full office name: URSULA (n11)
edition: AH 28 #91
eccles:OFM
calendar:October 21
structure summary: Vespers: A5E
Matins: secular-
Lauds: A5E
2nd Vespers: E
poetic forms: Vespers: ov4.o
Matins: s.v3{v3}vov{o,o,fv}v3{fv,v}
Lauds: v5.v
2nd Vespers: .v [”]
type of saint: virgin martyr
geographical information:C, Germany
notes:virgin / feria 5
martyr
Persons: Ursule Ursula Cyriaco
Places: Britonum Anglorum Romam Britannicus Anglie Britannie Coloniam

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Festum beate ursule
de stirpe nate regia
ecclesie venerantur
per quam multe iuvencule
ex nobili prosapia
ad christum adunantur
Vespers antiphon 2
Regni terreni penitus
contemptis pompis omnibus
hec christo dedicatur
sed doni missi celitus
crebris perfusa imbribus
alteri desponsatur
Vespers antiphon 3
Britonum regis filia
anglorum regis filio
insigni est promissa
sed virginum collegia
huiusmodi conubio
a deo sunt provisa
Vespers antiphon 4
Sicque undena milia
undenis sumptis classibus
intrant mare propere
sed multa post preludia
relictis suis navibus
romam pergunt prospere
Vespers antiphon 5
Hos et papa britannicus
divina fretus formula
suscepit reverenter
quos totus ut seraphicus
spreta papali infula
secutus est gaudenter
Vespers (gospel) special antiphon
O increata bonitas
o virginalis puritas
fac nos digne venerari
te agnum sine macula
quem sancta sequens ursula
tecum habet quietari
una cum eius agmine
magnificans te domine
 
Matins I
Regi summo numinum
latria tribuatur
in quo solo virginum
hec turba gloriatur
Matins antiphon 1
Hi sunt flores purpurei
ubique redolentes
in summi ripa alvei
hunc estum non timentes
Matins antiphon 2
Excelsi regis filio
proceres ordinantur
qui virginum collegio
purius adunantur
Matins antiphon 3
Non timent sancti milia
populi sevientis
cum sit in eis gracia
domini protegentis
Matins respons 1
Immenso regi ursula
hec sponsa dedicatur
ut fundens lumen facula
tota sic inflammatur
puritatisque normula
in ipsa declaratur
Matins verse 1
Pulchra prudens infantula
christi formata regula
ubique divulgatur
Matins respons 2
Diffusa fama gracie
puelle venustatis
ad regem venit anglie
hic rumor probitatis
ut fiant petit nupcie
filio dignitatis
Matins verse 2
Mittit regi britannie
patri tam grate filie
rex mire feritatis
Matins respons 3
Docta divo miraculo
regis spopondit baiulo
quod petit se facturam
dum se perfundat rivulo
unde baptismi annulo
se dicit consensuram
Matins verse 3
Undeno petit cumulo
se virginumque naulo
milleno vallaturam
Matins antiphon 4
Hi celi tabernacula
intrant per iusticiam
qui cordis sine macula
continent mundiciam
Matins antiphon 5
Mira dictavit dominus
in sanctis suis terre
conservans eos protinus
a malis seve guerre
Matins antiphon 6
Hec undenorum milium
casta generacio
est dominum querencium
cui benediccio
Matins respons 4
Relatu facto virginis
rex tota cum familia
iugo se subdit numinis
fidei cum leticia
vocacio fit agminis
parantur et navigia
Matins verse 4
Dum lacio fit faminis
principes alti nominis
hec adeunt collegia
Matins respons 5
Pontifices quam plurimi
iunguntur his virginibus
multique magnanimi
relictis suis domibus
naves intrant castissimi
beatis cum agminibus
Matins verse 5
Undequaque clarissimi
concurrunt et doctissimi
altis spretis nominibus
Matins respons 6
Acto bello pacifico
hi monitu angelico
simul convenerunt
cursu relicto classico
pedestri qui viatico
romam perrexerunt
Matins verse 6
Et spiritu vivifico
a papaque cyriaco
excepti extiterunt
Matins antiphon 7
Exultantes in domino
hos iustos veneremus
ut sic quod decet omnino
rectos corde laudemus
Matins antiphon 8
Super iustos respiciunt
oculi deitatis
et a feris custodiunt
hec ossa puritatis
Matins antiphon 9
Sanctis cesis virginibus
mox huri conturbantur
et a celi concivibus
dei voce fugantur
?Huri [alt: ?]
Matins respons 7
Summo linquente presule
infulam papalem
omnes ipso consule
palmam ad realem
pro fide tendunt sedule
summe virtualem
Matins verse 7
Sic obtinent iuvencule
una cum sponso ursule
coronam laurealem
Matins respons 8
Huri pravi infideles
audientes versipelles
hunc cetum remeare
in hos ruunt ut rebelles
qui festinant ut crudeles
insontes sagittare
?Huri [alt: ?]
Matins verse 8
Sic pro christo hi fideles
non reclamant sed imbelles
se optant illis dare
 
Lauds antiphon 1
Quam pulchrum est collegium
quod sequitur vestigium
quo dominus regnavit
hoc ursule preconium
testatur et martyrium
cum suis quod probavit
Lauds antiphon 2
Sequuntur inter lilia
undecim hec milia
pascentes se in illis
devincunt trina prelia
et respuunt hec vilia
psallunt deo iubilis
Lauds antiphon 3
Dum siciunt ad gloriam
inveniunt coloniam
ab huris que vallatur
fundentibus seviciam
in christi mox familiam
hec tota sagittatur
?Huris [alt: ?]
Lauds antiphon 4
Tres sunt status hic probati
igne tamen non cremati
manentes in camino
hic virgines et prelati
ac proceres copulati
exultantes domino
Lauds antiphon 5
Undenis his in milibus
in modulis concentibus
omnes deum laudate
hoc convenit fidelibus
sic in beatis omnibus
ideo laudem date
Lauds (gospel) special antiphon
O virgo prudens ursula
luce perfundens secula
superne claritatis
tui odoris normula
post te traxisti vascula
interne puritatis
ab ima duc nos ursula
ad summa tabernacula
eterne deitatis
 
2nd Vespers (gospel) special antiphon
Miris dies hec ornatur
nam flos albus purpuratur
in christi rosario
fragrans odor exufflatur
quo iuventus adunatur
regi cursu vario
sexus duplex consecratur
atque vere coronatur
utroque martyrio
sic cum suis laureatur
ac ursula premiatur
immenso denario