| |
| |
Vespers antiphon
|
Laudate puelle dominum
collaudate omnes populi
anima compone iubilum
psalmi boni letum cantici
lauda ierusalem optimum
adsunt magni festa gaudii
|
Vespers (gospel) special antiphon
|
Cum sancta matre virgine
sacra plaude ursula
et tecum tue socie
spiritu et anima
magnificate sapide
dominum per secula
|
| |
Matins I
|
Agnum sponsum virginum
adoremus dominum
iesum christum floridum
|
Matins antiphon 1
|
Ex ore sacro virginum
iesu nomen predicatur
et exemplo demonstratur
quod dominus est omnium
|
Matins antiphon 2
|
Celo celi puriores
divinam laudem nunciant
dum hi per orbem rutilant
cum ursula splendores
|
Matins antiphon 3
|
Hec casta generacio
pie dominum requirit
montem celicum acquirit
sed magno cum solacio
|
Matins respons 1
|
Ortum ducens regium
nata baptizatur
dei per presagium
ursula vocatur
qui magna virium
iam previdebatur
|
Matins verse 1
|
Eva mater procreatur
viro suo presentatur
atque virago vocatur
|
Matins respons 2
|
Venustas pulchra ursule
diffunditur per climata
filius regis anglie
requirit hec coniugia
sed florem pudicicie
servat habens iocalia
|
Matins verse 2
|
Pulchra nimis adamatur
sera cum peregrinatur
viri domum transportatur
|
Matins respons 3
|
Mestum patrem consolatur
virgo prudens ursula
regis voto annuatur
simulat sponsalia
non terrena hec causatur
sed diva per secula
|
Matins verse 3
|
Rebecca tradit poculum
viro et iumentis
paratque hospicium
et lenit blandimentis
|
Matins antiphon 4
|
Dextram tenuit regina
spreta vanitate
ardens flamma cherubina
plena varietate
|
Matins antiphon 5
|
Impetus per fluminum
ducit turmam virginum
trahit ad spectaculum
letum cetum omnium
|
Matins antiphon 6
|
Iactavit fundamenta
in monte deitatis
sprevitque fomenta
babylonis civitatis
|
Matins respons 4
|
Etherea ethereum
iubet baptizari
et turbam multam virginum
poscit sibi dari
at ille subdit animum
ut possit copulari
|
Matins verse 4
|
Rachel meruit amari
et a viro predotari
decet illum subiugari
|
Matins respons 5
|
Agmen ducit virginum
celica regina
fingit fugam navium
bellaque marina
est et hoc preconium
gloria divina
|
Matins verse 5
|
Maria pulsat tympanum
mari transvadato
laudisque sonat canticum
hoste iam prostrato
|
Matins respons 6
|
Sub vexillo angelorum
cum catena puritatis
ductrix sancta preliorum
hostem sternit sanctitatis
hec est palma superorum
et ruina pravitatis
|
Matins verse 6
|
Bella gentis iudeorum
gerit debbora ducissa
stravit agmen iniquorum
et est facta prophetissa
|
Matins antiphon 7
|
Hostias puras tollite
virgines iesum vocate
christo vos sacrificate
et donum eius colite
|
Matins antiphon 8
|
O vos terrestres angeli
iesum christum adorate
en ad hec estis vocate
pro festo sion gaudii
|
Matins antiphon 9
|
Immensa mirabilia
fecit deus noster magnus
trahens sibi nuptas agnus
florum undecim milia
|
Matins respons 7
|
Cum sua turba pariter
ad caput orbis graditur
salutis causa capit iter
virgo sicque concluditur
pater favet celeriter
et constans ipsam sequitur
|
Matins verse 7
|
Esther regni ad solium
vadit ut salvet populum
quod pandit per eloquium
|
Matins respons 8
|
Creta turba magnis viris
ad triumphum pergit sponte
ferit hostis modis diris
statque ursula in fronte
coronatur palmis miris
cum suis in sancto monte
|
Matins verse 8
|
Holofernem iudith fortis
stravit nece dure mortis
et letatur grate sortis
|
Matins respons 9
|
Gaudeamus exultantes
adsunt agni nupcie
sunt he sponse rutilantes
nunc in regno glorie
iubilemus conclamantes
canticum leticie
|
Matins verse 9
|
Iudas magnus machabeus
ducit sponsam vir iudeus
lete qua laudetur deus
|
| |
Lauds antiphon 1
|
Qualis est dilectus tuus
o pulchra mulierum
qualis est dilectus deus
et queremus tecum verum
|
Lauds antiphon 2
|
Gaudens in domino
ornata monilibus
iubilabo animo
cum sanctis virginibus
|
Lauds antiphon 3
|
Sunt enim virgines
agnumque sequuntur
et deo virgines
sibi assistuntur
|
Lauds antiphon 4
|
Angeli dominici
deo benedicite
terrestres nunc celici
hymnum iesu dicite
|
Lauds antiphon 5
|
Iuvenes et virgines
dominum laudate
iuniores et senes
canticum dictate
|
Lauds (gospel) special antiphon
|
Benedictus sit dominus
qui visitavit et vocavit
has virgines ab eminus
coronavit et locavit
in pace sibi comminus
|
| |
2nd Vespers (gospel) special antiphon
|
Esurientes iesu donis
beatam ursulam cum ceteris
replens nunc in celis bonis
rex virginum cum angelis
participes quarum coronis
earum simus meritis
|
full office name: