| |
| |
Vespers antiphon
|
Letis canamus vocibus
tot paradisi floribus
quas virginitas lilium
rosas fecit martyrium
quarum prece da domine
ut flore pudicicie
caro nostra refloreat
ne in eternum pereat
|
| |
Matins I
|
Auctori vite
psalmis iubilando venite
est quia virginei
decus ipse corona tropei
|
Matins antiphon 1
|
Secus decursus fluminum
stetit hoc germen virginum
quod nulli cedens turbini
mansit in lege domini
|
Matins antiphon 2
|
Flos fulsit ex britannia
ursula stirpe regia
auctrix fructus virginei
predicans preceptum dei
|
Matins antiphon 3
|
Signatur super has digne
lux vultus tui domine
quas tyrannus collegerat
ut per tot unam auferat
|
Matins respons 1
|
Virgo regalis ursula
vultu et animo pulchra
tyranno cuidam placuit
qui late prepotens fuit
|
Matins verse 1
|
Mittens ergo nuptam christo
suo petebat filio
|
Matins respons 2
|
Tyranni donis ac minis
pater pulsatus virginis
precibus fugit intimis
ad turrim fortitudinis
|
Matins verse 2
|
Hinc discrimen ecclesie
hinc lapsum timens filie
|
Matins respons 3
|
Equitatui auctoris
in curribus pharaonis
virginum grex similaris
post transitum alti maris
|
Matins verse 3
|
Egyptum spernens cum palmis
domino canis in psalmis
|
Matins antiphon 4
|
Auribus percepit deus
dum clamat grex virgineus
et tam ursulam servavit
quam per hanc illas vocavit
|
Matins antiphon 5
|
Oleum extat effusum
mirabile nomen tuum
hinc tot adulescentule
dilexerunt te domine
|
Matins antiphon 6
|
Ad nihilum est deductus
harum conspectu malignus
que se fecerunt columbas
caste ad fenestras suas
in foraminibus petre
in cavernis macerie
|
Matins respons 4
|
Solatur patrem ursula
dei narrans oracula
iussa ne hostem confutet
ut spe coniugii mutet
|
Matins verse 4
|
Demandans quasi pro dote
hunc ablui baptismate
|
Matins respons 5
|
Spondet pater coniugium
commune fit tripudium
tyrannus christo subditur
ut virgo iussit agitur
|
Matins verse 5
|
Missis undenis navibus
cum tot virginum milibus
|
Matins respons 6
|
Decurso iam triennio
virgines digne premio
natale solum deserunt
seseque mari conferunt
|
Matins verse 6
|
He vere israelite
querentes patriam vite
|
Matins antiphon 7
|
Mirificavit dominus
graciam suam in illis
quia pars hereditatis
earum est et calicis
martyrio candidatas
celi regno fecit dignas
|
Matins antiphon 8
|
Quam pulchra generacio
celesti cum claritate
vultum sponsi querencium
invencium sequencium
paradisi per lilia
perpetuo candencia
?Invencium [alt: 8@ required by metre]
|
Matins antiphon 9
|
Sperantes in te domine
gracia tua protexit
ideoque te celestem
sponsum laudant et sequuntur
letantes et exultantes
in paradisi gaudiis
|
Matins respons 7
|
Ad portum vehuntur tyle
hinc ad arcem colonie
post hec linquentes trieres
romam adeunt pedestres
|
Matins verse 7
|
Ad sua bella celibum
implorare auxilium
|
Matins respons 8
|
Dum coloniam obsident
has hunni redire vident
irruunt virgines perimunt
statim ab urbe fugiunt
|
Matins verse 8
|
Quos non armati milites
ense terrebant virgines
|
Matins respons 9
|
Urbs nova ierusalem
turbam tenet hanc socialem
sanguineque vive
sua pallia lavit olive
atque stolas vino
sic flore sacro micat bino
|
Matins verse 9
|
Ad bona summa vacans
miserisque deum prece placans
|
| |
Lauds antiphon 1
|
En lectulum salomonis
ense munivit sermonis
fortissima ex israel
ursula pulchra ut rachel
|
Lauds antiphon 2
|
Hic quippe virginum cetus
dei est sponsa et lectus
in quo recubans quietus
nobiles lucratur fetus
|
Lauds antiphon 3
|
Veni ergo turba dei
veni de libano veni
de vertice coronanda
sanir hermon et amana
de cubilibus leonum
et a montibus pardorum
|
Lauds antiphon 4
|
Benedictus es domine
in firmamento celorum
cuius amoris igne succensa
beata martyr ursula
cum sui martyrii
beatis consortibus
crudeli morte vitam
eternam commutavit
|
Lauds antiphon 5
|
Ecce quam pulcher est dilectus
iste ecclesie sponsus
quem tot adulescentularum milia
roseis coronis decorata
sequuntur laudantes in excelsis
|
Lauds (gospel) special antiphon
|
Cum numero prudentum
virgines beate sponsum vestrum
pro nobis christum interpellate
ut ad amoris sui desiderium
excitet dormitans cor nostrum
ne nos quod intercessio
vestra prohibeat
ad ianuam vestre recepcionis
velut fatuas nesciat
|
| |
2nd Vespers (gospel) special antiphon
|
Magnificate dominum
omnes filii hominum
cuius est fortitudinis
si vincit pulvis et cinis
nam nostrum est si perimus
tuum christe si vincimus
vince mala firmans bona
ut cum hac virginum turba
celo simul corregnemus
quarum palmis congaudemus
|
| |
Vespers antiphon .a
|
Adest nobis annualis
gaudiosa iucunditas
adest sacrarum virginum
gloriosa sollemnitas
que pro christo
sua corpora tradiderunt
et coronas perpetuas
suo sanguine meruerunt
quas felix colonia
possidet cum gloria
quarum christe quesumus
suffragiis et precibus
iungamur pie gaudiis
celestibus
|
Vespers respons .a
|
Plaudite astra polorum
tanto collegio florum
fulgide ornata
o decus angelorum
nos letos duc ad horum
gloriosum chorum
in regna beata
|
Vespers verse .a
|
Post ursulam gratam
adducentur tibi christe
britannorum natam
gloriose virgines iste
|
| |
Matins antiphon 1.a
|
Vox turturis ut sonuit
vinea christi floruit
dum germinant ut palmites
per ursulam tot virgines
|
Matins antiphon 2.a
|
Cyprus et nardus cum croco
fistula cum cinnamomo
murra simul et aloe
decus huius sunt vinee
|
Matins antiphon 3.a
|
Inter hec flos virginalis
gloria est specialis
unde maior quam angelis
homini laus est in celis
|
Matins (gospel) special antiphon .a
|
Iste sunt dei calathus
supernis nupciis aptus
ubi cantica dans nova
gaudet sponsus super sponsa
|
| |
Vespers respons .a2
|
Annalis orbita votorum
nobis suscitat gaudia
dum hac die tot virginea
pro christo cesa pandit milia
|
Vespers verse .a2
|
Quarum in numero
cum sua duce ursula
fulsere ut sidera
pinnosa et candida
|
full office name: