augustinum populo
fecit et famosum
cum fertur de sardinia
locandus in papia
o pater nostra gloria
custodi nos in via
|
full office name: