| |
| |
Vespers antiphon 1
|
Adsit gaudens in conventu
clerus et corde devoto
voces sonent in concentu
populo plaudente toto
|
Vespers antiphon 2
|
Adest nempe vespertina
hora grati temporis
festa nuncians vicina
gloriosi presulis
|
Vespers antiphon 3
|
Cras de carne nempe mirum
beatissimus ubaldus
migrans ad celum empyrum
mundo tamen mansit almus
!Empyrum [alt: 8@ for metre]
|
Vespers antiphon 4
|
Infinitis clarens signis
egrotantes liberando
eugubinam urbem dignis
meritis clarificando
|
Vespers antiphon 5
|
Ergo letus et festivus
nobis pater adveni
nunc et semper tempestivus
tibi pronis subveni
|
Vespers (gospel) special antiphon
|
Militans ecclesia
recolat cum iubilo
annua sollemnia
revoluto circulo
dies ecce letissimus
apparente diluculo
quo presul preclarissimus
iam superato seculo
cum triumpho victorie
scandit ad regna glorie
|
| |
Matins I
|
Adoremus deum trinum
maiestatem triumphantem
pro ubaldo confessore
tanta signa demonstrantem
|
Matins antiphon 1
|
In etate primitiva
puer puros annos degens
ubaldus sola divina
suspiravit secum tegens
|
Matins antiphon 2
|
Quamvis indole preclarus
et abundans facultate
cuncta sprevit tamquam gnarus
nota mundi vanitate
|
Matins antiphon 3
|
Armis fidei accinctus
impugnantem hostem fregit
vota que gerebat intus
opere valenter egit
|
Matins respons 1
|
Antequam ex utero
prodiret in lucem
ubaldus amabilis
in sanctis mirabilis
deus hunc disposuit
populorum ducem
|
Matins verse 1
|
Felix tali filio
genetrix ubaldi
quem ferentem iugiter
viciorum crucem
|
Matins respons 2
|
Ortus hortus extitit
omnium virtutum
florum pulchritudine
odorum spiramine
fructuum dulcedine
vasculum imbutum
|
Matins verse 2
|
Christum puer siciens
ardenter amabat
mundum et que mundi sunt
respuens ut lutum
|
Matins respons 3
|
Volens vota vincere
proprie nature
blandimenta terere
puer carnis tenere
suspirabat gaudia
glorie future
|
Matins verse 3
|
Cuius mentis aciem
gracia levabat
despectis illecebris
vite periture
|
Matins antiphon 4
|
Cupiebant coniugari
illum iam adulescentem
sed pudicam conservari
carnem voluit et mentem
|
Matins antiphon 5
|
Ne in mundo naufragari
se contingat per incauta
tectus veste regulari
portum tenet prudens nauta
|
Matins antiphon 6
|
Velut hortus hic conclusus
omnium virtutum flores
sparsit in communes usus
hominum transcendens mores
|
Matins respons 4
|
Etati vicinior
iam adulescenti
quando carnis vicia
solent per inicia
occultis meatibus
irreptare menti
|
Matins verse 4
|
Ab amicis intimis
sollicitabatur
ut conformis fieret
seculo presenti
|
Matins respons 5
|
Nobilis ex genere
facultate dives
ne desit hereditas
tua sed posteritas
vigeat et floreat
inter claros cives
|
Matins verse 5
|
Duc uxorem nobilem
et tibi decentem
ut tuam progeniem
longius derives
|
Matins respons 6
|
Sed ubaldus alio
iam raptus amore
hominem exuerat
et christum induerat
despectis que mundi sunt
ut fenum cum flore
|
Matins verse 6
|
Dominus hereditas
et illuminacio
salus mihi dominus
factus in decore
|
Matins antiphon 7
|
Fructum iam istius plante
papa senciens odorem
in eugubina vacante
sede posuit pastorem
|
Matins antiphon 8
|
Qui dum cautus vigilavit
caulam ovium suarum
diligenter preservavit
ab incursu bestiarum
|
Matins antiphon 9
|
Hic furentem fredericum
suam urbem impetentem
mitem fecit et amicum
benedicens id poscentem
|
Matins respons 7
|
Quem tot charismatibus
christus illustravit
dignitatum titulis
pariter ditavit
et elegit dominus
sacerdotem sibi
|
Matins verse 7
|
Sanctitatis oleo
ipsum consecravit
quot fulsit miraculis
non posset describi
|
Matins respons 8
|
Non humano studio
sed a sancto flamine
papa doctus celitus
divino spiramine
ubaldum episcopum
eugubinum fecit
|
Matins verse 8
|
Qui pro suo populo
mirando certamine
in iosue clipeo
hostes pavefecit
|
| |
Lauds antiphon 1
|
Collaudemus dominum
christum redemptorem
qui ubaldum induit
glorie decorem
|
Lauds antiphon 2
|
Omnes cum leticia
iubilate deo
nam ubaldus hodie
colitur in eo
|
Lauds antiphon 3
|
Deus ad te vigilans
semper te quesivit
te ubaldi anima
iugiter sitivit
|
Lauds antiphon 4
|
Sacerdotes domini
spiritus iustorum
ubaldum benedicite
collegam sanctorum
|
Lauds antiphon 5
|
Homines et angeli
dominum laudate
in excelsis presulem
dignum honorate
|
Lauds (gospel) special antiphon
|
Sit in excelsis gloria
nunc et per cuncta secula
plena functus victoria
nulla passus piacula
ubaldus carens scoria
secli vincens pericula
transivit mundi maria
virtutum in navicula
nos de carnis miseria
sua levet vehicula
|
| |
2nd Vespers antiphon 1
|
In splendoribus sanctorum
sidus fulgens dux fidelis
salva plebem servulorum
pater noster qui es in celis
|
2nd Vespers antiphon 2
|
In consilio iustorum
stans exaudi votum suum
ut ab ore devotorum
sanctificetur nomen tuum
|
2nd Vespers antiphon 3
|
Omnis vir qui cupit nimis
ubaldum patronum suum
o deus tractus ab imis
adveniat regnum tuum
|
2nd Vespers antiphon 4
|
A solis ortu ad occasum
sic fiat voluntas tua
ne pavescant mortis casum
debita donantes sua
|
2nd Vespers antiphon 5
|
Memento deus tuorum
qui sunt in hoc vite salo
funes stringunt peccatorum
sed libera nos a malo
|
2nd Vespers (gospel) special antiphon
|
Lux solaris orbem lustrans
occidendo visum frustrans
noctem innuit sequentem
hostem in nos sevientem
o ubalde te rogamus
cuius festo finem damus
ut sis nostra lux interna
corda vehens ad superna
et ostendas verum solem
lucidam marie prolem
|
full office name: