full office name: THOMAS Didymus (n2)
edition: AH 28 #80
calendar:December 21
structure summary: Vespers: A5E
Matins: secular
Lauds: A5E
2nd Vespers: E +
Vespers: E
poetic forms: Vespers: xivoi.t
Matins: l.ovi{o,i,To}iov{o,o,io}voo{tT,i,i}
Lauds: ivioi.t
2nd Vespers: .$
Vespers: .l [”q]
type of saint: apostle
notes:apostle
Persons: Thome Thomam Thomas Didyme
Places: Indiam Indos Indie Calamina

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Adsunt sollemnia
thome apostoli
deo preconia
solvant fideles populi
Vespers antiphon 2
Athletam christi
fortem mirificavit
thomam apostolis
consortem deus aggregavit
Vespers antiphon 3
Regis christo militare
sanctus thomas studuit
signis miris coruscare
divinitus meruit
Vespers antiphon 4
Nomen christi gloriosum
cunctos laudare monuit
omnem actum scelerosum
plebem vitare docuit
Vespers antiphon 5
Iesus salvator omnium
elegit thomam apostolum
per cuius preconium
suum salvat populum
Vespers (gospel) special antiphon
O sancte thoma iesu dilecte
o celestis aule architecte
vere viti christo inhesisti
cuius palmes sacra extitisti
tu clarus doctrina et miraculis
nos iuva suffragiis sedulis
 
Matins I
Christum regem corde et ore
psallentes collaudemus
cum apostolo thoma
confitentes adoremus
Matins antiphon 1
Thomas errantem indiam
christi fidem instruxit
donans baptismi graciam
ad deum multos perduxit
Matins antiphon 2
Passionis dominice
bibit thomas calicem
civis aule angelice
apprehendit apicem
Matins antiphon 3
Ad indos ire renitentem
dominus misit ad salvandum
ibi populum credentem
et in celis collocandum
Matins respons 1
Sancti thome apostoli
veneranda sollemnia
fideles celebrent populi
cum devota leticia
Matins verse 1
In hac die decantemus
laudes christo iubilemus
Matins respons 2
Thomas a christo dilectus
in indiam est directus
ut errantes convertat gentes
fidem rectam suscipientes
Matins verse 2
Quas de hostis fauce eruit
et baptismi fonte abluit
Matins respons 3
Predicante
christum apostolo
rex accedit
cum omni populo
se iugo christi subdidit
Matins verse 3
Confractis profanis idolis
et visis tot miraculis
Matins antiphon 4
Sancti thome preciosa
mors est coram domino
cuius facie dulcorosa
fruitur sine termino
Matins antiphon 5
Miles christi et amicus
est gratus deo apostolus
pius mitis et pudicus
quo culpe non fuit dolus
Matins antiphon 6
Vincula solvit vinctorum
et cecos illuminat
morbos curat infirmorum
demones exterminat
Matins respons 4
Hic apostolus insignis
seculum illuminavit
doctrinis sanctis et signis
et defunctos suscitavit
Matins verse 4
Cecis visum restauravit
egros varios sanavit
Matins respons 5
Dominum resurrexisse
thomas credere noluit
donec ipsius tangere
loca clavorum meruit
Matins verse 5
Quem videndo adoravit
deus meus exclamavit
Matins respons 6
O mira dei clemencia
qui discipulum non reprobavit
sed benigna penitencia
ad fidem revocavit
Matins verse 6
Et beatos non videntes
esse dixit sed credentes
Matins antiphon 7
Hostiam laudabilem
sanctus deo offerebat
per quam christus placabilem
se plebi exhibebat
Matins antiphon 8
Captivorum liberator
sancte thoma extitisti
perditorum reformator
prudens pastor gregis christi
Matins antiphon 9
Semen vite seminasti
predicator egregie
fructum multum reportasti
in regnum regis glorie
Matins respons 7
Apostolus ab infidelibus
carceris vinculis constringitur
atque super laminas pedibus
nudis ardentes stare cogitur
Matins verse 7
In fornacem
flammeam mittitur
sed per christum
illesus egreditur
Matins respons 8
Postquam clemencia divina
per apostolum
multa signa fecit
civitas indie calamina
in ipsum truces
manus iniecit
et diris lanceis interfecit
Matins verse 8
Propter christum
quem predicavit
et miraculis
quia coruscavit
Matins respons 9
O felix thoma apostole
lumen mundi
et iudex seculi
a delictorum absolve mole
animas te
laudantis populi
Matins verse 9
O pastor gregis
christi indite
duc nos ad eterne
gaudia vite
 
Lauds antiphon 1
In throno duodecimo
assessor superni iudicis
honore fulgens maximo
audi preces gregis supplicis
Lauds antiphon 2
Opifex mirabilis
dispergendo multiplicat
fit celis aula nobilis
quam in terris fabricat
Lauds antiphon 3
Dei comitante gracia
ad indos progreditur
triumphans redit cum gloria
in celis gaudens excipitur
Lauds antiphon 4
Carnis pellit illecebras
informat continenciam
errorum fugat tenebras
ad celi ducit patriam
Lauds antiphon 5
O quanta honorum gloria
te deus exaltavit
thoma dum virtutum copia
cunctarum te cumulavit
Lauds (gospel) special antiphon
O christi amice eximie
tu terrena cuncta respuisti
ideo dei dulci facie
in celis frueris ut sitisti
cuius summa gaudia hodie
cum christo regnaturus introisti
 
2nd Vespers (gospel) special antiphon
O apostole beatissime
tu factus fidelis dupliciter
o thoma singularis didyme
videns et tangens christum feliciter
o doctor apostolorum optime
ora pro nobis christum iugiter
 
Vespers (gospel) special antiphon .a
O vitis vite bone
palmes thoma beate
gestans maturos
effuso sanguine botros
iesu victor mortis
fac ut plantemur in hortis
ierusalem vive
qua flores tu sine fine