| |
| |
Vespers antiphon 1
|
Flores nitent
candore niveo
emicantes
ut grata lilia
et coruscant
robore roseo
pulchre iuncta
gracie gracia
dum ornate
rore sanguineo
virginali
vernant mundicia
|
Vespers antiphon 2
|
Rex notus britannie
natam generavit
que se regi glorie
voto dedicavit
|
Vespers antiphon 3
|
Agnum sine macula
virgines letantes
sequuntur cum ursula
carmen modulantes
|
Vespers antiphon 4
|
Totus delectabilis
christus et suavis
amor quo fit facilis
labor cursus gravis
|
Vespers antiphon 5
|
Regis amor
decorem virginum
mundum servat
a labe criminum
et laborem
mulcet certaminum
|
Vespers respons
|
In celesti iam gloria
sanctissimarum virginum
fulgent undecim milia
que sertum gerunt germinum
|
Vespers verse
|
Incorrupte
carnis obsequium
obtulerunt
atque martyrium
|
Vespers (gospel) special antiphon
|
Fructus novus
intacti uteri
virginalem
sacravit graciam
ut ablato
vicio veteri
grato flore
ornet ecclesiam
hec ursulam
angelis inseri
digne fecit
et turbam sociam
|
| |
Matins I
|
Regem laudemus dominum
pro iucunda victoria
qui cetum ornat virginum
bine corone gloria
|
Matins antiphon 1
|
Hortus virens et floridus
omni redundans gracia
cetus virginum candidus
sequens agni vestigia
|
Matins antiphon 2
|
Sancta virgo ursula
seculum abegit
agnum sine macula
sponsum preelegit
|
Matins antiphon 3
|
Tenens scutum fidei
cor suum firmavit
se regis siderei
cultui dicavit
|
Matins respons 1
|
Ad celestis
sponsi contuitum
totum levans
ursula spiritum
celibatus
firmat propositum
omnem mundi
abdicans ambitum
|
Matins verse 1
|
Gaudium seculi
reputat gemitum
et laudem populi
ventorum sonitum
|
Matins respons 2
|
Nobilitas
et decor virginis
sensus mentis
et morum gracia
diffuderunt
gloriam nominis
et puelle
grata preconia
|
Matins verse 2
|
Velox sonat
hec laus in anglia
rex pro nato
petit conubia
|
Matins respons 3
|
Spe concepta
de dei munere
audet virgo
patri consulere
ut se sponso
spondeat tradere
pollicenti
se christum colere
|
Matins verse 3
|
Spondet gratis
mox arto federe
regis natus
fidem recipere
|
Matins verse 3.a
|
Sic vocatus virginis opere
natus regis spondet se credere
|
Matins antiphon 4
|
Accessit hec condicio
ut puellarum concio
numeri millenarii
detur sub spe coniugii
|
Matins antiphon 5
|
Cuncta libens
iuvenis annuit
ac trieres
pater instituit
prout virgo
ursula voluit
|
Matins antiphon 6
|
Regiones dum undique
gyrant concurrunt agmina
virginum petunt denique
apostolorum limina
|
Matins respons 4
|
Inspiratus
papa divinitus
martyrium
presciens celitus
factus almi
ductor exercitus
presulatum
reliquit penitus
|
Matins verse 4
|
Sociatur
his cetus presulum
passionis
sumpturus titulum
|
Matins respons 5
|
Vadit sic christo previo
totus cetus coloniam
ubi constanti prelio
corone cepit gloriam
|
Matins verse 5
|
Iugum sprevit
sponsa coniugii
celum scandens
cursu martyrii
|
Matins respons 6
|
Rex celestis admonuit
regis anglorum filium
sponse quam prius voluit
ne requirat coniugium
ut post hanc pergat docuit
perfecturus martyrium
|
Matins verse 6
|
Gratus pergit
et voluntarius
sponsus christo
parere prompcius
|
Matins antiphon 7
|
Iuvenis beatus
qui nupciis spretis
a christo vocatus
iunctus est athletis
|
Matins antiphon 8
|
Novo bello ursula
superavit mundum
blandi calcans vincula
spernens furibundum
|
Matins antiphon 9
|
Iugum cum incredulo
respuit subire
meruitque iaculo
felix interire
|
Matins respons 7
|
Bonum egit
certamen ursula
que contempsit
mundi fastigium
nulla prorsus
sensit piacula
pro virtute
sumpsit martyrium
|
Matins verse 7
|
Vocans ad celi premium
copiosum consorcium
|
Matins respons 8
|
Sanctus vita
fama clarissimus
cyriacus
pastor ecclesie
nutu dei
gregem quem colimus
dux ad urbem
duxit colonie
|
Matins verse 8
|
Sacer quoque
cuneus presulum
est adiunctus
ad laudis cumulum
|
Matins respons 9
|
In supernis fulget choris
sacrarum cetus virginum
deo psallens cunctis horis
quarum dulcedo carminum
sanctis competit decoris
ignaris labis criminum
|
Matins verse 9
|
Tota gaudet hec concio
in alme matris laudibus
cuius est nupta filio
et decorata dotibus
|
| |
Lauds antiphon 1
|
Hec est leta festivitas
qua decorem ecclesie
auget virginum claritas
splendens fulgore glorie
|
Lauds antiphon 2
|
Ornatus egregius
candor virginalis
quem decorat gracius
cruor triumphalis
|
Lauds antiphon 3
|
Nova hec milicia
qua infirmus sexus
forti paciencia
vicit mundi nexus
|
Lauds antiphon 4
|
Oleum virginibus
sacris abundavit
nupciis regalibus
ipsas sociavit
|
Lauds antiphon 5
|
Regnant beata agmina
virginum in celis
que vicerunt certamina
seculi crudelis
|
Lauds (gospel) special antiphon
|
Sacris totus
orbis virginibus
letus psallat
undecim milibus
quas ursula
miris virtutibus
christo fecit
subditas laudibus
|
| |
2nd Vespers (gospel) special antiphon
|
Ad honorem virginum
cantet plebs fidelis
instans apud dominum
ut horum tutelis
a cunctis nos criminum
mundet corruptelis
et post vite terminum
coronet in celis
|
| |
Vespers (gospel) special antiphon .a
|
Martyrem mundans
a labe uteri
et decorans
ut aulam regiam
|
| |
Matins respons .a
|
In supernis fulget choris
chorus sacrarum virginum
psallens laudibus sonoris
letantur ante dominum
nullis prorsus cessat horis
grata dulcedo carminum
|
Matins verse .a
|
Tota cedit laus honoris
in alme matris gloriam
cuius natus dat decoris
sacris puellis graciam
|
full office name: