| |
| |
Vespers antiphon
|
Gaude felix
celestis curia
virginalis
celi familia
ad te venit
quam ducit ursula
de qua cantat
presens ecclesia
|
Vespers (gospel) special antiphon
|
Gaude celum
novo prodigio
virginali
plenum collegio
dum de ceno
collecto lilio
de spina flore
de luto radio
caro vicit
mundum martyrio
|
| |
Matins I
|
Iesum regine virginum
natum sponsum et premium
venite adoremus
|
Matins antiphon 1
|
O prodigium virtutis
dum de rebus tam caducis
surgit hec victoria
|
Matins antiphon 2
|
Tunc goliam vicit david
dum de carne triumphavit
amor vincens omnia
|
Matins antiphon 3
|
Dum de spina dantur flores
contra carnis nostre mores
virginalis gloria
|
Matins respons 1
|
Persuasus rex anglorum
regi scribit britannorum
petens nato filie
maritali fide torum
iungi simul magna morum
fama motus ursule
|
Matins verse 1
|
Hec consensit maritari
multas tamen sibi dari
vult sodales federe
|
Matins respons 2
|
Gerasina hoc audito
regina sicilie
de supernis intus cito
sociatur ursule
quem sequuntur hadrianus
quattuorque filie
cuncta sibi sunt commissa
intra terram anglie
|
Matins verse 2
|
Tunc de regnis colliguntur
gerasine transmittuntur
consodales ursule
|
Matins respons 3
|
O quam grata quam beata
felix virgo maritata
ursa regis filia
quam rex petit est mutata
fide per hanc multa data
sunt virginum milia
|
Matins verse 3
|
Dum ad christum convertuntur
sibi sponse coniunguntur
sunt matrisfamilia
|
Matins antiphon 4
|
De natura sic corrupta
numquam simul sunt producta
tot virginum milia
|
Matins antiphon 5
|
Felix virgo christo nupta
carnis fece non seducta
sponsa regis filia
|
Matins antiphon 6
|
Ad celorum iam prerupta
sursum celis est conducta
intrat celi limina
|
Matins respons 4
|
Postquam christo federantur
iubet virgo baptizantur
sponse dei nominantur
cives regis glorie
|
Matins verse 4
|
Baptizate preparantur
ut per naves conferantur
in terram colonie
|
Matins respons 5
|
Profert mundus
rosas et lilia
flores parit
egypti vinea
dei nutu
producit anglia
celi cives
celorum agmina
|
Matins verse 5
|
Harum prima
est felix ursula
sponsa regis
regalis filia
|
Matins respons 6
|
Virgo pergit ad beatum
rome papam cyriacum
loca sancta visere
qui relinquens tunc papatum
virginibus comitatum
prebet dei munere
|
Matins verse 6
|
Quem cum ipsis decollatum
christi ducit ad optatum
secum semper vivere
|
Matins antiphon 7
|
Dum hunc hostis virginalem
cedit cetum non inanem
perpetrat martyrium
|
Matins antiphon 8
|
In camino passionis
dum ditantur celi donis
cantant celi canticum
|
Matins antiphon 9
|
Tandem lete cum coronis
mundo cedunt dantur choris
angelorum agminum
|
Matins respons 7
|
Saul mille
david decem milia
dudum cantans
dat hierosolyma
totum felix
hec habet ursula
dum de gente
legit tam perfida
celo mittit
undena milia
|
Matins verse 7
|
Ad has currunt
celorum agmina
letas ducunt
ad regni gaudia
|
Matins respons 8
|
Pollens fide
morumque gracia
ornat mundum
celestis ursula
vicit celum
palme victoria
intrat victrix
celorum limina
videt felix
accingit intima
secum ducens
undena milia
|
Matins verse 8
|
Disponuntur
in celi curia
sub regina
pro regis gloria
|
Matins respons 9
|
O sagena pietatis
qua piscaris cuncta gratis
intrans nostra maria
qui iam mentis infuscatis
claustris carnis desiccatis
lucis trahis lilia
ad te ducis auctor pacis
sursum locis preparatis
hec virginum milia
|
Matins verse 9
|
Nobis tandem hinc vocatis
mentis claustro collocatis
mitte deus omnia
|
| |
Lauds antiphon 1
|
Adest ursa
maior et minima
que celorum
attingit media
ad quam currunt
undena milia
|
Lauds antiphon 2
|
Hec stat sursum
attingens ultima
infra latet
dum lustrat infima
forma iustis
nunc ipsis obvia
|
Lauds antiphon 3
|
Hec celestis sursum lata
choris tantis est prelata
virginalis glorie
|
Lauds antiphon 4
|
Benedicta sic ditata
intrat celum coronata
cum palma victorie
|
Lauds antiphon 5
|
Angelorum laudes dantur
dum hunc cetum admirantur
supra celos scandere
|
Lauds (gospel) special antiphon
|
Benedictus triumphator
hostilis nequicie
legislator et mundator
carnis immundicie
mentis dator et amator
mentalis mundicie
per has sanctas da salvator
nobis regnum glorie
|
| |
2nd Vespers (gospel) special antiphon
|
Magnum mundo prodigium
fecit virtus victorie
dum caro vincit gladium
mensque scelus invidie
per longum cursus stadium
cetus huius familie
per durum tam martyrium
scandit ad regnum glorie
|
| |
Q antiphon .a
|
Magnum celo
resultet gaudium
dum de terris
tot gaudet milium
recepisse
cetum virgineum
quem pro christo
sacrans martyrium
letum mittit
ad regni solium
|
full office name: