full office name: TITUS (n1)
edition: AH 45 #77
calendar:January 04
structure summary: Vespers: A5RE
Matins: IA3R3.A6RR
Lauds: A5
Hours (little hours): A4
poetic forms: Vespers: v5{ix}.g
Matins: i.vvi{x3}v6{x,$i}
Lauds: ggesg
Hours (little hours): foiv [”q]
type of saint: bishop
geographical information:Crete q, Malta and Middle East
notes:bishop
Persons: Titus Titi Tito Titum Minoe
Places: Creteus Cretica Cretice

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Claret dies precipua
qua tecum summe deus
gaudet in celi curia
titus pater creteus
Vespers antiphon 2
Tanti patris magnifica
sonet fides natorum
quibus in urbe cretica
fulget nomen eorum
Vespers antiphon 3
Sicut a sole radius
titi claret doctrina
qua crete letus populus
illustratur divina
Vespers antiphon 4
Hic quasi virens folium
virtute germinavit
ad usque celi solium
se tollens elevavit
Vespers antiphon 5
Terris vivens ut angelus
spe firma solidatus
applaudit celi civibus
iam digne laureatus
Vespers respons
Solve plebs cretica
laudes et tura
resume cantica
notaque pura
Vespers verse
Pangit angelica
tito plebs inclita
sanctorum iura
Vespers (gospel) special antiphon
Ave nostre fidei
pater gloriose
qua sumus idonei
suntque graciose
preces almo numini
 
Matins I
Regi regum
iubilemus domino
qui stola glorie
beatum hodie
coronavit
titum apostolum
Matins antiphon 1
Dies nunciat diei
tito deus verbum spei
collatum divinitus
Matins antiphon 2
Dei laudem hic in ore
semper habens cum decore
docuit sublimius
Matins antiphon 3
Verbum bonum eructavit
cuius lingua multis favit
velox sicut calamus
Matins respons 1
Celestis hodie
vitis effronduit
cuius in palmite
novus apparuit
flos pudicicie
Matins verse 1
Titum suscipite
patrem aspicite
qui fidem docuit
Matins respons 2
Novus emittitur
ad gentes nuncius
verus eligitur
celestis baiulus
verbi prudencie
Matins verse 2
Sidus eximium
magister gencium
prolesque minoe
Matins respons 3
Ros refrigerii
de celo mittitur
spes desiderii
gratis amplectitur
in urbe cretica
Matins verse 3
Dignum depositum
quod ibi positum
virtute celica
Matins antiphon 4
Populos tito subiectos
verbo donat esse rectos
christi grata gracia
Matins antiphon 5
Sub alarum velamento
dei tectus in augmento
lucis fulget gloria
Matins antiphon 6
Gaudet titus et laudatur
laus ipsius minus fatur
digna laude celica
Matins antiphon 7
Christi nomen invocantes
laudem titi personantes
exultemus hodie
Matins antiphon 8
Lux est orta iustis crete
cui semper congaudete
luci laude previa
Matins antiphon 9
Parans hic direcciones
christi benedicciones
impetravit populo
Matins respons 7
Auri candelabrum
nitens prudencia
christi ventilabrum
purgans in area
granum a paleis
Matins verse 7
Corruunt idola
populi subdola
dediti viciis
Matins respons 8
Fulget in tenebris
mundi lucerna
sancti regiminis
adest pincerna
patrisfamilias
Matins verse 8
Duc ad eterna
regna superna
fili familias
 
Lauds antiphon 1
Domum tuam domine
decet sanctitudo
in qua titi colitur
vite magnitudo
Lauds antiphon 2
Omnes crete populi
christo iubilate
titi nunc apostoli
laudes elevate
Lauds antiphon 3
Sancta patris anima
repletur pinguedine
cor eius et labia
cantici dulcedine
Lauds antiphon 4
Benedicant omnium
regi regum opera
qui titum apostolum
transduxit ad ethera
Lauds antiphon 5
In excelsis dominum
vocibus laudate
titum sed apostolum
eius adorate
 
Prime antiphon
Sicut vas eleccionis
sanctus eligitur
capax benediccionis
crete dirigitur
Terce antiphon
Exultet mundus hodie
renovatus leticia
dum titus urbis cretice
celsa refulget gloria
Sext antiphon
Sonet vox gaudii
voce iustorum
voxque tripudii
laus filiorum
Nones antiphon
Facti sicut consolati
sancto corpore ditati
letemur in domino
dulci vocis iubilo