| |
| |
Vespers antiphon
|
Lauda deum clara colonia
qui te magna dotavit gloria
dans undena virginum milia
que cum ursula regis filia
tibi transmisit de britannia
quarum agis digne sollemnia
|
Vespers (gospel) special antiphon
|
Psalle gaudens agrippina
sacrosanctis virginibus
in te morte repentina
cesis undenis milibus
ab hunnorum peregrina
gente telis et ensibus
laureate stola bina
iam gaudent in celestibus
nos preservent a ruina
suis sacratis precibus
|
| |
Matins I
|
Undenis milibus
in te colonia
passis virginibus
pange preconia
|
Matins antiphon 1
|
Iuste celit colonia
sanctarum festum virginum
que sibi pro custodia
donate sunt per dominum
|
Matins antiphon 2
|
Christo canamus gloriam
pro sanctis virginibus
transmissis in coloniam
sub undenis milibus
|
Matins antiphon 3
|
Iste cetus inclitus
virginali gloria
collectus est celitus
per undena milia
|
Matins respons 1
|
Stirpe clara refulgens ursula
vultu pulchra christi discipula
fide pollens evasit singula
mundi pericula
|
Matins verse 1
|
Hec flos spectabilis
fuit in moribus
prudens et humilis
vacans celestibus
|
Matins respons 2
|
Rex anglorum clare propaginis
potens ferox et magni nominis
patrem huius pulsavit virginis
votis diutinis
|
Matins verse 2
|
Ut hec suo iungatur filio
sollemni misso ad eum nuncio
|
Matins respons 3
|
Patri suo suadet ursula
per data celitus oracula
iussa regis compleri singula
iubet hec virgo voce sedula
|
Matins verse 3
|
Si relicta sponsus perfidia
perfundatur baptismi gracia
|
Matins antiphon 4
|
Hec puellarum milia
rubent colore roseo
sed splendent sicut lilia
simul candore niveo
|
Matins antiphon 5
|
Hi sunt flores venustatis
quos spirantis gracie
ver et estas caritatis
produxerunt hodie
|
Matins antiphon 6
|
Istis ornatum floribus
summi regis palacium
gratum fragrans odoribus
sanctis auget solacium
!Fragrans [alt: ?]
|
Matins respons 4
|
Pater tristis spondet coniugium
sponsus credit in dei filium
sic a cunctis fit magnum gaudium
virginis expletur imperium
|
Matins verse 4
|
Missis quidem undenis navibus
cum totidem virginum milibus
|
Matins respons 5
|
Dato trimatus spacio
mox virgines conveniunt
digneque celi premio
terram suam despiciunt
|
Matins verse 5
|
Coram cunctis intrantes maria
signa ludi pretendunt varia
|
Matins respons 6
|
Vento flante tunc lenius
ad portum tyle veniunt
vela vertentes crebrius
coloniam respiciunt
|
Matins verse 6
|
Mox ut causa vie peragitur
papa gaudens illis coniungitur
|
Matins antiphon 7
|
Sponsi currit in odorem
virginum sodalitas
quam attraxit ex amore
pregustata suavitas
|
Matins antiphon 8
|
Accedunt piis mentibus
oleum sumpserunt
sponso cum prudentibus
obviam venerunt
|
Matins antiphon 9
|
Iste regi glorie
care margarite
coniuncte sunt hodie
per hunnos contrite
|
Matins respons 7
|
Repetentes partes colonie
sub hunnorum ceduntur rabie
sic gaudentes ad thronum glorie
coronate conscendunt hodie
|
Matins verse 7
|
Post virginum martyrium
hostes terrentur nimium
|
Matins respons 8
|
Hinc ab urbe fugatis hostibus
et pace restituta civibus
harum ossa sunt a fidelibus
sepulta cum hymnis et cantibus
|
Matins verse 8
|
Per quas nobis post hoc exilium
iesu bone da verum gaudium
|
Matins respons 9
|
O sanctarum milia
virginum undena
pro celesti gloria
cesa mortis pena
iuvetis ad gaudia
celi nos amena
que iam cum leticia
possidetis plena
|
Matins verse 9
|
Nam in choro virginum
collaudatis dominum
agni facta cena
|
| |
Lauds antiphon 1
|
Adest dies leticie
qua beatis virginibus
datur corona glorie
cesis undenis milibus
|
Lauds antiphon 2
|
Digne gaudent homines
angeli letantur
dum victrices virgines
celo coronatur
|
Lauds antiphon 3
|
Omnes he colonie
virgines collecte
sunt ab hunnis hodie
simul interfecte
|
Lauds antiphon 4
|
Hec undena milia
virginum necata
sunt ad celi gaudium
per christum translata
|
Lauds antiphon 5
|
Gaudent in choro virginum
virgines beate
semper laudantes dominum
sanctis aggregate
|
Lauds (gospel) special antiphon
|
Crebris deum pulsemus precibus
ut nos iungat sanctis virginibus
quas hac die celorum civibus
sub undenis coniunxit milibus
|
| |
2nd Vespers (gospel) special antiphon
|
O sancta colonia
gaude deo grata
per undena virginum
milia dotata
que pro christi gloria
sunt in te prostrata
pro quarum victoria
sit nobis propicia
deitas beata
|
| |
Vespers antiphon 1.a
|
Christi sponse simul iuncte romam statim expetunt
hinc egresse christo duce coloniam repetunt
|
Vespers antiphon 2.a
|
Ipsam urbem dux hunnorum obsidebat graviter
ferro flamma fame cuncta populans hostiliter
|
Vespers antiphon 3.a
|
Sicut oves lupi graves non parcentes strangulant
sic sic hunni sponsas christi occidentes iugulant
|
Vespers antiphon 4.a
|
Ferro cese cenum ponunt
recto gradu celum petunt
ipsum deum iam visure
et cum christo permansure
|
Vespers antiphon 5.a
|
Virginibus cesis
et passim dilaniatis
gens fugit infida
superum pugnante caterva
|
full office name: