full office name: VINCENCIUS Ferrer (n1)
edition: AH 5 #91
eccles:OP
calendar:April 05
structure summary: Vespers: AE
Matins: secular
Lauds: A5E
2nd Vespers: E +
Lauds: E
2nd Vespers: E
poetic forms: Vespers: T.t
Matins: i.o3{t,t,Tt}o3{t3}o3{t,t,to}
Lauds: o5.t
2nd Vespers: .t
Lauds: .o
2nd Vespers: .o []
died:1419
canonized:1455-58
type of saint: confessor
geographical information:Spain
notes:confessor
Persons: Vincencius Vincencii Vincencium Vincenti
Places: Hesperie Valencie Valencia Britannia Hesperia

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Diem nove
laudis et glorie
letum ducat
cetus fidelium
quo sublime
decus hesperie
gratulante
turba celestium
a principe
supreme curie
bine sumpsit
corone premium
Vespers (gospel) special antiphon
Qui prophetico fretus lumine
mira de mundi fine docuit
in occiduo terre cardine
ut sol vincencius occubuit
et septus angelorum agmine
lucidas celi sedes tenuit
 
Matins I
Veneremur christi vultum
quem vincencius
predicavit iudicem
esse venturum
Matins antiphon 1
Attentam matrem reddidit
latrans in ventre catulus
ut quereret quem edidit
qualis esset infantulus
Matins antiphon 2
Vincencii sublimitas
que sit futuro tempore
matris monstrat agilitas
roburque datum corpori
Matins antiphon 3
Religionem inclitam
postquam subiit dominici
virtutem sibi prestitam
laude monstrat multiplici
Matins respons 1
Summus parens ac rector gencium
in vespere labentis seculi
novum vatem misit vincencium
christiani magistrum populi
refert instare dei iudicium
quod spectabunt cunctorum oculi
Matins verse 1
Timete deum clamat sepius
venit hora iudicii eius
Matins respons 2
In urbe
nobili valencie
generosis
ortus natalibus
sincere
puer innocencie
ingenuis
prepollet moribus
nature
pariter et gracie
opimis
affluens muneribus
Matins verse 2
Sub toga regulari candida
vita cepit florere splendida
Matins respons 3
Christi viam
secutus arduam
a terrenis
procul illecebris
veritatem
reddit conspicuam
profugatis
errorum tenebris
oram illuminat occiduam
toto factus
in orbe celebris
Matins verse 3
Cuius doctrina sole gracior
sermo erat flammis ardencior
Matins antiphon 4
Imitans exercicia
ducis eius mirifici
purgavit mundi vicia
dono verbi salvifici
Matins antiphon 5
Bellavit cum victoria
vincens mundana gaudia
hinc summa celi curia
eum cepit cum gloria
Matins antiphon 6
Emittebat uberrimas
sepe plorando lacrimas
christi mortem considerans
eiusque corpus consecrans
Matins respons 4
Nocte sacris incumbens litteris
contemplatur virgili studio
mane pulchri ad instar sideris
mire lucet doctrine radio
morbos omnes vesperi generis
salutari pellens remedio
?Virgili [alt: ?]
Matins verse 4
Nullam preterit horam temporis
quo non recti quid agat operis
Matins respons 5
Verba perennis vite proferens
animos inflammat astancium
pectoribus humanis inserens
amorem donorum celestium
de virtutibus alta disserens
frenare docet omne vicium
Matins verse 5
Illum avida turma sequitur
dum de ore divina loquitur
Matins respons 6
Quattuor vecta rotis agitur
mirabilis quadriga domini
vincencius cum christo iungitur
trino predicatorum cardini
quorum virtute fides regitur
divino sit pia laus nomini
Matins verse 6
Ducunt hi redam evangelii
velut equi fortes et varii
Matins antiphon 7
Laude digna valencia
ipsum mortalem edidit
sed felix hunc britannia
regno celorum reddidit
Matins antiphon 8
Honores omnes renuit
pro christi sacro nomine
mentem constantem tenuit
sacro rigatus flamine
Matins antiphon 9
In christum semper retulit
quidquid fecit dum viveret
se a erremo abstulit
ut celum tandem scanderet
?Erremo [alt: ?]
Matins respons 7
Res agitur digna spectaculo
ab ignotis quando vectoribus
allatos panes tradit populo
degenti secum in nemoribus
qui sepe stupet hausto poculo
non consumptis vini liquoribus
Matins verse 7
Tunc exultant virorum milia
dum intuentur viri magnalia
Matins respons 8
Vincencium doctorem inclitum
cum decore semper et gloria
sanctitate illustri preditum
veneratur omnis hesperia
cuius celsum monstratur meritum
in tumuli sacra memoria
Matins verse 8
Hinc mirifica signa prodeunt
nam ad vitam defuncti redeunt
Matins respons 9
Predicator o doctor maxime
quem angelorum cum ordinibus
triumphante felices anime
prosequuntur iucundis laudibus
te lauree coronant plurime
sublimem in regnis celestibus
Matins verse 9
Tu christi potens gracia
nos tuis fove precibus
quem ascripsit ecclesia
nuper sanctorum cetibus
 
Lauds antiphon 1
Festiva vox psallencium
collaudet regem glorie
qui cum sanctis vincencium
glorificavit hodie
Lauds antiphon 2
Erat vir evangelicus
christi preco cum predicat
dux illius dominicus
in terris ipsum visitat
Lauds antiphon 3
Candens virgo divinitus
hostem pellit ab obsessis
cunctis vivens humanitus
salutem reddit oppressis
Lauds antiphon 4
Infantulus laceratur
mox matris per excidium
vite alter restauratur
quem clausit precipicium
Lauds antiphon 5
Tunc sub patenti specie
angelorum exercitus
odor portentum gracie
convenit hora transitus
Lauds (gospel) special antiphon
Cuius vite sincera puritas
virginali candore nituit
salutaris doctrine veritas
predicando ubique claruit
illi summa geminam bonitas
pro meritis coronam tribuit
 
2nd Vespers (gospel) special antiphon
Gloriose pater o vincenti
cui arcem polorum scandenti
cum honore obvius ingenti
plaudens venit chorus angelorum
canentes te duc laude frequenti
ad amena regna beatorum
 
Lauds (gospel) special antiphon .f
Pervigil christi nuncius
vocans ad lucis opera
ad fruenda vincencius
nos ducat vite munera
 
2nd Vespers (gospel) special antiphon .f
Adsit nobis propicius
in huius vite vespere
ad christum nos vincencius
tuto ferens itinere