full office name: URSULA (n4)
edition: AH 28 #84
calendar:October 21
structure summary: Vespers: A5RE
Matins: secular
Lauds: A5E
2nd Vespers: A5E
poetic forms: Vespers: xvlfl{il}.p
Matins: x.lxi{lh3}lei{lh3}lie{lh,lh,il}
Lauds: lolei.l
2nd Vespers: ligel.i [”q]
type of saint: virgin martyr
geographical information:C, Germany
notes:virgin / feria 5
martyr
Persons: Ursula Sara Urbanum Ursulam
Places: Colonie Romam Rheno Colonia

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
O christi pietas
que virgines sacras
armat pro te pati
possint ut milites armati
Vespers antiphon 2
O christi sapiencia
in sanctis paciencia
mira virgines care
sequuntur te caritate
Vespers antiphon 3
O christi bonitas
tuorum mira suavitas
virgines inermes
duras paciuntur sagittas
Vespers antiphon 4
O christi amor virgines
claritate amabiles
pro te paciuntur
persecutorum ense plectuntur
Vespers antiphon 5
O christi merces
virginumque tuarum spes
corona paratur
dum omnes martyrizantur
Vespers respons
O christi miranda
mira miracula
dive virgines iunguntur
pro te christe paciuntur
fide sociate
colonie martyrizate
Vespers verse
Ab huius possessa
demonum cultura perpessa
Vespers (gospel) special antiphon
O quam gloriosa est domine societas in regno celorum dum epulantes gaudent convive sine fine in mensa tua super frumento vino et oleo nec ultra esurient
 
Matins I
Virginum sacrarum
adoremus christum
regem regum
Matins antiphon 1
Viam iustorum
dominus plantavit suorum
dum iuxta aquarum
vincit ursula frenum penarum
Matins antiphon 2
Preceptum domini
predicantes ac mandatum
romam venientes
papam visitarunt
Matins antiphon 3
Dominus has virgines
mire ditavit
ad stadium celorum
lenissime has vocavit
Matins respons 1
Ursula preclara
tu nasceris ex alta sara
unda sacrata
cum esses purificata
idolis spretis
letaris iam cum beatis
Matins verse 1
Dei tu cella
mellis vinea rubea stella
Matins respons 2
Ursula speciosa
tu sponso vernula rosa
sequeris christum
miserum spernens mundum istum
Matins verse 2
Oleo retento
apud sponsum nostri memento
Matins respons 3
Ursula benigna
virginum flos suscipe digna
preces tuorum
iunge sociis supernorum
cum quibus letaris
semper et in evo bearis
Matins verse 3
Ad limina sanctorum
ducunt agmina virginum chorum
Matins antiphon 4
Voluntate bona
protecte luminis scuto
iuste coronantur
posite nunc in loco tuto
Matins antiphon 5
In universa terra
merita sanctorum preciosa
in rheno trucidate
gaudent nunc laureate
Matins antiphon 6
De habitaculis iustorum
he sancte virgine letantur
sanguine colonie
fuso interficiuntur
Matins respons 4
Ursula devota
sequuntur te agmina tota
ad papam urbanum
regem spernentes profanum
christo ut iungantur
apostolos visitare conantur
Matins verse 4
Quia sic altissimo
domino placuit deo nostro
Matins respons 5
Ursula tu mitis
dulcis et es sunamitis
in cella christi
sedem tuam posuisti
illuc duc servientes
tibi mundoque gementes
Matins verse 5
Ut tecum colonia
quiescamus patria sancta
Matins respons 6
Ursula regina
te laudant agmina trina
martyrum confessorum
ac virginum sacratarum
Matins verse 6
Celo quos iungis
ubi cantant carmina laudis
Matins antiphon 7
Ursula columba
cum angelis tunc letaris
meritis gloriosa
celo coronaris
Matins antiphon 8
Regis glorie
portas tu introisti
hostem et mundum
cum carne vicisti
Matins antiphon 9
Omnes in domino
letamini recti corde
quorum peccata
delata sunt cum sorde
Matins respons 7
Ursula mansueta
ducitur ad victimam leta
ut nec preceptis
regis alliciatur ac minis
morte dira bona
christi consequitur dona
Matins verse 7
Et victima christi
mundum hunc superavisti
Matins respons 8
Ursula beata
duc nos quoque ad dona grata
quo sponso tuta
inniteris ut columba
corpore vulnerato
martyrio consummato
Matins verse 8
Sis nobis sponsa
pia ad sponsum advocata
Matins respons 9
Ursula letabunda
nostra tu gemebunda
tolle et absterge
ac vincula nostra dele
ut liberi a peccatis
regno sociemur claritatis
Matins verse 9
Ubi nunc gaudes
cum sponso organis plaudes
 
Lauds antiphon 1
Ursulam decore
induit dominus et honore
sponsam dum pavit
fide cinctam et ornavit
Lauds antiphon 2
In leticia domino
omnes fideles servite
cuius conspectu
dicunt omnes iubilate
Lauds antiphon 3
Ad dominum vigiles
cuncti convertite mentes
ursulam vigilem
voce cordis implorantes
Lauds antiphon 4
Omnia opera
domino tunc benedixerunt
virginum spiritus
celi dum susceperunt
Lauds antiphon 5
Deum in celis
laudet mens fidelis
christus quia ursulam
suam coronavit sponsam
Lauds (gospel) special antiphon
Ursula lucens salus
miserorum a turbine mundi
libera servos
tuorum oleo effuso
sequeris digne
sponsum virginibus cum sacris
contemnens mundum istum
nobis miserrimis
in valle lacrimarum
fove precibus
numeroque ancillarum
 
2nd Vespers antiphon 1
Ursula in sanctorum
locata splendore iustorum
cum suis plaudet
angelorum choro gaudet
2nd Vespers antiphon 2
Generacio rectorum
benedicetur christe tuorum
ursulam recto corde
reperis quoniam sine sorde
2nd Vespers antiphon 3
Cum exultacione
venient iubilando
he sacre virgines
pro bonis supplicando
2nd Vespers antiphon 4
Iuste tuo nomini
domine confitebuntur
cum tuo vultu
gaudent et letabuntur
2nd Vespers antiphon 5
Filie sion
hodie dominum laudabant
canticum novum
sonoris hymnis cantabant
2nd Vespers (gospel) special antiphon
Ursula summi regis
filia decora
suavis et mitis
preclara et honesta
peccatis fedati
te supplices exoramus
mundo quoque pigri
laudes tibi canamus
christo ut iungas
in mari periclitatos
ad tuas excubias
ducas cum beatis