| |
| |
Vespers antiphon 1
|
Sollemnizate pueri
supremi regis incliti
hoc festo quo celestibus
coniunctus est willibaldus
|
Vespers antiphon 2
|
Christi misericordia
huius patris precordia
confirmavit caritate
os implendo veritate
|
Vespers antiphon 3
|
Sic vere vir laudabilis
quem regens a cunabulis
pro voto dedit dominus
profectum in virtutibus
|
Vespers antiphon 4
|
Inter turbas mansuetorum
prenitentem willibaldum
virtutum rex altissimus
sublimavit honoribus
|
Vespers antiphon 5
|
Sion exulta canticis
te willibaldi presulis
condecorat presencia
et relevant suffragia
|
Vespers respons
|
Patriarche fidem gerens
benediccionis heres
eius instituitur
peregrinus willibaldus
cum a deo plebis magnus
sacerdos eligitur
|
Vespers verse
|
Sicut carnis abraham sic verbi semine magnam
gentem progenuit deo
|
Vespers (gospel) special antiphon
|
Exultet celi curia
mundi fatiscat furia
cum willibaldi spiritus
letatur celi sedibus
nos igitur antistitis
preclari freti meritis
votis voce subsequamur
ut salutem nanciscamur
|
| |
Matins I
|
Astra vocante deo
subiit presul willibaldus
celitus hortati
iubilando venite beati
reddere vota deo
|
Matins antiphon 1
|
Anglorum predicabilis
gens fidei pro meritis
de qua duxit prosapiam
willibaldus clarissimam
|
Matins antiphon 2
|
Stirpe regali editus
parentum heres unicus
a lacte dum suspenditur
mox febribus corripitur
|
Matins antiphon 3
|
Quem mortis in articulo
postquam voverunt domino
parentes salus redditur
et languor omnis pellitur
|
Matins respons 1
|
Presul christi willibaldus
a cunabulis ut agnus
tenens innocenciam
puer indolis preclare
solum studuit amare
dei sapienciam
|
Matins verse 1
|
Christi pauper opes
patrias mundumque relinquens
|
Matins respons 2
|
Iuvenis cum esset factus
et sub veste christi nactus
esset dona plurima
spiritalium virtutum
exulare duxit tutum
pro celesti patria
|
Matins verse 2
|
Quod labor iste ratus
foret utilis inde beatus
|
Matins respons 3
|
Pandit ergo patri talem
vir sincerus voluntatem
et hortatur plurimum
ut secum proficiscatur
nec subire vereatur
laborem dispositum
|
Matins verse 3
|
Dat pater assensum
domino spirant benignum
|
Matins antiphon 4
|
Parentes voti memores
heredis non retraxit spes
transacto iam quinquennio
reddebant natum domino
|
Matins antiphon 5
|
Pater egiwaldus illum
ut suscepit commendatum
waltheim in monasterio
reconsignavit domino
|
Matins antiphon 6
|
Puer autem mitissimus
instabat totis viribus
cottidie proficere
et arciora petere
|
Matins respons 4
|
Willibaldus dei servus
christo suspirans ut cervus
dum ad aquas properat
affectabat exulare
tum per terras tum per mare
iuxta quod elegerat
|
Matins verse 4
|
Calle pedum celeri
repetens vestigia christi
|
Matins respons 5
|
Secum igitur assumptis
et divinitus adiunctis
suo patre pariter
et germano suo fratre
wunibaldo intrant mare
liburnis alacriter
|
Matins verse 5
|
Mox asseclarum
cetu comitante piorum
|
Matins respons 6
|
Tandem maria sulcantes
prospereque navigantes
maris portum applicant
ubi caput orbis romam
sue mortis per coronam
apostoli decorant
|
Matins verse 6
|
Comparibus votis
se committendo patronis
|
Matins antiphon 7
|
Virtutum spiritalium
rex willibaldum puerum
pro christo factum pauperem
suum fecit docibilem
|
Matins antiphon 8
|
In quo tradente flamine
prophete soliloquia
mire intelligencie
exuberavit gracia
|
Matins antiphon 9
|
Futurus namque pontifex
a deo sic instructus est
ut vas electum celitus
christi prodesset plebibus
|
Matins respons 7
|
Willibaldus vir insignis
emulando arccioris
vite sanctimoniam
navi sibi delegata
nutu dei ut optata
venit hierosolymam
|
Matins verse 7
|
Christi carne sua
complectens stigmata sacra
|
Matins respons 8
|
Romam venientem sanctum
consecravit willibaldum
sanctus bonifacius
archipresul maguntinus
ut esset vir deo dignus
in eystett episcopus
|
Matins verse 8
|
Pontifices sacri
sancto sensere vocati
|
Matins respons 9
|
In mundanis prolongatum
willibaldus incolatum
consummavit hodie
et commendans corpus terre
deo spiritum eterne
est adiunctus glorie
|
Matins verse 9
|
Cernens in patulo
de numine credita trino
|
| |
Lauds antiphon 1
|
Defuncti patris ossibus
humatis fratres amplius
tristicie solacium
interpellebant dominum
|
Lauds antiphon 2
|
Subtractam sibi graciam
visis statim ubi sensit
tobie pacienciam
willibaldus exhibuit
|
Lauds antiphon 3
|
Post duos menses igitur
beato visus redditur
cuius panduntur merita
probata paciencia
|
Lauds antiphon 4
|
Hunc papa dum gregorius
assiduis profectibus
invigilare cerneret
suasit quo plus proficeret
|
Lauds antiphon 5
|
Transmisit dei famulum
ad sanctum bonifacium
obedire solummodo
tanti patris consilio
|
Lauds (gospel) special antiphon
|
Beatus bonifacius
venientem ad se sanctum
confessorem willibaldum
benigne susceptum primo
presbyterum ordinavit
deinde coepiscopis
aggregatis episcopum
dignissime consecravit
|
| |
2nd Vespers (gospel) special antiphon
|
Willibalde pater
celestia qui meruisti
gaudia supplicibus
fer opem de munere christi
ut te laudantes salvemur
ab omine tristi
sedeque deposcas
nos tecum perpete sisti
|
full office name: