| |
| |
Vespers antiphon 1
|
Adest dies leticie
quo defensor ecclesie
post carnis exilium
vehitur ad solium
militum celestium
signis fulgens glorie
|
Vespers antiphon 2
|
Peremptoris pena
horroribus plena
prosecuta celitus
promit quod dux inclitus
celi fruens cena
mundi fugit gemitus
|
Vespers antiphon 3
|
Gressu redit prepeditus
martyris suffragio
pellitur privacio
visus et auditus
|
Vespers antiphon 4
|
Carcer nocte claruit
celesti fulgore
sed et terra tremuit
et egressus patuit
insolito more
|
Vespers antiphon 5
|
Per trimatum hoc humatum
corpus non corrumpitur
sed nec vulnus cernitur
mire solidatum
|
Vespers (gospel) special antiphon
|
Gaude felix bohemia
de duce laudabili
attingente celestia
in via mirabili
nam humilis in gloria
pauper in diviciis
mundi refutans gaudia
castus in deliciis
coronatur hodie
corona leticie
carnis liber exuviis
|
| |
Matins I
|
Iubilemus regi celi
qui servo suo fideli
wenceslao dat hodie
sertum celestis glorie
|
Matins antiphon 1
|
Iubar alte claritatis
lato luxit lumine
vir perfecte caritatis
wenceslaus nomine
|
Matins antiphon 2
|
Vivens ab infancia
in christi servicio
servatur in gracia
fultus evangelio
|
Matins antiphon 3
|
Dum gentiles vitat ritus
plenus pudiciciis
crebras multis fert attritus
minas contumeliis
|
Matins respons 1
|
Wenceslaus dux gracie
virtutum stans in acie
decoratus victoria
cuius finis est gloria
in celesti milicia
|
Matins verse 1
|
Vitans puerilia
tendens ad utilia
mundi calcat gaudia
|
Matins respons 2
|
Sacra frequentat limina
nocte surgens media
callis ferens gravamina
cruentat vestigia
|
Matins verse 2
|
Vir plenus sacro flamine
de pedum suorum sanguine
cruentat vestigia
|
Matins respons 3
|
Nocte surgens agrum petit
cum cliente spicas metit
terit molit et hostias
coquens dat per ecclesias
ut agantur mysteria
per missarum sollemnia
|
Matins verse 3
|
Hic de hortis uvas demit
et in vase mundo premit
|
Matins antiphon 4
|
Carnem terens inedia
procul fit a viciis
et sub veste regia
utitur ciliciis
|
Matins antiphon 5
|
Signo crucis hostis cedit
factus duci subditus
cuius turba leta redit
defensata celitus
|
Matins antiphon 6
|
Spiritu prophetico
vir sanctus florebat
dum verbo veridico
multa predicebat
|
Matins respons 4
|
Infantes emit gentiles
servituti genitos
et eos fecit eriles
fide christi preditos
|
Matins verse 4
|
Sacre dat se largitati
servos emens libertati
|
Matins respons 5
|
Crucis cultor progreditur
crucis ornatus iubare
qui turbis celi cingitur
celesti plenus nectare
|
Matins verse 5
|
Cesar stupore rapitur
furoris nexu solvitur
throni gaudens compare
|
Matins respons 6
|
Mors abelis figuravit
quod sanctus dux triumphavit
ictus fratris gladio
cuius cruor proclamavit
scelus fratris dum negavit
quovis tergi studio
|
Matins verse 6
|
Frater fratrem nece stravit
sed occisum coronavit
christus mox in gaudio
|
Matins antiphon 7
|
Cursu tandem consummato
miseriarum stadii
christi cultu propagato
sortem subit martyrii
|
Matins antiphon 8
|
Ad occursum hostium
siciens martyrium
fugit ad ecclesiam
querens ibi graciam
|
Matins antiphon 9
|
Hinc prostratus in limine
orans exclamat ad deum
in manus tuas domine
commendo spiritum meum
|
Matins respons 7
|
Wenceslaus dux virtutum
iam potitus martyrio
in pressuris constitutus
pio fit presidio
|
Matins verse 7
|
Hoc a viro pietatis
ut a rivo largitatis
grata manans fluxio
|
Matins respons 8
|
Christus regi dacie
apparens in cruce
munus reddit gracie
pro tam sancto duce
ut quante sit glorie
notum illi patrie
tali fiat luce
|
Matins verse 8
|
Sic pro culparum maculis
martyris memorie
templi fit sub titulis
|
Matins respons 9
|
Castus mente corpore
docens verbis opere
venit ad martyrium
quare mortis tempore
quod sitit summopere
triplex tollit impium
|
Matins verse 9
|
Melle fluens cadens rubens
wenceslaus fit preclarus
|
Matins Q
|
Preclaris his meritis
serva nos a vetitis
christe salus omnium
prece sancti ducis
confer nobis lucis
eterne solacium
eia pie wenceslae
te laudantes post te trahe
in celeste premium
|
| |
Lauds antiphon 1
|
Laude motus matutina
nocte surgit media
quem mox ensis mors vicina
vehit ad celestia
|
Lauds antiphon 2
|
Cruor fusus effluit
quem ars nulla deluit
ut scelus non lateat
sed sanctus refulgeat
|
Lauds antiphon 3
|
Ex gestato pignore
habens adminiculum
in obiecto litore
locatur vehiculum
|
Lauds antiphon 4
|
Morbidis refugium
pugil fit beatus
et vinctis effugium
prestat invocatus
|
Lauds antiphon 5
|
Laudant dominum de celis
angelici spiritus
ad tumbam viri fidelis
descendentes celitus
|
Lauds (gospel) special antiphon
|
Hic vir dives in apice
stans religionis
potatus est calice
sancte passionis
iam de vite poculis
gustat in solacio
claris deum oculis
videns cum tripudio
|
| |
2nd Vespers (gospel) special antiphon
|
O pugil egregie
o decus milicie
wenceslae dux pie
qui virtute crucis christi
victor clarus extitisti
sub signo victorie
militantis ecclesie
audi preces hodie
|
| |
Vespers (gospel) special antiphon .a
|
Laus alme sit trinitati
et graciarum accio
eius immense pietati
que in trifaria
immo quadrifaria
orbis particione
ex omnibus tribubus
et linguis unum corpus
conficit ecclesie
de cuius clara filiorum genitura
inter alios tanta matre procreatus
excellentissima bohemie gentis nobilitate
processit oriundus
beatus vir wenceslaus
quem frater male germanus
immundus et sevus
ut cain abelem
olim effecit martyrem
|
full office name: