| |
| |
A verse LR
|
Dux et magistra virginum
ursula virgo dominum
exora patrem luminum
|
A verse LV
|
Ut omni mundi crimine
fruamur vero lumine
cum beatorum agmine
|
A verse CA
|
Magna gaude germania
felix felici agmine
letare tu colonia
que virginum tot sanguine
contempte idolatria
fuso pro christi nomine
ornaris et milicia
celi locata culmine
|
A verse IR
|
Ducunt constantes virgines
ursula et consocie
ad cultum christi plurimos
exemplis paciencie
omni virtutum gracia
pollentes cum iusticia
|
A verse IV
|
Beate que non ambulant
in pravorum consilio
et que morari respuunt
in peccatorum devio
|
A verse IA1
|
Inflammate caritate
zelant sponsum sunt parate
pro ipso mortem sumere
magis quam mundo vivere
|
A verse IA2
|
Iste sponse sunt regales
mense christi consodales
que cum choro virginali
sponso cantant immortali
|
A (gospel) verse _E
|
Magnifica milicia
cetus undecim milium
magna facta ecclesia
regem collaudet omnium
|
A verse B$
|
Sponse regis angelorum
vere vitis propagines
in odorem unguentorum
sponsi concurrunt virgines
munde mundum servant torum
carnis vitant voragines
|
| |
A M _R1
|
Ursula et consocie
virginalis mundicie
desponsantur immortali
sponso non in mundo tali
qui est sponsus speciosus
prudens dives gloriosus
|
A M _V1
|
Regum rex hic generosus
per quem homo criminosus
a peccatis expiatur
et ad regnum revocatur
|
A M _A1
|
In orto sunt ecclesie
per castitatem lilia
et rose per martyrium
sunt undecim hec milia
|
A M _R2
|
Inaudita res miranda
mira res cunctis narranda
papa multi episcopi
mulierem iuvenculam
perpessi sunt martyrium
sanctam sequentes ursulam
|
A M _V2
|
Qua duce omnes previa
intrant regna celestia
eterna cum leticia
|
A M _A2
|
In his floribus rosarum
liliorum violarum
sponsus pascit predilectus
et ex milibus electus
|
A M _R3
|
Sponsi fervens in amore
trahitur eius odore
virginalis constancia
liliorum cum candore
hunc martyrii cruore
hec sequitur per omnia
|
A M _V3
|
His singulis martyribus
atque sacris virginibus
bine dantur aureole
que sunt cum sanctis omnibus
facte celestes incole
|
A M _A3
|
Fuerunt iste virgines
fortes christi pugnatrices
quas per virtutem fidei
reddidit ipse victrices
|
| |
A Q $A1
|
Christum adolescentule
predilexerunt sedule
pro quo mortem subierunt
et terrena contempserunt
currentes ad supplicia
ut ad sponsi convivia
|
A Q $R
|
Mira morum honestate
castitatis claritate
fama et sapiencia
refulget regis filia
|
A Q $V
|
Rex concupivit ursulam
pro eius pulchritudine
que corporis et anime
erat in sancta virgine
|
A Q $A2
|
Veneretur ecclesia
societatem virginum
que cantans agnum sequitur
qui est redemptor hominum
|
A Q KA
|
Virgo devota ursula
fide christi preambula
virginalem miliciam
ducit ad regis curiam
|
| |
A L HR
|
Stirpe natam regia
virginem iuvenculam
christus dei filius
sponsat sibi ursulam
in sponsi obsequiis
vigilem et sedulam
|
A L HV
|
Undecim hec milium
chorum convertit virginum
per durum supplicium
istas ducens ad dominum
|
A L LR1
|
Regna carnis diaboli
mundi falsi et subdoli
per fidem christi famule
vincunt pugnantes sedule
consortes sancte ursule
|
A L LV1
|
Armis munite fidei
pugnant in sexu fragili
hostes sibi subiiciunt
victoria mirabili
|
A L LR2
|
Honoribus diviciis
spretis carnis deliciis
perfruuntur perennibus
bonis cum sanctis omnibus
|
A L LV2
|
Letetur ecclesia
quam virginum iucundam
reddunt natalicia
ostendunt et fecundam
|
A (gospel) L _E
|
Sit benedictus dominus
qui cum sanctis virginibus
suam ductricem ursulam
donat frui celestibus
|
| |
A H _A1
|
Virginalis milicia
crucifixi vestigia
secuta per martyrium
per viam paciencie
migrat ad celi solium
locum omnis leticie
|
A H _A2
|
Cantemus deo gloriam
nos redemptori omnium
qui beatis virginibus
celeste donat bravium
|
A H _A3
|
Benedicant domino
eius mira opera
pro quo passe virgines
sunt gaudentes aspera
|
A H _A4
|
Laudemus nomen domini
vocibus sonoris
revereamur ursulam
omnes cunctis oris
|
A H B$
|
Barbarorum sevicie
ferro colla subiiciunt
deo dicate virgines
mortem lete suscipiunt
que perempte pro domino
veram vitam inveniunt
|
| |
A $_A1
|
Ad festum sancte ursule
concurrant omnes populi
venerentur et virgines
magni maiores parvuli
ut nobis sint propicie
rogemus omnes seduli
|
A $_A2
|
Que cum sponso nunc gaudetis
oleo vasis repletis
orate ut dum ianua
patet sponsus largiflua
nos gracia recipiat
et nupciis reficiat
|
A $_A3
|
Ut angelus predixerat
reverse sunt coloniam
omnes adepte virgines
martyrii victoriam
|
A $_A4
|
Quam pulchra tabernacula
inhabitas nunc ursula
cum beatis virginibus
semper agnum sequentibus
|
A $_A5
|
Stat regis nata ursula
a dextris tuis domine
te deum sponsum eligens
spreto mortali homine
|
A $_A6
|
Cognita pulchritudine
ac eius magnitudine
princeps hunnorum ursulam
sibi petit in uxorem
que cum eum respueret
christi preferens amorem
per principem transfigitur
sagitta et sic moritur
|
A $_A7
|
Sit sanctarum multitudo
semper nobis fortitudo
per quam carnem diabolum
mundum vincentes subdolum
mereamur ad premia
pervenire celestia
|
| |
A K _A
|
Ora pro nobis ursula
ut vitemus pericula
et celi habitacula
intremus sine morula
|
| |
A (gospel) M _I
|
Iubilemus domino
undecim qui milia
beatarum virginum
duxit ad celestia
|
full office name: