full office name: TROPHIMUS (n1)
edition: AH 18 #95
calendar:December 29
structure summary: Vespers: E
Matins: IR9
Lauds: E
poetic forms: Vespers: .o
Matins: v.{i,no,o,o,o,o,o,o,ov}
Lauds: .o [”]
type of saint: bishop confessor
geographical information:Arles patron, France
notes:confessor
patron of city or town
bishop
Persons: Trophimi Trophimum Trophimus Pauli Paulus
Places: Galliarum Arelati Mileti Gallias Arelato Galliis

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
Galliarum principatus
arelati est collatus
ob honorem et ornatus
trophimi apostolatus
quem a christo sublimatus
vir promeruit beatus
cuius precibus placatus
christus nobis propiciatus
deleat nostros reatus
 
Matins I
Regem regum iesum christum
adoremus dominum
populis qui galliarum
primum sanctum trophimum
presulem sibique dignum
direxit apostolum
Matins respons 1
Post gloriosum
salvatoris nostri
corporeum
ad celum ascensum
ab ipsis
trophimus apostolis
evangelica
ad predicandum documenta
elegi meruit beatissimus
Matins verse 1
Quia sacre fidei idoneus
prius additus est rudimenta
ac domini evangelii
predicare sacramenta
Matins respons 2
Vir prudens ingenii
clientum apostoli
pauli pii didascoli
ad posse studebat sibi
nulli secundus fieri
Matins verse 2
Semper equidem trophimus
bonus et spiritalibus
intentus erat actibus
Matins respons 3
Previdens doctor gencium
cunctorum prudentissimum
discipulorum trophimum
preconis ad officium
secum sumpsit in socium
Matins verse 3
Apostolus dum cerneret
virtute virum crescere
deliberat extollere
hunc alciore culmine
Matins respons 4
Cum esset pauli socius
gravissimis languoribus
cepit urgeri trophimus
destituique viribus
Matins verse 4
Plus de magistri obsequiis
meret ad tempus perditis
quam de salute corporis
Matins respons 5
Paulus enim ac trophimus
magister ac discipulus
certant piis affectibus
gemitibus ac fletibus
Matins verse 5
Unus quod se discipulus
non potest sequi pedibus
alter quod in doloribus
remanet ac languoribus
Matins respons 6
O quantum doctor gencium
a se tristatur socium
dilectum sibi trophimum
pre ceteris carissimum
per vim divelli febrium
Matins verse 6
Paulus enim cum febribus
commendat hunc hominibus
qui sunt mileti omnibus
in christum iam credentibus
Matins respons 7
Parvo peracto tempore
magister absens corpore
pro maximo solamine
salutat hunc ex nomine
Matins verse 7
Ne qua forte mesticia
se trophimus afficiat
per apicum noticiam
suam intimat graciam
Matins respons 8
Trophimus ut convaluit
magistro sicut decuit
quo rumor illum prodiit
illuc se presens obtulit
Matins verse 8
Tellure ponto discurrit
rome docentem invenit
Matins respons 9
Perfectum christo famulum
petrus et paulus trophimum
perficiunt in cathedra
pontificali gracia
quem dirigunt ad gallias
et naciones barbaras
qui fidem christi predicet
ecclesiamque fabricet
Matins verse 9
Primum quidem arelato
predicavit populo
hinc ad plures suos gentes
dirigit discipulos
 
Lauds (gospel) special antiphon
Apostolorum principis
perfectum ex discipulis
directum ab apostolis
accepto iure presulis
apostolum in galliis
nunc trophimum assiduis
veneremur obsequiis
ut eius nos suffragiis
ab omnibus contagiis
christus mundos cum angelis
eternis iungat gaudiis