| |
| |
Vespers antiphon 1
|
Hodie cum gloria
celebret ecclesia
veneremur omnes plene
sancte virginis verene
inclita sollemnia
|
Vespers antiphon 2
|
Hec cum esset parvula
in etate primula
habitum fert spiritalem
vitam fovens virginalem
in virtutis formula
|
Vespers antiphon 3
|
Mundi fastum respuit
virgo deum coluit
et ad christum cor direxit
eum sequens quem dilexit
despici se maluit
|
Vespers antiphon 4
|
Fidei cum pessulo
comitur et speculo
spei reque caritatis
nectitur sic sanctitatis
triplici funiculo
|
Vespers antiphon 5
|
Inde liquit patriam
et parentum gloriam
crucis egide protecta
cum mauricio profecta
venit in italiam
|
Vespers respons
|
Hec est virgo vere prudens
obviare sponso studens
lampadibus ornatis
quam suscepit christus ludens
huic cum sanctis regnum cudens
eterne claritatis
|
Vespers verse
|
Suavitatem fert odoris
ut vitis fructifera
pii dant exempla moris
sue manus opera
|
Vespers (gospel) special antiphon
|
Magnum nomen domini
qui verene virgini
magna fecit ut videmus
pariter magnificemus
exaltavit humilem
locans venerabilem
super solium potentum
ut sit ipsa munimentum
omnibus humilibus
et se venerantibus
prestet interventum
|
| |
Matins I
|
Venientes adorare
regem magnum dominum
qui verenam delicate
choro iunxit virginum
|
Matins antiphon 1
|
Mirabili omine
subiecisti domine
omnia huic puelle
ut tuo pro suo velle
gaudeat in nomine
|
Matins antiphon 2
|
Celi dei gloriam
atque sapienciam
in eternum enarrabunt
cum verena collaudabunt
divinam clemenciam
|
Matins antiphon 3
|
Innocens hec manibus
prorsus sine fraudibus
residens in dei loco
sponsa plaudit dulci ioco
cum sanctis virginibus
|
Matins respons 1
|
Virgo verena sapiens
mediolanum veniens
cum thebe legione
sine intermissione
fuit deo serviens
|
Matins verse 1
|
Pietatis operibus
pro totis suis viribus
vinctis in carceribus
subvenit in artibus
|
Matins respons 2
|
Sub modio ne lateat
iubar sed mundo luceat
suam deus hanc ancillam
ad nos misit ut per illam
nobis celum pateat
|
Matins verse 2
|
Solodorum ingreditur
lapsis fides conceditur
sua prece tunditur
mors et spes refunditur
|
Matins respons 3
|
Dispergitur in terminis
terre mox fama virginis
et ad ipsam confluxerunt
infirmati qui senserunt
opem medicaminis
|
Matins verse 3
|
Multitudo languencium
cecorum et debilium
ad hanc venit gencium
sanari querencium
|
Matins antiphon 4
|
Audi regis filia
pia laudum munia
aurem tuam huc inclina
et nos clemens per divina
protegas auxilia
|
Matins antiphon 5
|
Virtus et refugium
noster deus omnium
per verenam nos exaudi
que vacando tue laudi
vite carpsit bravium
|
Matins antiphon 6
|
Montis sancti summitas
id est dei civitas
dat verene fundamenta
ut ad laudum incrementa
salvet gentes subditas
|
Matins respons 4
|
Sanctitatis impaciens
in hanc est demon seviens
quo suadente carceratur
quam mauricius solatur
dulciter afficiens
|
Matins verse 4
|
Correptus sevis febribus
tyrannus flexis genibus
solutam humilibus
illam placat precibus
|
Matins respons 5
|
Collectis hinc virginibus
ex regionis finibus
deum laudat ieiunando
et vigiliis vacando
cum oracionibus
|
Matins verse 5
|
Dum panis victus solitus
exhaustus fuit penitus
farris pastus positus
est ad fores celitus
|
Matins respons 6
|
Ne peccatoris oleo
impinguaretur ideo
dignitates hec humana
atque laudes sprevit vanas
corpore virgineo
|
Matins verse 6
|
A solodoro igitur
discedens proficiscitur
ubi rhenus labitur
zurciacam graditur
|
Matins antiphon 7
|
In celorum atriis
hec oblatis hostiis
datrix eleemosynarum
collocatur hinc terrarum
orbis plaudat gaudiis
|
Matins antiphon 8
|
Exultabunt hodie
pie iude filie
nam verene lux est orta
per quam nobis patet porta
iam celestis curie
|
Matins antiphon 9
|
Omnes terre termini
salutare domini
novo cantico collaudent
iubilantes en congaudent
sancti sancte virgini
|
Matins respons 7
|
Intenta salutifero
voto cuidam presbytero
zurciace ministravit
quem fidelis hec dotavit
obsequio prospero
|
Matins verse 7
|
Nam sacrum exercicium
in fructum transit nimium
deus se timencium
velle facit omnium
|
Matins respons 8
|
Dum recreare properat
egenos ut consueverat
accusatur virgo pia
sed per signa pandit via
ad quid hec accelerat
|
Matins verse 8
|
Conversis in substancias
eleemosynis alias
virgo deo gracias
retulit eximias
|
Matins respons 9
|
Post plurima miracula
cubans in sua cellula
per mariam visitatur
et dehinc exanimatur
sancta dei famula
|
Matins verse 9
|
Que hodie cum gloria
gaudet in celi patria
nobis hac memoria
prestet patrocinia
|
| |
Lauds antiphon 1
|
In celi celsitudine
cum magna fortitudine
deus potens rex regnavit
qui verenam sublimavit
dierum longitudine
|
Lauds antiphon 2
|
In hymnis confitemini
deo populus domini
cui verena iubilavit
pandit deus quam amavit
celi portas virgini
|
Lauds antiphon 3
|
Deserta sua paria
in terra satis invia
virgo deo vigilavit
et in laudem excitavit
sua semper labia
|
Lauds antiphon 4
|
Iustorum et humilium
anime dei filium
benedicant collaudando
et verenam venerando
cetus psallat omnium
|
Lauds antiphon 5
|
In suo rege filie
sion exultent hodie
qui mansuetam exaltavit
et eandem adunavit
sanctorum ecclesie
|
Lauds (gospel) special antiphon
|
Ius iurandum quod iuravit
nostris deus patribus
argumento comprobavit
solvens nos ab hostibus
cum verenam delegavit
huius terre finibus
per quam nos illuminavit
fidei dogmatibus
atque viam preparavit
pacis nostris pedibus
|
| |
2nd Vespers (gospel) special antiphon
|
Ave nostra dulcis mater
o verena petimus
fac pellatur satan ater
hostis callidissimus
per quem heu ter et quater
in peccata ruimus
da ut nos celestis pater
salvet benignissimus
|
full office name: