full office name: VIGOR of Bayeux (n1)
edition: AH 18 #99
calendar:November 01
structure summary: Vespers: A5E
Matins: IA3R.A6RR
Lauds: A5E
2nd Vespers: RE
poetic forms: Vespers: l5.l
Matins: l.l3{v}l6{vo,lh}
Lauds: llill.l
2nd Vespers: {lh}.l [q]
type of saint: bishop
geographical information:Bayeux, France
notes:bishop
Persons: Vigor Vigorem Vigori Vedasto Childebertus Bertulphus
Places: Francorum

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Annua lux revenit
qua celica regna petivit
vigor magnificus
presul virtutibus actus
Vespers antiphon 2
Vigor ad eternas
susceptus celitus odas
commenda nostros
domino pater inclite cantus
Vespers antiphon 3
Virtutum titulis
resplendet turba fidelis
sanctorum patrum
christi mandata sequentum
Vespers antiphon 4
Inter quos vigor
divine lucis amator
splendiferis signis
rutilat velut orbita solis
Vespers antiphon 5
Angelus hunc matri
presse dulcedine somni
pastorem magnum
predixit esse futurum
Vespers (gospel) special antiphon
Gracia christe tibi
vigorem qui statuisti
magnum pontificem
tecum super etheris arcem
illius ut precibus
nobis pateat paradisus
 
Matins I
Ecclesie proles
christo canat inclita laudes
qui dedit angelice
vigori premia vite
Matins antiphon 1
Nascitur et crevit
quem spiritus igne replevit
ardentis fidei
que sunt pia munera christi
Matins antiphon 2
O deus eterne
cunctorum conditor alme
qui sic vigorem
conscendere das ad honorem
Matins antiphon 3
Despiciens stolidi
que sunt sua gaudia mundi
sub patre vedasto
monachus processerat actu
Matins respons 1
Servus christi summi regis
vigor erat humilis
ut det sibi lumen verum
et celestem animum
quibus via patet recta
ad celorum culmina
Matins verse 1
Confortatur dono dei
atque luce fidei
Matins antiphon 4
Angelus in somnis
vigorem tempore noctis
accelerare viam
monuit iam denique ceptam
Matins antiphon 5
Evigilans sanctus
precepto letificatus
venerat ad vicum
redeveris nomine dictum
Matins antiphon 6
Ibi falsorum
cernens simulacra deorum
condolet indigenas
leges servare profanas
Matins antiphon 7
Incumbens precibus lacrimas
effudit subortas
christum mente petens
ut eos convertere posset
!Effudit [alt: ?]
Matins antiphon 8
Magnificus precibus dominus
pius annuit eius
cor tribuendo novum
mitti turbe populorum
Matins antiphon 9
Occurrunt fidei
poscentes dogmata cuncti
tinxit quos ille
sacro baptismatis amne
Matins respons 7
In prefato quidem vico
mortuo puerulo
mater eius lacrimosa
emittens suspiria
ad vigorem currit cito
supplicans pro filio
Matins verse 7
Pre dolore fatigata
fide tamen confirmata
Matins respons 8
Vigor magnificus
nulli pietate secundus
defunctum puerum
de morte resurgere vivum
obtinuit precibus
!Obtinuit [alt: ?]
Matins verse 8
Ut pueri matrem
fletu pene deficientem
vir domini vidit
de morte surgere vivum
obtinuit precibus
!Obtinuit [alt: ?]
 
Lauds antiphon 1
Destructis idolis
et eorum denique templis
circumquaque pii
surgebant menia christi
Lauds antiphon 2
Sed tamen haud longe
gens rustica sedit ab urbe
subdita insanis
contempsit verba salutis
Lauds antiphon 3
Hos childebertus francorum
rector honestus
vigori tribuit
magno propriosque dicavit
Lauds antiphon 4
Quos pastor domini
iungens ad ovilia christi
ad veri speciem
populum perduxerat omnem
Lauds antiphon 5
Sensit bertulphus
multo iam demone plenus
quod vigor sanctus
est christi nomine tutus
Lauds (gospel) special antiphon
Preclarus meritis
vigor resplendet opimis
qui volucrem mansum
fecit prece surgere vivum
eius ut auxilio
mereamur vivere celo
concedat nobis
tocius conditor orbis
 
2nd Vespers respons
Leta dies illa
quam celica contulit aula
letus erat clerus
tanto sub presule factus
beati populi
venerantes munera christi
2nd Vespers verse
Vigor pre cunctis humilis
fuit et sibi vilis
in domino gaudens
domini bonitate relucens
2nd Vespers (gospel) special antiphon
In domini laude
vigor sanctissime gaude
intrasti celum
divino lumine plenum
in quo nos tecum
possimus cernere christum