| |
| |
Vespers antiphon
|
Exultet alemannia
quam ornant natalicia
udalrici clari
clara cuius preconia
clare promit ecclesia
ad mare de mari
|
Vespers respons
|
Mira claret caritate
iste dei famulus
et in tanta claritate
omnis stupet oculus
quem digna sollemnitate
omnis colit populus
|
Vespers verse
|
Cuius prorsus inclita
cum virtute merita
laudis vulgat titulus
|
Vespers (gospel) special antiphon
|
Flos udalrice presulum
speculator et speculum
militantis ecclesie
lux celestis patrie
exora dei filium
nos ut post hoc exilium
in throno locet glorie
|
| |
Matins I
|
Regum regem adorantes
hymnis psalmis et canticis
agamus festum ovantes
udalrici pontificis
Regem [alt: ve AH for regum]
|
Matins antiphon 1
|
Fructum salutiferum
vir dei beatus
apprehendit veterum
iter imitatus
|
Matins antiphon 2
|
Voce viva predicat
domini preceptum
in quo fore indicat
se deo acceptum
|
Matins antiphon 3
|
Iesu dulcis domine
quid multiplicantur
qui erroris fulmine
hunc calumniantur
|
Matins respons 1
|
Isaac eximia
nato surgunt gaudia
letantur amici
amici ecclesie
gaudent ortu hodie
sancti udalrici
|
Matins verse 1
|
Cuius quidem inclitis
conteruntur meritis
omnes inimici
|
Matins respons 2
|
Udalricus dulcibus
theorie fructibus
se totum replebat
amoris dum passibus
scalam iacob partibus
in summis tangebat
|
Matins verse 2
|
Donis pro celestibus
omnia pauperibus
sua porrigebat
|
Matins respons 3
|
Rachelis amplexibus
iste dulcioribus
cupiens potiri
lie se laboribus
sepe gravioribus
sensit impediri
|
Matins verse 3
|
In die fidelibus
cum martha laborat
cum maria noctibus
legit psallit orat
|
Matins antiphon 4
|
In spe singulariter
iste constitutus
in bono stat firmiter
a deo adiutus
|
Matins antiphon 5
|
Verba huius percipis
o deus deorum
ipsum quando suscipis
in sortem sanctorum
|
Matins antiphon 6
|
Honore et gloria
eum coronavit
plurima quem gracia
dominus ditavit
|
Matins respons 4
|
Christum quasi sapiens
architectus iaciens
sibi fundamentum
super quo fideliter
fundat gemmas pariter
aurum et argentum
|
Matins verse 4
|
Udalrico iugiter
fuit et feliciter
christus alimentum
|
Matins respons 5
|
Mare rubrum libere
siccato itinere
transeunt hebrei
udalricus fluidam
aquam ceu per aridam
transit ductu dei
|
Matins verse 5
|
Iubet hec ut visio
claudatur silencio
pater magne spei
|
Matins respons 6
|
Hic fugit et conditur
ut iesus cum queritur
a turbis ad regem
ne surgat in presulem
fugam rapit exulem
iesu sequens legem
|
Matins verse 6
|
Udalricus humilis
damme miti similis
christi ornat gregem
|
Matins antiphon 7
|
Domine quis habitat
in tua taberna
iste quem nobilitat
caritas fraterna
|
Matins antiphon 8
|
Cordis desiderium
tributum est ei
de munificencia
miserentis dei
|
Matins antiphon 9
|
Accepit a domino
benediccionem
intrans sine termino
celi mansionem
|
Matins respons 7
|
Non in terre gremio
texit nec sudario
creditum talentum
sed hoc sparsit largiter
domino utiliter
lucra ferens centum
|
Matins verse 7
|
Sic euge dominicum
audivit et celicum
intravit conventum
|
Matins respons 8
|
Presulis officium
curarum negocium
extra peragebat
non tamen claustralium
devotorum studium
intus deserebat
|
Matins verse 8
|
Sed pro dei populi
causa cure seculi
totum impendebat
|
Matins respons 9
|
Ad cubandi requiem
non plume molliciem
antistes querebat
et concupiscenciam
carnis per duriciam
sagorum frangebat
|
Matins verse 9
|
Ut elias sobriam
semper alimoniam
presul requirebat
|
| |
Lauds antiphon 1
|
Udalricus omnia
sprevit mundo grata
cui nunc in gloria
sedes est parata
|
Lauds antiphon 2
|
In conspectu domini
gaudens introivit
eius quia nomini
letanter servivit
|
Lauds antiphon 3
|
Sanctus presul vigilat
de luce ad deum
satanas cum sibilat
callidus in eum
|
Lauds antiphon 4
|
Sacerdos hic domini
deo benedixit
strenue temptamini
quia contradixit
|
Lauds antiphon 5
|
Laudavit in tympano
pontifex fidelis
et chordis et organo
dominum de celis
|
Lauds (gospel) special antiphon
|
In mortis caligine
visitasti domine
nos per mortem crucis
o iesu fons lucis
udalrici inclitis
precibus et meritis
omne contra noxium
vivax patrocinium
dans nobis caducis
|
| |
Prime antiphon
|
Primum iste quesiit
presul regnum dei
letus ergo subiit
regnum requiei
|
Terce antiphon
|
Hora datus tercia
spiritus in igne
honore et gloria
replet istum digne
|
Sext antiphon
|
Pro misericordie
studiis amicus
fit auctoris gracie
presul udalricus
|
Nones antiphon
|
Iste quia floruit
in bonis ad nonum
sublimari meruit
angelorum thronum
|
| |
2nd Vespers antiphon 1
|
Sedeat hic pontifex
ut ad dextram dei
omnis boni artifex
deus dedit ei
|
2nd Vespers antiphon 2
|
Populo dominico
domini virtutem
verbo evangelico
pandit ad salutem
|
2nd Vespers antiphon 3
|
Beatus hic meruit
dominantem celi
cuius iussis paruit
opere fideli
|
2nd Vespers antiphon 4
|
Hostiam sacrificat
udalricus laudis
quem fex non vilificat
satanine fraudis
|
2nd Vespers antiphon 5
|
Sacerdotem induit
istum salutari
deus qui nos voluit
per hunc exemplari
|
2nd Vespers (gospel) special antiphon
|
O decus ecclesie
o pastor egregie
o dei amice
felix udalrice
cuncta cordis impia
nostri tua expia
prece subventrice
|
full office name: