| |
| |
Vespers antiphon 1
|
Ad udalrici presulis
festum concurrant populi
hunc honorent cum gaudio
magni maiores parvuli
|
Vespers antiphon 2
|
In sancti monasterio
galli docendus traditur
udalricus qui moribus
sciencia imbuitur
|
Vespers antiphon 3
|
Udalricus sublimatus
ad pastoris dignitatem
est in celis coronatus
propter suam sanctitatem
|
Vespers antiphon 4
|
Udalricus ecclesias
collapsas reedificat
et studio pervigili
has renovans magnificat
|
Vespers antiphon 5
|
Religiosa mulier
egris membris dissoluta
est udalrici precibus
sanitati restituta
|
Vespers (gospel) special antiphon
|
Magnificemus dominum
magnificum per omnia
qui udalricum presulem
sua magnificencia
magnifice magnificat
in supernorum patria
hunc laudibus magnificis
magnificet ecclesia
|
| |
Matins I
|
Exultantes iubilemus
redemptori omnium
qui perduxit udalricum
ad celeste solium
|
Matins antiphon 1
|
Sagina sciencie
ac religionis
udalricus extitit
plenus dei donis
|
Matins antiphon 2
|
Festum fideles celebrent
udalrici sollemniter
et eius mira personent
magnalia suaviter
|
Matins antiphon 3
|
Suis diebus domino
iustus inventus placuit
udalricus qui dominum
sacerdos magnus coluit
|
Matins respons 1
|
Concelebret ecclesia
udalrici sollemnia
festiva cum leticia
qui verbo vite claruit
sanctitate resplenduit
Miraculis emicuit
|
Matins verse 1
|
Cuius beatis meritis
suffragiis et inclitis
tanto magis adiuvamur
hunc quo magis veneramur
|
Matins respons 2
|
Sanctus ex alemannie
udalricus maioribus
In augustensi extitit
urbe natus parentibus
|
Matins verse 2
|
Cuius ubaldus genitor
mater teberga opibus
nobilitate preminent
decorantur insignibus
|
Matins respons 3
|
Hic udalricus duplicans
talenta pastor ovium
intrat in sui domini
Servus fidelis gaudium
|
Matins verse 3
|
Non in terra fodiens
abscondit pecuniam
sed ipsam multiplicat
prudens per industriam
|
Matins antiphon 4
|
Serve prudens et fidelis
subvenire nobis velis
udalrice colentibus
te tuis sanctis precibus
|
Matins antiphon 5
|
Presul mire sanctitatis
est talentis duplicatis
udalricus cum beatis
|
Matins antiphon 6
|
A paganis incolas
auguste molestantibus
udalrici liberat
deus oracionibus
|
Matins respons 4
|
Udalricus conspicuus
fuit omni bonitate
in fide cum spe stabilis
fortis fuit caritate
Miraculorum fulgidus
mira fuit claritate
|
Matins verse 4
|
Hic udalricus paciens
et verax in eloquiis
rectus mitis et humilis
et iustus in iudiciis
|
Matins respons 5
|
Quam felix augustensium
urbs cuius pontificium
tue proli Udalrico
dei traditur amico
|
Matins verse 5
|
Hunc christiana concio
implora piis precibus
ut per suum presidium
loceris celi sedibus
|
Matins respons 6
|
Nitore castimonie
udalricus coruscabat
corpus conculcans proprium
hic frequenter ieiunabat
Austerus hic vigiliis
hoc orando castigabat
|
Matins verse 6
|
Quam clara et pulcherrima
est casta generacio
quam cum eleemosynis
bona semper oracio
|
Matins antiphon 7
|
Inter regem et filium
pacis componit federa
udalricus pacificus
qui regnat super sidera
|
Matins antiphon 8
|
Tarri sedavit impetum
hic presul sanctis precibus
ut esset tutus transitus
transire hunc volentibus
|
Matins antiphon 9
|
Dum udalrico aderat
corporalis potencia
celebrabat cottidie
missarum hic sollemnia
|
Matins respons 7
|
Udalricum pontificem
honoremus sollemniter
eius laudes magnificas
personemus suaviter
Et hunc devotis precibus
imploremus humiliter
|
Matins verse 7
|
Ut ipse rogat dominum
pro nobis efficaciter
quod ad eternam gloriam
perducat nos feliciter
|
Matins respons 8
|
Fuit presul udalricus
maximus dei amicus
viridis non ramus siccus
bonus bonas ferens ficus
Quem recepit celi vicus
|
Matins verse 8
|
Hic a cunctis fidelibus
revernetur honorandus
sanctissimus hic pontifex
udalricus est laudandus
|
Matins respons 9
|
Udalricus exuberat
pietatis operibus
qui largas eleemosynas
largus donat pauperibus
et hospitalis colligit
Vagabundos in domibus
|
Matins verse 9
|
Felix qui super pauperes
toto corde intelligit
non habentes hospicium
in sua domo colligit
|
| |
Lauds antiphon 1
|
Udalricum dominus
induit fortitudine
precinxit virtutibus
in omni certamine
|
Lauds antiphon 2
|
Cuncti fideles populi
deo nostro iubilate
servite in leticia
udalricum honorate
|
Lauds antiphon 3
|
Udalricus ad dominum
sanctus de luce vigilat
qui fidei et operum
splendore clarus rutilat
|
Lauds antiphon 4
|
Benedicite domino
celi terra maria
qui udalrico presuli
regno dat celestia
|
Lauds antiphon 5
|
In udalrici presulis
festo laudet in tympano
deum fidelis populus
in cymbalis et organo
|
Lauds (gospel) special antiphon
|
Dominus deus israel
benedictus per omnia
udalricum pontificem
benedixit in patria
et sibi dedit perfrui
vite perennis gloria
|
| |
2nd Vespers antiphon 1
|
Udalricus iustissimus
in eterna memoria
non ab auditu metuens
malo gaudet in patria
|
2nd Vespers antiphon 2
|
Udalrice presidium
tuum da tuis famulis
libera piis precibus
nos a cunctis periculis
|
2nd Vespers antiphon 3
|
Udalrice roga christum
ut expurget mundum istum
a viciorum sordibus
informetque virtutibus
|
2nd Vespers antiphon 4
|
Festivas age gracias
christicolarum concio
in udalrici presulis
festivo natalicio
|
2nd Vespers antiphon 5
|
Udalrice succurrere
digneris tuis precibus
tuis devotis servulis
tuum festum colentibus
|
2nd Vespers (gospel) special antiphon
|
Udalrice magnificis
magnifica preconiis
christum qui te magnificat
cum gloriosis premiis
associatum superis
beatorum collegiis
|
full office name: