full office name: TRUDO (n1)
edition: AH 13 #96
eccles:mon
calendar:November 23
structure summary: Vespers: ARE
Matins: monastic
Lauds: AE
Hours (little hours): A4
2nd Vespers: E
poetic forms: Vespers: l{il}.o
Matins: l.l6{o4}l6{o4}.e{o,o,il,op}
Lauds: l.o
Hours (little hours): l4
2nd Vespers: .o [q]
type of saint: priest confessor
notes:priest
confessor
Persons: Trudo Trudonem Trudonis Remaclum Glodulphum Remaclus
Places: Libani Metis Hasbania

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Leta dies eterna quies
sol filius astri
emerito tibi pro merito
sine nube resplendet
sancte dei dant vota rei
tu suscipe parce
da quod abest remove quod obest
quidquid premit arce
Vespers respons
O flos paradisi domini
alcior cedris libani
cuius odore
sanantur languidi
et reviviscunt mortui
trudo pater sanctissime
succurre huic familie
Vespers verse
Plurima debemus
et debita nostra timemus
Vespers (gospel) special antiphon
Sancte pater clare doctor
dulce decus noster amor
funde preces tuo gregi
trudo sacer recognosce
tui sumus iesum posce
ut solutos a peccatis
nos componat cum beatis
 
Matins I
Ad iubilos vite
christo psallendo venite
qui sibi trudonem
sociat post carnis agonem
Matins antiphon 1
Annua iucundo
redeunt sollemnia mundo
que recolenda bonis
rutilant in honore trudonis
Matins antiphon 2
Huic natura parens
habuit que maxima tradens
exceptum statim
levat ad bona cuncta gradatim
Matins antiphon 3
Inclita precipue
sunt hec monimenta iuvente
vix poterat fari
redditque diem mulieri
Matins antiphon 4
Iste puer talis
iam totus spiritualis
discere querebat
id quod scriptura tegebat
Matins antiphon 5
Angelus ad votum
noctu dat in ordine notum
quo pergat quid agat
sub quo doctore quiescat
Matins antiphon 6
Sic post remaclum
metis subeundo glodulphum
dum redit instructus
sanctos studet edere fructus
Matins respons 1
Exortum est in tenebris
preclari lumen sideris
cum edidit hasbania
trudonem plenum gracia
Matins verse 1
Accrevit celis gaudium
et terris patrocinium
Matins respons 2
Hic puerili opere
instar iacit ecclesie
quod dum conculcat femina
perdit resumit lumina
Matins verse 2
Viva futurus hostia
hec deo libat munera
Matins respons 3
Florebant eo tempore
multi verbis et opere
ad quorum trudo studia
iugi tendit instancia
Matins verse 3
Spirabat hortus domini
flores rose et lilii
Matins respons 4
Orabat quamvis dormiens
christumque semper siciens
cum edocet celicola
quid faciat christicola
Matins verse 4
Remaclum inquit presulem
tibi designo consulem
Matins antiphon 7
Impiger accepti
diffundens lucra talenti
quomodo vivebat
alios sic erudiebat
Matins antiphon 8
Hos fovet hos sanat
hos largo munere donat
omnibus accedit
sine munere nemo recedit
Matins antiphon 9
Nocte soporati
meritum testata beati
lux caput atque pedes
et totas ambiit edes
Matins antiphon 10
Elicuit fontem monuit
celestia gentem
eripuit furem
domuit post cetera verrem
Matins antiphon 11
Aggregat hic tales
vir sanctus cenobiales
quorum vita mori
mors esset vivere christi
Matins antiphon 12
Ergo triumphantem
mortalia cuncta terentem
rex suus invitat
et quo solet ordine ditat
Matins respons 5
Iam tunc plenus virtutibus
ipsisque par doctoribus
omne mandatum littere
pio complebat opere
Matins verse 5
Humilibus consenciens
et nihil altum sapiens
Matins respons 6
Exutus ergo laicum
adulescit in clericum
donec electus rapitur
et sacerdos inungitur
Matins verse 6
Prudens pudicus sobrius
qualem docet apostolus
Matins respons 7
Communicato gaudio
presul cum dulci filio
assumit eum socium
in opus evangelicum
Matins verse 7
Remaclus theoretice
ut instet trudo practice
Matins respons 8
O virum laude gracia
omnique dignum gloria
cui se duo lumina
infundunt noctu celica
Matins verse 8
Caput et pedes ambiunt
et soporato serviunt
Matins (gospel) special antiphon
Radix flos fructus
lignum quod non tinet estus
testantur meritum
vir benedicte tuum
Matins respons 9
Sacerdos ergo populis
diviso pane dogmatis
de terra fontem elicit
qui nunc usque non deficit
Matins verse 9
Has erogat divicias
bonus paterfamilias
Matins respons 10
Vir pietatis unice
nullius expers gracie
erudiebat homines
eiciebat demones
Matins verse 10
Imperitabat bestiis
et omnibus incommodis
Matins respons 11
Applicabatur interim
hora transplantacionis
ad radicem sanctissime arboris
et cupientem dissolvi
et iam cum christo esse
discipulorum tamen
gemitus et querulosa
ne se desereret
supplicacio morabantur
Matins verse 11
Iamque recedentem
iam christum respicientem
Matins respons 12
Quod sperasti ecce tenes
quod amasti christum vides
hic sepultus ibi regnas
hic rogaris ibi prestas
nos commenda sancte trudo
trino atque uni deo
Matins verse 12
Memor esto plebis tue quam possedisti ab inicio
 
Lauds antiphon
Regnum virtutem
deus induit atque decorem
et quam firmavit
sedem tibi trudo paravit
Lauds (gospel) special antiphon
Lux emergit lux liquescit
trudo sole plus candescit
nive nova candidior
auro vitroque purior
celos scandit terras fovet
mare totum laude replet
eius obtentu oriens
nos regat indeficiens
 
Prime antiphon
Exequias celebres
summi comitantur odores
mixtaque caligo
lux celica cuius origo
Terce antiphon
Ianua pulsatur
solaque fide reseratur
credit et accedit
cecus cum luce recedit
Sext antiphon
Plectuntur fures homicida reus perit alter
ustus contractus
curam redit alter adeptus
Nones antiphon
Laude tua christe
pater est laudabilis iste
et quocies petitur
anime carnique medetur
 
2nd Vespers (gospel) special antiphon
Magna te deum cantica
clara decent preconia
cuius virtute dextere
trudo splendet in ethere
eius nos iesu precibus
peccati solve nexibus