| |
| |
Vespers (gospel) special antiphon
|
Magnificemus dominum
angelorum et hominum
venerantes redivivum
sancti patris et votivum
udalrici transitum
per quem divina gracia
suscitavit magnalia
quibus orbis illustratur
et beati compensatur
confessoris meritum
terra gens et patria
cuncta sint felicia
felix pater nos exaudi
congaudentes tue laudi
et perenni glorie
per te sola solidetur
et divisa reparetur
unitas ecclesie
|
| |
Matins I
|
Presul udalricus
animo cum carne pudicus
regna subit vite
christo iubilate venite
|
Matins antiphon 1
|
Nobilis prosapie
puer udalricus
fructum tulit gracie
augustane rhecie
qua decurrit lychus
|
Matins antiphon 2
|
Dilingarum menia
hunc misere florem
cuius a fragrancia
germinis germania
sacrum hausit rorem
!Fragrancia [alt: ?]
|
Matins antiphon 3
|
Matris in visceribus
nondum seminatus
signis evidentibus
in salutem gentibus
est predestinatus
|
Matins antiphon 4
|
Tum paterne glorie
fama resplendebat
cultui iusticie
copia milicie
votis respondebat
|
Matins antiphon 5
|
Hinc romana limina
pater visitavit
et sanctorum numina
fletu miscens lumina
supplex exoravit
|
Matins antiphon 6
|
Iam preventa spiritu
vidua devota
subolis intuitu
celitus commota
domus in introitu
pandit iusta vota
|
Matins respons 1
|
Flos regalis sanguinis
stemmate processit
quem precelsi seminis
alter abraham gessit
fide prolis incremento
et iugali sacramento
!&Abraham [alt: ?]
|
Matins verse 1
|
Nam in sara fertili
theoberga risit
et in anna sterili
samuelem misit
|
Matins respons 2
|
Infans in cunabulo
cives inquietat
et nature speculo
vagiens prophetat
quod in mundo fluctuante
sit cum moyse plorante
|
Matins verse 2
|
Inter fletus aspidis
ludit ad foramen
robur augens validis
languidis levamen
|
Matins respons 3
|
Lactis ab edulio
puer est suspensus
quem divina sanccio
movit ad ascensus
racionis primitivos
ut sic sacros potet rivos
|
Matins verse 3
|
Novus heres veteri
isaac succedit
fortis querens fieri
fortes cibos edit
|
Matins respons 4
|
Sacra post crepundia
puer deo gratus
floruit facundia
litteris aptatus
sed detraxit theorie
dura lippitudo lie
|
Matins verse 4
|
Brevi noctis spacio
celitus docetur
quod docentis studio
tardius habetur
|
Matins antiphon 7
|
Renuit conubia
stabilis athleta
sancta vera nuncia
detegit secreta
et futura prescia
veri fit propheta
|
Matins antiphon 8
|
Heros dives merito
vitans voluptatem
stupefactus subito
didicit ex abdito
cause pietatem
|
Matins antiphon 9
|
Huius innocencia
ioseph adequatur
qui relinquens pallia
fugit ab egypcia
mente ne labatur
|
Matins antiphon 10
|
Prolis desiderio
captus vehementer
damni sine vicio
rato matrimonio
gignit excellenter
|
Matins antiphon 11
|
Indolis eximie
fert hugbaldus natum
qui celestis patri
ac future glorie
cepit principatum
|
Matins antiphon 12
|
Patriarchis igitur
primis comparatur
quibus sero nascitur
fetus qui diligitur
tener ablactatur
|
Matins respons 5
|
Vox celestis gracie
puerum presagit
drachmate sciencie
quod nil foris agit
artis viget magistralis
ubi vis et spiritalis
|
Matins verse 5
|
Paulus sic celestia
percipit divina
david ad regalia
fungitur doctrina
|
Matins respons 6
|
Theoberga nobilis
sponso viduata
bersabee similis
sedet desolata
cuius ad solacia
natus adolevit
quem superna gracia
spiritu replevit
|
Matins verse 6
|
Trucidato vicio
heret paradiso
dans lamenta socio
corde indiviso
|
Matins respons 7
|
Celitus ut aaron
presul est electus
ut propugnet in sion
plebis dux effectus
similis leoni iude
pelli gedeonis ude
|
Matins verse 7
|
Duros verbis arguit
novus ieremias
muros urbis extruit
alter nehemias
|
Matins respons 8
|
O sanctorum consulem
vita seraphinum
udalricum presulem
qui dum ad divinum
ministraret sacramentum
vidit glorie conventum
|
Matins verse 8
|
Super virum dextere
dextera descendit
et sacrantis libere
meritum ostendit
|
Matins (gospel) special antiphon
|
Ave pontifex benigne
ut te tui laudent digne
fac ut semper exaltentur
teque dulce glorientur
|
Matins respons 9
|
Superum frequencia
sanctus hic stipatus
fruitur sciencia
sempiterni status
conspicit magnalia
dive maiestatis
et futura prelia
christianitatis
|
Matins verse 9
|
Sic ioannis oculo
celica perpendit
isaie titulo
dominum intendit
|
Matins respons 10
|
Ardens intus caritate
presul venerabilis
foris lucet pietate
signis admirabilis
morbis omnibus medetur
et oppressis miseretur
|
Matins verse 10
|
Manibus angelicis
flumina transivit
hostiis pacificis
portum inquisivit
|
Matins respons 11
|
Gigas iste nobilis
gigas vere fortis
currens via pugilis
virginalis sortis
insignitus est tropeo
totus ambulans cum deo
|
Matins verse 11
|
Plus cucurrit in agone
motus carnis conterens
quam athleta spe corone
necis ictum sufferens
|
Matins respons 12
|
Vere felicem presulem
vere fidei doctorem
quo parante christo sacra
dextra cum ipso superna
ad firmanda plebis corda
sacra consignavit sancta
|
Matins verse 12
|
A domino factum est istud et est mirabile in oculis nostris
|
| |
Lauds antiphon 1
|
Salve flos angelice
christus quem plantavit
vir in quo magnifice
dominus regnavit
|
Lauds antiphon 2
|
Dum sudares in lectica
prudens apis ut formica
sacri olei virtute
vires tibi sunt statute
|
Lauds antiphon 3
|
Eliseus et elias
spiritales tibi vias
prepararunt in fluentis
mitigatis elementis
|
Lauds antiphon 4
|
Actu moribus et vita
comis christi parasita
fac nos semper benedici
versus dolos inimici
|
Lauds antiphon 5
|
Omne spiramentum laudet
regem celi per quem gaudet
liber spiritus in celis
christi famuli fidelis
|
Lauds (gospel) special antiphon
|
Clarus mixtarum
caligine vir tenebrarum
dum micat astrorum
non impar lumine morum
pascitur aurore
stillantis gaudia rore
donec in extremo
sacietur sole supremo
|
| |
2nd Vespers antiphon 1
|
Gratulare suevia
nobilis patroni
suscitans preconia
nova laude throni
|
2nd Vespers antiphon 2
|
Ubi ludunt phialis
summe hierarchie
coram agno cymbalis
resonantes pie
|
2nd Vespers antiphon 3
|
Plaude mater filio
plausus letabunda
cuius patrocinio
laudis es fecunda
|
2nd Vespers antiphon 4
|
Ecce vesper orbitis
gyrat occidentem
dum vir tantis meritis
solis implet gentem
|
2nd Vespers (gospel) special antiphon
|
Eia presul alme dei
sacerdotum gloria
qui charactere fidei
morbos et demonia
mortem pellis ut diei
langueat malicia
gaude cuius est iucundum
nominis preconium
chorum cerne letabundum
laudis ad obsequium
tabescentem fove mundum
vite dans subsidium
nos indignos speciali
iam exemptos seculo
vel iustorum generali
fac ascribi titulo
|
full office name: