| |
| |
Vespers respons
|
O preclare margarite
in supremo poli site
regi vite iam unite
nobis pie subvenite
virgines
|
Vespers verse
|
O domne grate
sponse domino sociate
luce coronate
celesti sede locate
|
Vespers (gospel) special antiphon
|
Sponsus pulcher pre omnibus
rex et sponsus virginum
candidatis virginibus
purpureis per gladium
suum iunxit conubium
celi iungendo civibus
per passionis bravium
super astris invexit
|
| |
Matins I
|
Exultent omnes hodie
collaudando dominum
qui summe stola glorie
cetum sacratum virginum
decoravit eximie
|
Matins antiphon 1
|
Diversis mundi partibus
virgines queruntur
virginis aspectibus
ursule traduntur
imbuende
|
Matins antiphon 2
|
Undenis milibus
cetus consecratur
in dei legibus
semper meditatur
|
Matins antiphon 3
|
Spectaculum pulcherrimum
turbe speculantur
cetum quod sanctissimum
valde venerantur
|
Matins antiphon 4
|
Ursula virgo regia
moribus ornata
vera docta sciencia
verbi sparsit sata
|
Matins antiphon 5
|
Mens earum dedita
laudibus divinis
legi dei subdita
non terrentur minis
|
Matins respons 1
|
Virgo sancta pollicetur
assentire nec veretur
regi se copulari
si virginum cetus detur
in quo crimen non habetur
nec potest notari
in consensu pari
|
Matins verse 1
|
Virgineus cetus
adducitur undique letus
|
Matins respons 2
|
Mundicia castitatis
glutinoque caritatis
conglutinantur virgines
vere luci claritatis
|
Matins verse 2
|
Formaque sanctarum
monstrat bona virtus earum
|
Matins respons 3
|
Elegit deus nova bella
contra mundi principem
pugnavit etas tenella
vitam ducens celibem
cum puellis et puella
in hunc mundi tramitem
|
Matins verse 3
|
Mundum spreverunt
et gaudia celica querunt
sexum vicerunt
quia fortes mente fuerunt
|
Matins respons 4
|
Inter sanctas speciosa
fuit nomine pinnosa
virgo fragrans velut rosa
et inter mundi spinosa
odorem fudit fragrantem
!Fragrans [alt: ?]
|
Matins verse 4
|
Instruit hec mentes
sociarum recta sequentes
|
Matins antiphon 7
|
Exercitus virginum
fortiter pugnantes
ducem habent dominum
ipsum imitantes
sursum levant animum
sursum contemplantes
|
Matins antiphon 8
|
Amant christum mundum istum
prorsus spernunt quia cernunt
penitus
esse vanum et profanum
celum querunt mente gerunt
dona sancti spiritus
|
Matins antiphon 9
|
Mira dei potencia
que per mundi debilia
mundi vicit forcia
|
Matins antiphon 10
|
Naves scandunt ore pandunt
laudem creatori
inter undas maris mundas
preces dicunt benedicunt
omnium rectori
|
Matins antiphon 11
|
Gaude mater ecclesia
oportet te gaudere
ad celorum gaudia
virgines pervenere
|
Matins antiphon 12
|
Gaudent in celis virgines
sociate
que christi vestigia
imitate
ardenter pro eius amore
sanguinem suum fuderunt
ideo cum christo regnare
meruerunt
|
Matins respons 5
|
Rex hunnorum impius
virgines trucidavit
quas virginis filius
in celo coronavit
|
Matins verse 5
|
Christus dilectas
virtutum culmine tectas
|
Matins respons 6
|
Gaudet chorus celestium
consorcio sanctarum
in capite gestancium
diadema preclarum
quibus non deest lilium
nec purpura rosarum
|
Matins verse 6
|
Angelico more
fulgent ingenti decore
|
Matins respons 7
|
Erubescite barbati
viciorum ense strati
nam virginum candidati
exercitus pugnaverunt
et palmam promeruerunt
|
Matins verse 7
|
Pectore sub fragili
certarunt corde virili
|
Matins respons 8
|
Fulget dies leticie
virginum chorus hodie
de mundo triumphavit
quem super thronum glorie
tocius rex iusticie
christus exaltavit
|
Matins verse 8
|
Virgineus cetus
divino robore fretus
cetibus angelicis
propriis sociatus amicis
|
Matins (gospel) special antiphon
|
Descendit sponsus in hortum
virginalium cohortum
aromata messuit
ipsaque reposuit
in horreo celesti
|
Matins respons 9
|
Per sexum femineum
pectus frangens ferreum
demon viro dominatur
item per virgineum
exercitum niveum
iam omnino conculcatur
|
Matins verse 9
|
Constanter christe
moriens exercitus iste
pro te certavit
nec te moriendo negavit
|
Matins respons 10
|
Te christe laudent omnia
qui solus mirabilia
non cessas operari
tu membra virginalia
non ense sed constancia
docuisti bellari
has facis morte previa
ad celorum palacia
tecum sublimari
|
Matins verse 10
|
Te dilexerunt
te semper concupierunt
hasque tibi soli
iungis in arce poli
|
Matins respons 11
|
O preclarum cor sanctarum
dignumque laudari
beatarum cetus harum
indoctus bellari
hostis trucis signo crucis
caput amputavit
quas honore et decore
christus coronavit
|
Matins verse 11
|
Magnum tormentum
paciuntur more bidentum
murmure nec resonat
gladioque corpora donat
|
Matins respons 12
|
Virginali sanguine
tellus irrigatur
animarum lumine
polus illustratur
o preclare domine
vos mundus precatur
ut vestro munimine
christus amplectatur
sancto quarum agmine
colonia letatur
|
Matins verse 12
|
Vestris magnificis
meritis petimus relevari
cetibus angelicis
meruistis que sociari
|
| |
Lauds antiphon
|
O certamen o luctamen
beatarum feminarum
mundum vincunt quia linquunt
vivunt vita concupita
in eternum
|
Lauds (gospel) special antiphon
|
Hodierna leticia
mundus illustratur
qua celestis curia
valde iucundatur
virginitatis lilia
sponsus amplexatur
nupciarum convivia
celebrat nunc ecclesia
thalamus locatur
sponsus decorus gloria
sponsus daturus premia
sponsis sociatur
|
| |
Prime antiphon
|
Increpans ventos et mare
qui gubernat omnia
non desistit gubernare
sanctas inter maria
|
Terce antiphon
|
Per passionis gladium
vocat christus ad bravium
electas bellatrices
quas suum per auxilium
fecit esse victrices
|
Sext antiphon
|
Pius cetus et quietus
virginum
romam tendit quo rependit
laudem luci luminum
|
Nones antiphon
|
Per mortem duram
vitam securam
possident semper mansuram
|
| |
2nd Vespers (gospel) special antiphon
|
Exultet virginum chorus
assumptus in gloria
quibus est vultus decorus
luce splendens nimia
immaculatusque torus
speciali gracia
christo iunctus in patria
in eternum
|
full office name: