full office name: URSULA (n10)
edition: AH 28 #90
calendar:October 21
structure summary: Vespers: A5RE
Matins: secular
Lauds: A5E
2nd Vespers: E
poetic forms: Vespers: ggsgg{i}.i
Matins: i.svs{if,go,sl}ggv{i,io,ol}g3{in,io,i}
Lauds: x5.i
2nd Vespers: .i [”q]
type of saint: virgin martyr
geographical information:C, Germany
notes:virgin / feria 5
martyr
Persons: Ursula Tamaria Ursule
Places: Romam Germania Colonia

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Nova bella virginum
dominus elegit
ab extremis hominum
quas sibi collegit
Vespers antiphon 2
Pugnant sexu fragiles
celitus imbute
sed insuperabiles
fidei virtute
Vespers antiphon 3
Beata milicia
que pro rege glorie
de mundi malicia
triumphavit hodie
Vespers antiphon 4
Non armis sed animis
istas bellatrices
effecit unanimis
gracia victrices
Vespers antiphon 5
Forciores hostibus
femine fuerunt
que contemptis omnibus
omnia vicerunt
Vespers respons
O beata virginum
turma quam divina
illustravit gracia
o olive semper vive
profluentes clemencia
facite nos vere et sincere
laudes vestras prosequi
ut post mortem sanctam sortem
mereamur assequi
Vespers verse
Agite o benigne
quod precamur
ut gaudere mereamur
in eterna leticia
Vespers (gospel) special antiphon
O flos campi
et lilium convallium
iesu christe qui es sponsus
et amator virginum
quam iucundum interesse
semper tui conspectui
quem laudantes prosequuntur
virginales cunei
ubi dulcis resonat melodia
virgo ursula
simul cum tamaria
frequenter ingeminant
tibi christe sit laus et gloria
 
Matins I
Ecce nocte media
factus est clamor
venit sponsi gracia
virginum amor
invitans filias
secum ad nupcias
exite obviam
ei ad gloriam
Matins antiphon 1
Tuo deus nomine
quod est admirabile
sacre promunt virgines
melos ineffabile
Matins antiphon 2
Harum voces audiuntur
quando dei gloriam
admirantur et loquuntur
post belli victoriam
Matins antiphon 3
Hec est generacio
quam virtutum dominus
in celi palacio
summis iunxit civibus
Matins respons 1
Deonoto fuit nata
placens cunctis deo grata
ursula regalis
cuius mire speciei
plus mirande fidei
non erat equalis
Matins verse 1
Regi magno pulchra nimis
desponsatur dum instatur
precibus et minis
Matins respons 2
Virgo desiderium
habens castitatis
meditatur et miratur
rem quasi mysterium
sue voluntatis
Matins verse 2
Deo secum disponente
quod tractabat firma mente
Matins respons 3
Gloriosa trinitas
virginalis dignitas
in tua fulget gloria
singulari gracia
tibi laus per secula
Matins verse 3
Sanctis nos socia
factor fautrice maria
Matins antiphon 4
Hominum pre filiis
forma speciosum
circumseptum liliis
regem generosum
regum laudant filie
Matins antiphon 5
Iuste dei civitas
est letificata
cum tot sacra milia
scandunt laureata
thronum regis glorie
Matins antiphon 6
In eternum has fundavit
magnus et laudabilis
hora brevi quas prostravit
tortor execrabilis
Matins respons 4
Vidit in somnis dei virgo ursula
virum angelice claritatis
dicentem sibi romam omnes
ut vovistis pervenietis
peractis votis huc iterum
integro numero redietis
hic vero in deo pausabitis
Matins verse 4
Cervices vestras
persecutori dabitis
et per martyrii gloriam
coronam iusticie suscipietis
Matins respons 5
Visionis ursule
celitus ostense
sacramento credule
simul inoffense
agone percurso confidunt
participes fieri corone
Matins verse 5
Caritate vulnerate
mori christo sunt parate
Matins respons 6
In vasis suis oleum
servant in mentibus
dum surgunt nocte media
electa sponso milia
preelecto ex milibus
occurrunt cum lampadibus
Matins verse 6
Duc prece sanctarum
nos ad te christe tuarum
Matins antiphon 7
Terram tuam domine
semper benedicis
que letatur hodie
victis inimicis
Matins antiphon 8
Fundamenta virginum
montibus in sanctis
collocata gladium
non timent minantis
Matins antiphon 9
Rectis corde gloria
iustis lux est orta
quarum in victoria
mors perit absorpta
Matins respons 7
Verus pudicicie auctor
et custos virginitatis
qui ex virgine natus
multos excitasti
ad sanctum amorem
castitatis animos
qui es perpes
corona virginum
per merita
earum nos adiuva
Matins verse 7
Fons vite et origo
tocius bonitatis
duc nos ad portum salutis
Matins respons 8
Iste sunt terribiles
ut castrorum acies
omnes ordinate
que tonsarum similes
ascenderunt sanguinis
unda dealbate
Matins verse 8
Ut columbe lacte lote
sic revera pulchre tote
Matins respons 9
Iam triumpho potite
virgines sancte
iam angelorum
choris ammixte
quesumus ut vestra
intercessione
locus nobis
non negetur venie
Matins verse 9
Quoniam abundat iniquitas
iamque refrigescit caritas
multorum
 
Lauds antiphon 1
Dominus tribuit
his regnum salutis
et eas induit
decore virtutis
nam est laudabilis
et sponsus nobilis
Lauds antiphon 2
Iubilate deo
virgines sacrate
et nobis ab eo
pacem postulate
et suis ovibus
pascuam omnibus
Lauds antiphon 3
Deus vigilantes
et in matutinis
laudes tibi dantes
sine fine finis
rege fidelibus
virginum precibus
Lauds antiphon 4
Benedicite deum
viri laudabiles
et amate eum
femine humiles
et in castitate
vos semper servate
Lauds antiphon 5
Laudate dominum
celestes ordines
et turbe virginum
et omnes homines
ut salvet populum
per omne seculum
Lauds (gospel) special antiphon
Benedictus es rex glorie
qui palmam victorie
dedisti fragilibus
et sexum sine viribus
vincere fecisti
demonis virtutem
quarum precibus
pie nobis supplicantibus
tribuas salutem
 
2nd Vespers (gospel) special antiphon
O felix germania
tam decoro germine
virginum ornata
beata colonia
precioso sanguine
martyrum dicata
vere iuste tu letaris
que thesauro super auro
nobili ditaris