| |
| |
Vespers antiphon 1
|
Laudes altisonas
psallat dolus omnipotenti
et chorus antiphonas
sancto super astra manenti
turiano
|
Vespers antiphon 2
|
Voci concordi
si vox sit consona cordi
exaudit sanctus
vertens in gaudia planctus
turianus
|
Vespers antiphon 3
|
O dole ne doleas
amplectere gaudia gaude
custos ne pereas
sit plenus perpete laude
turianus
|
Vespers antiphon 4
|
Felix namque dolus
meruit qui reddere solus
pontificum
florem reddentem turis odorem
turianum
|
Vespers antiphon 5
|
Psallat multimodis
nobili cum carminis odis
et sine labe doli
regia sacra doli
turiano
|
Vespers respons
|
Pastor ave turiane
lingua tua mel suave
vocem audientibus
o confessor morum messor
apud deum intercessor
sis pro nobis omnibus
|
Vespers verse
|
Dole gaude et applaude
turianus plenus laude
te picturat floribus
|
Vespers (gospel) special antiphon
|
Pastor doli
latebra pauperum
expers doli
nectar mirificum
o signifer
in aula superum
et lucifer
cetu pontificum
deum ora
ut memor miserum
adsit hora
mortis viaticum
turiane
|
| |
Matins I
|
Adoremus creatorem
septiformis gracie
qui coronat confessorem
turianum hodie
|
Matins antiphon 1
|
Vir beatus meditatus
cuncta facit prospere
sublimatus coronatus
vivit super sidera
turianus
!Prospere !sidera [alt: ?]
|
Matins antiphon 2
|
Constitutus sancto monte
indoctos edocuit
impollutus carnem sponte
verus pauper domuit
turianus
|
Matins antiphon 3
|
Soporatus obdormivit
in bonis operibus
sic fundatus acquisivit
vitam cum viventibus
turianus
|
Matins respons 1
|
Hic sanctus ovium
pastor dolensium
fuit ut legitur
qui de britannia
veneti patria
clara prosapia
ortus dignoscitur
?Veneti [alt: ?]
|
Matins verse 1
|
Ut sol pre ceteris
fulgore pueris
dolis ostenditur
|
Matins respons 2
|
Hic cum esset parvulus
turianus emulus
verbi dei aderat
relictis parentibus
et eorum opibus
dolum ire properat
|
Matins verse 2
|
Ubi custos ovium
puerosque civium
operibus superat
|
Matins respons 3
|
Vox electa vox dilecta
turiano floruit
que iocosa saporosa
armagilo placuit
qui psallentem innocentem
viam morum docuit
|
Matins verse 3
|
Qui prius modicus
post hec magnificus
puer angelicus
cunctis apparuit
|
Matins antiphon 4
|
Deo sacrificium
obtulit iusticie
non querens mendacium
sed verum cottidie
in conspectu gencium
confessorum omnium
apparens vas gracie
turianus
|
Matins antiphon 5
|
Ex eius ore veritas
cunctis diebus defluit
nec reperiri vanitas
in eius corde potuit
sed virginalis castitas
precordialis caritas
in sancto semper floruit
turiano
|
Matins antiphon 6
|
Sanctum super opera
manuum fructifera
dominus constituit
qui lucrum in etherea
sumens super sidera
ut in terris meruit
turianus
|
Matins respons 4
|
Pater respicit filium
pastor ovis officium
sibi servientis
confert ei dominium
regendi pontificium
vite statuentis
assecutus fastigium
in ore placet civium
thonique gaudentis
:?Thonique [alt: ?]
|
Matins verse 4
|
Ministrat igitur
commissis fungitur
ut ioseph loquitur
verba sapientis
|
Matins respons 5
|
Furor lepre fugata fugiunt
claudi surgunt ceci respiciunt
predicanda
muti loquuntur surdi audiunt
mors stupet dolores deficiunt
res miranda
|
Matins verse 5
|
Morbos suppeditat
nemo periclitat
mortuos suscitat
turianus
|
Matins respons 6
|
Dum populo predicat
arce beatificat
testamenti visio
lux de celis emicat
turianum implicat
lucis obumbracio
videns deum supplicat
in throno quem indicat
sedentem in solio
|
Matins verse 6
|
Angelorum apicem
hierarchiam triplicem
ut gaudent ad invicem
fungentes officio
|
Matins antiphon 7
|
Ad usuram pecuniam
sanctus dare non voluit
sed futuram ad gloriam
obtinens mundi graciam
cordis affectum tenuit
turianus
|
Matins antiphon 8
|
Cordis desiderium
in terra vivencium
sancto deus tribuit
coronam de lapide
precioso iaspide
super caput posuit
turiani
|
Matins antiphon 9
|
Innocens manibus
utilis omnibus
nocensque nemini
ut stella rutilans
ascendit iubilans
ad montem domini
turianus
|
Matins respons 7
|
Rivalon dum irascitur
edes sacra comburitur
oritur tribulacio
sanctus dolens conqueritur
sceleratum aggreditur
ferventi desiderio
michael sanctus mittitur
cum turiano loquitur
reo datur remissio
|
Matins verse 7
|
Dum librum cepit rodere
vulpis incepit cadere
subite mortis gladio
|
Matins respons 8
|
Defertur ad ecclesiam
meldoch ponenda tumulo
videt sanctus angustiam
planctum parentum patulo
orat deum flens eciam
utroque sursum oculo
et deus gozgal filiam
visitat coram populo
|
Matins verse 8
|
Surgit sanctus de pulvere
et puella de funere
soluto mortis vinculo
|
Matins respons 9
|
Ad horam ultimam
sanctus perveniens
emisit animam
in christo moriens
celorum regiam
felix ingrediens
polique patriam
felicem faciens
|
Matins verse 9
|
Qui mundus aderat
sic mundum deserit
ad celos properat
quos deus aperit
et quam optaverat
gloriam reperit
|
| |
Lauds antiphon 1
|
Sanctus regnavit
sedem sibi namque paravit
moribus indutus
dominum super astra secutus
turianus
|
Lauds antiphon 2
|
Letus servivit
domino feliciter ivit
poscens cum melos
et eorum gaudia celos
turianus
|
Lauds antiphon 3
|
Hic salvatoris
memor adfuit omnibus horis
et pater audivit
quia christum corde sitivit
turianus
|
Lauds antiphon 4
|
Corde creatorem
benedicens atque creata
sentit dulcorem
celi sibi sede parata
turianus
|
Lauds antiphon 5
|
Psalterio chordis
cithara cum carmine cordis
regem laudavit
dominum qui cuncta creavit
turianus
|
Lauds (gospel) special antiphon
|
Dignus preconio
dignusque premio
vite dignoscitur
meldoch nefario
de mortis gladio
ad vitam ducitur
coram fastigio
domini regio
arcam que vehitur
in throni medio
iesum in solio
vidit ut legitur
turianus
|
| |
2nd Vespers (gospel) special antiphon
|
O pater turiane
dulcis in memoria
sed cum christo iam perenni
dulcior in gloria
quibus ipse iucundaris
inter celi vernulas
fac ut ad celestis agni
admittamur epulas
|
full office name: