| |
| |
Vespers antiphon 1
|
Omne genus harmonie
laudet deum in hac die
timothei apostoli
quem excelsi celi ede
sublimavit clara sede
cum principibus populi
|
Vespers antiphon 2
|
Timotheum laudant gentes
quarum convertebat mentes
ad deum verbis condignis
fidem christi predicando
veritatem confirmando
virtutibus ac signis
|
Vespers antiphon 3
|
Hoc nomen a presagio
sancto timotheo datur
beneficus suffragio
qui multis auxiliatur
in mortis naufragio
errantibus suffragatur
|
Vespers antiphon 4
|
Iste pauli discipulus
post predicator sedulus
fidem christi predicavit
qui ad edificaciones
ierusalem dispersiones
israel sic congregavit
|
Vespers antiphon 5
|
Meritorum copia
cluens celorum gloria
lucis a christo sistitur
et benedictus filiis
veniarum auxiliis
portis sion inseritur
|
Vespers respons
|
O timotheum radiis
solis veri illustratum
ac dono multifario
sancti spiritus dotatum
linguarum verbo vario
cunctarum locupletatum
gentilium nefario
rituique destinatum
ut fidei sacrario
populum emendatum
celi locet diario
per summe vite statum
|
Vespers verse
|
Timothee te sedulum
senciamus precatorem
apud christum qui famulum
te elegit in pastorem
|
Vespers (gospel) special antiphon
|
Exultet nunc ecclesia
mater meritis ornata
gaudeat tota grecia
virtutibus illustrata
lystris in lycaonia
plaude prole de te nata
sed concine preconia
ephesus pie solata
timothei patrocinia
senciens multiplicata
bordeolem in gallia
urbs fide renovata
letare britannia
per apostolum renata
eius colat sollemnia
plebs fide innovata
|
| |
Matins I
|
Exultet plebs laudetur deus
plaudat cetus angelorum
quod coniunctus timotheus
throno est apostolorum
|
Matins antiphon 1
|
Alludit nato grecia
lystris in lycaonia
ortus dedit inicia
traxit per preconia
orbem quasi parencia
ad dei testimonia
|
Matins antiphon 2
|
Prophecie poculis
inhians tantum oculis
terrena consideravit
fide post illuminatus
suavitatem vir beatus
dei vidit et gustavit
|
Matins antiphon 3
|
Omnis beati gloria
in crucis memoria
extiterat frequenter
qui meritis similibus
cum populi principibus
constitutus est gaudenter
|
Matins respons 1
|
Sollemnis doctor gencium
sanctum fide roboravit
quem cum turbis credencium
sancto spiritu dotavit
quem post linguis loquencium
dominus magnificavit
|
Matins verse 1
|
Talibus igitur signis
in se christo perpetratis
adherebat vir insignis
post doctrinis pauli gratis
|
Matins respons 2
|
O imitator sedule
comes pauli discipule
qui respuisti terrena
et propter dei filium
elegisti exilium
linquens patrie amena
|
Matins verse 2
|
Linquere fac nos vicia
et post mortis exicia
da celi loca serena
|
Matins respons 3
|
Expositum periculis
sequitur et miraculis
paulum ad urbem romanam
timotheus vir beatus
lorica fidei armatus
non timens gentem profanam
|
Matins verse 3
|
Debita beneficia
impendens et solacia
paulus ob doctrinam sanam
|
Matins antiphon 4
|
Egressus rex et dominus
per timotheum subiecit
gentes quem sibi comminus
coheredem fecit
regni et nihilominus
principibus adiecit
|
Matins antiphon 5
|
In petra nunc exaltasti
celestis celsitudinis
timotheum et fundasti
ut turrim fortitudinis
deus per quem effugasti
hostesque sanctitudinis
|
Matins antiphon 6
|
Opus dei nunciat
intelligens eius facta
suasit ut plebs excuciat
idola mutefacta
baptismumque suscipiat
criminis delentem acta
|
Matins respons 4
|
Rome doctor gencium
biennio disputavit
et obsidem credencium
ad gallias destinavit
sanctum qui cor conancium
verbo dei irrigavit
ac statum sic vivencium
in melius mutavit
|
Matins verse 4
|
Arguendo increpavit
ex more docti mystici
verbum vite seminavit
iuxta preceptum magistri
|
Matins respons 5
|
Properavit apostolus
ad bordeolem famosam
ubi fovebat populus
sectam supersticiosam
hunc admonuit sedulus
fidem christi gloriosam
ut sumeret incredulus
virtutibus copiosam
|
Matins verse 5
|
Resistentes primo flexit
beatus signis celitus
gallos quos ad deum vexit
cum verbis evangelicis
|
Matins respons 6
|
Orthodoxam dilatavit
fidem verbis baptizavit
populos cum prioribus
ecclesias instauravit
presbyteros ordinavit
ex clero meliori
timotheusque sanavit
cecos claudos et donavit
remedia languoribus
|
Matins verse 6
|
Hinc est quod non immerito
timotheus comparatur
apostolis et debito
cum honore veneratur
|
Matins antiphon 7
|
Ecce columna polita
dei edificiorum
quam fex non exinanita
numquam sordet peccatorum
altat cornua ignita
ad sedes regni polorum
|
Matins antiphon 8
|
Iustis nova lux oritur
rectis corde leticia
per timotheum moritur
sculptilium stulticia
gloria dei colitur
exosa fit malicia
|
Matins antiphon 9
|
Nimis hic testimonia
cum preceptis custodivit
et omni sanctimonia
beatus deo servivit
eiciens demonia
iugum domini subivit
|
Matins respons 7
|
Regnum intravit britonum
timotheus et dominum
iesum christum predicavit
plures deos annullando
sacro fonte baptizando
plebem deo dedicavit
|
Matins verse 7
|
Instans sacris argumentis
idola converse gentis
penitus extirpavit
|
Matins respons 8
|
Celeriter opinio
beatique religio
timothei intimatur
lucio tunc egregio
viro qui mor regio
britannis dominabatur
|
Matins verse 8
|
Omnipotentis famulum
ut sue legis modulum
narraret rex deprecatur
|
Matins respons 9
|
Nutu divino veritas
fidei tunc dilatatur
celestis cum claritas
lucio manifestatur
angelica quem puritas
in somniis hinc hortatur
ut obediens caritas
timotheo tribuatur
|
Matins verse 9
|
Evigilans absque schisma
rex credulus esse cepit
sacrum fidei baptisma
mox a sanctoque suscepit
|
| |
Lauds antiphon 1
|
Parata est timotheo
sedes cum magno decore
in celis propinqua deo
domino qui cum amore
regem lucium cum eo
suo convertit ab errore
|
Lauds antiphon 2
|
Factus hic ephesiorum
presul per paulum doctorem
iussit oves pascuorum
adorare creatorem
et in laudibus hymnorum
confiteri redemptorem
|
Lauds antiphon 3
|
Timothei anima
vigilans ad te de luce
deus sitivit intima
tecum commori in cruce
quam ob rem sumit maxima
gaudia cum christo duce
|
Lauds antiphon 4
|
Omnes anime iustorum
semper benedicant deum
qui ad gaudia polorum
transtulerat timotheum
|
Lauds antiphon 5
|
Laudet dominum de celis
omnis spiritus iustorum
quod vir prudens et fidelis
cum crementis talentorum
hostium ereptus telis
intrat gaudium celorum
|
Lauds (gospel) special antiphon
|
Cum in patmos insulam
ioannes relegatur
ephesiorum infula
timotheus sublimatur
sue plebis pericula
timescens execrabatur
deos spernendo idola
a malignis post necatur
et ut christo per secula
corregnet victor levatur
|
| |
2nd Vespers (gospel) special antiphon
|
Iam in salutari dei
exultat spiritus timothei
cum deo gaudens celitus
cuius decorem faciem
iam contemplatur divinitus
ipse nobis sacre spei
pacem concedat penitus
cuius festo requiei
honor prebetur debitus
|
full office name: