full office name: ALBANUS of England (n1)
edition: AH 13 #7
calendar:June 22
structure summary: Vespers: AE
Matins: secular
Lauds: A5E
2nd Vespers: E
poetic forms: Vespers: e.o
Matins: e.hll{vl,$T,$i}l3{i,lh,t}l3{iv,i,i}
Lauds: e5.l
2nd Vespers: .l [q]
type of saint: martyr
geographical information:England
notes:martyr
Persons: Albani Albane Albanus Albanum Moysi

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Inclita martyrii
recolentes iure tropea
laudes christe tibi
pangimus assidui
qui pietate tuis
festum sollemne dedisti
albani meritis
martyris egregii
qui proprii pro te
perfusus sanguinis unda
splendet in angelica
perspicuus patria
Vespers (gospel) special antiphon
Ave martyr gloriose
ave sidus iam celeste
decorans albane celum
nos guberna vincens humum
quo letemur triumphantes
te patronum venerantes
 
Matins I
Nomen christe tuum
cuncti veneremur in unum
qui das pro meritis
celica regna tuis
Matins antiphon 1
Primus in anglorum
cito lampas gente refulsit
albanus martyr
fidei virtute coruscans
Matins antiphon 2
Hic regum fremitus
et inania gentis inique
agmina contemnens
se christo corde subegit
Matins antiphon 3
In terris positus
mundanis rebus opimus
moribus angelicam
curabat ducere vitam
Matins respons 1
Sacrosanctum venerandi
festum sancti martyris
christo dignas inspectori
laudes demus pectoris
albanum qui sibi dignum
sacravit hospicium
Matins verse 1
Illustret nostras
celesti lumine mentes
criminibus vacuas
sacris virtutibus implens
Matins respons 2
In terris adhuc
mundanum lucrum
spernere ceperat
albanus martyr
pietatem sectans
sumptus pauperibus
dabat credens
in celis sibi compensandum
vite munera perpetim
Matins verse 2
Contemnens multis
onerari gratis
Matins respons 3
Lumen sensificum
christe piorum
clemens accumula
vota precantum
et quibus tribuis
solvere festum
albani meritis
martyris almi
addas supplicibus
gaudia pacis
Matins verse 3
Ipsum glorifica
morte beasti
ipsius precibus
des quoque nobis
Matins antiphon 4
Alloquio dulcis
vultu reverendus honesto
inter sacrilegos
constans sine crimine vixit
Matins antiphon 5
Miles christe tuo
fidei munimine rectus
perstitit impavidus
voluit nec cedere lesus
Matins antiphon 6
Albanus domini
laudans mirabile nomen
angelicis meruit
dignanter cetibus addi
Matins respons 4
Alme martyr gemma celi
forma secli solve supplex
vincla plebis
christi subdite
confer pacem tolle pestem
vitam da piam
Matins verse 4
Audi christe iudex iuste
voces supplicum
qui das sanctis equum semper
cunctis premium
Matins respons 5
Addictus morti
venerabilis hostia christi
pectore stigma crucis
baiulans laborumque salutis
transivit siccis
fluvialia carbasa planctis
Matins verse 5
Exemplo moysi
psallens magnalia dei
Matins respons 6
Benedicimus omnipotentem
sua premia non minuentem
aberit licet unccio frontis
bona sufficit accio iustis
Matins verse 6
Tua sic pie christe latroni
miseracio contulit olim
Matins antiphon 7
Iste quidem sanctus
morum probitate benignus
sumptibus ex propriis
victum prestabat egenis
implens dilecti
iugiter precepta magistri
Matins antiphon 8
Alme dei martyr
clamorem suscipe nostrum
exora dominum
pro peccatis populorum
Matins antiphon 9
Martyr dignus ait
perflatus flamine christi
o pie me iesu
placato suscipe vultu
participem facias
vite celestis et aule
Matins respons 7
Iudex indomita perditus ira
dixit voce nefanda
albanus gladium senciat improbus
orat quoque martyr
Matins verse 7
Iesu christe meus optime conditor
nunc et semper adesto
Matins respons 8
O perpetua festivitas
o gratissima iucunditas
in qua angelorum choris
eterna afflavit hilaritas
cum beatum albanum
sanctorum ascivit consorcio
adoranda trinitas unus deus
Matins verse 8
Omnis illa celestis ierusalem
cum magno affectu
iucundata est
Matins respons 9
Gloriose
ac semper venerande
martyr dei albane
intercede
pro omnibus nobis
ad dominum deum nostrum
ut per ipsius misericordiam
ad celorum regna
mereamur pervenire
Matins verse 9
Sancte albane
succurre plebi tue
atque omni ecclesie
sancte dei
 
Lauds antiphon 1
Suscipiens martyr
fidei pia dogmata vere
pro christi voluit
nomine multa pati
Lauds antiphon 2
Vincitur diris
constans athleta catenis
tortus suppliciis
improbe multimodis
Lauds antiphon 3
Ad mortem properans
habiturus denuo vitam
pertransivit aquas
vi crucis immodicas
Lauds antiphon 4
Percussor sancti
divino tactus amore
cedere dum timuit
sanccior occubuit
Lauds antiphon 5
Cum domino laudes
curaret solvere miles
fontem promovit
arida planicies
Lauds (gospel) special antiphon
Summa dei virtus
sancti patuit super artus
cesum perlustrans
cesorem lumine frustrans
unde tibi perpes
sanctorum dextera vindex
laus et honor maneat
per cuncta secula secli
 
2nd Vespers (gospel) special antiphon
Grata tibi pie rex
semper iubilacio nostra
munera persolvens
et corde resultet et ore
ut qui concedis
letari testis agone
des veniam nobis
clemens ipsius amore