| |
| |
Vespers antiphon
|
Agmina celica dant iubilamina cunctipotenti
virginibus sacris qui prestat gaudia celi
|
Vespers respons
|
Ursula perpendens
pro christo dilaniari
omnes concives
dat grates omnipotenti
|
Vespers verse
|
Sanguine sacrato
stagnabant undique campi
|
Vespers (gospel) special antiphon
|
O quam felices proprio qui sanguine tincti
virginibus sacris meruerunt annumerari
|
| |
Matins I
|
Iubilemus salvatori deo
in quo vivunt beate
virgines et martyres
|
Matins antiphon 1
|
Purpureos flores
celesti rore madentes
decreto domini
famosa britannia misit
|
Matins antiphon 2
|
In cunis posite
baptismi fonte renate
et fidei vere
sunt legibus iniciate
|
Matins antiphon 3
|
Has deitatis amor sibi federat ordine miro
dum retrahit mundo festinat reddere celo
|
Matins antiphon 4
|
Tandem decursis
pariter puerilibus annis
ut christo placeant
tota virtute laborant
|
Matins antiphon 5
|
Illam miliciam tunc ursula sancta regebat
milibus undenis constantem sorte beata
|
Matins antiphon 6
|
Filia regis erat
britonum qui sceptra tenebat
dives opum felix
qui tali prole vivebat
|
Matins respons 1
|
Milibus undenis
pro christi nomine passis
virginibus sacris
solvamus munia laudis
|
Matins verse 1
|
Occurrit sponsus
reddens sponsalia letus
|
Matins respons 2
|
Virginibus sacris
fit vox prenuncia mortis
signatur tellus
gladius tortorque cruentus
|
Matins verse 2
|
Pectora virginea
non frangunt talia dicta
|
Matins respons 3
|
Clara deo suboles communi laude ferenda
in teneris membris domino servire studebat
|
Matins verse 3
|
Hec generacio
florida nacio recta requirens
|
Matins respons 4
|
Ecce britannia
mittit ad ethera
xenia clara
florida germina
labe carencia
sorte beata
|
Matins verse 4
|
Civibus angelicis
sollemniter associata
|
Matins antiphon 7
|
Agmina virginea
sacro spiramine plena
terrea despiciunt
pro christo cuncta relinquunt
|
Matins antiphon 8
|
Accensis animis
pugnant cum principe mundi
quo iam devicto
currunt ad premia regni
|
Matins antiphon 9
|
Christi sponse simul iuncte
romam statim expetunt
hinc regresse christo duce
coloniam repetunt
|
Matins antiphon 10
|
Ipsam urbem dux hunnorum
obsidebat graviter
ferro flamma fame cuncta
populans hostiliter
|
Matins antiphon 11
|
Sicut oves lupi graves
non parcentes strangulant
sic sic hunni sponsas christi
occidentes iugulant
|
Matins antiphon 12
|
Agrippinenses
simul omnes exilientes
corpora sacra legunt
et terre concito condunt
|
Matins respons 5
|
Clara colonia
dulcia pignora
leta meretur
sanguine sanctarum
roseo super astra locatur
|
Matins verse 5
|
Illas qui sequitur
qui corde pio deprecatur
|
Matins respons 6
|
Virgineos flores
varios que fertis honores
vincere que noscis
sed vinci non valuistis
reddite placatum nobis
quem semper amastis
|
Matins verse 6
|
Iam vox nostra
sonat nova cantica laude sonora
|
Matins respons 7
|
Ducitur ante ducem flos ursula virginitatis
eius coniugium dux expetit respuit illum
|
Matins verse 7
|
Regna potestates
claros spondebat honores
|
Matins respons 8
|
A virgine se contemni
dux infrendens barbarus
dat decretum quo regina
plectatur celerius
|
Matins verse 8
|
Et sagitta mox percussa
celum subit ursula
|
Matins (gospel) special antiphon
|
Hortus sponsarum
divinum spirat odorem
et cor virgineum
celestem semper amorem
|
Matins respons 9
|
Virginitatis honor
decus ecclesie patrie+que
libertas capitur
truncatur dilaniatur
|
Matins verse 9
|
Hunnorum gladiis
grex floridus atque fidelis
|
Matins respons 10
|
Virginei cetus
centeno fenore fructum
dum referunt fuso
sanguine celsa petunt
|
Matins verse 10
|
Ecce puellarum sacra
corpora dum lacerantur
|
Matins respons 11
|
Inter naves sacra virgo
cordula delituit
sed in luce subsequente
morte vitam reperit
|
Matins verse 11
|
Sanguine mox proprio pro christi nomine fuso
|
Matins respons 12
|
Virgineas mentes
prevenit spiritus
almus has sibi mundavit
mundando sanctificavit
|
Matins verse 12
|
Victrices mundi
felici dote letantur
|
| |
Lauds (gospel) special antiphon
|
Sacra dies nobis
illuxit virtute celebris
qua sponse christi
devicto principe mundi
sanguine perfuse
paradisum promeruerunt
|
| |
Sext antiphon
|
Virginee mentes
perflarunt indole multas
iungantur superis
voto vitaque beate
|
Nones antiphon
|
Ferro cese cenum ponunt
recto gradu celos petunt
christum deum iam visure
et cum ipso permansure
|
| |
2nd Vespers (gospel) special antiphon
|
Virginibus cesis
et passim dilaniatis
gens fugit infida
superum pugnante caterva
|
| |
Vespers (gospel) special antiphon .a
|
O clemens deitas tibi psallencium
voces ne aspernaris quesumus
cum laudes sanctarum
annuas recolimus virginum
que tuo munere triumphantes seculum
cum palma martyrii hodie
meruerunt ingredi thalamum
ubi magnificant nomen tuum
in eternum
|
full office name: