| |
| |
Vespers (gospel) special antiphon
|
Martyr thoma
martyr dei preciose
qui lavisti stolam tuam
in agni dei cruore
alleluia filiorum
ad te clamancium
voces admitte
et quos honorasti
tua sancta passione
adiuva
pia intercessione
|
| |
Matins I
|
Summo victori domino
iubilemus corde pio
qui thomam natali suo
coronavit martyrio
|
Matins antiphon 1
|
Amore fervens divino
thomas in pontificio
sprevit viam peccancium
legis dei tenens statum
|
Matins antiphon 2
|
Verbo potens et actibus
divine legi deditus
prevaricantes increpat
precepta vite intonans
|
Matins antiphon 3
|
Dei preventus gracia
occultat vite merita
thomas indutus clanculo
cuculla cum cilicio
|
Matins respons 1
|
Sacrat thomas primordia
presulatus cum gracia
carnem terit cilicio
destinatam martyrio
vita et veste monachus
mores informat arcius
|
Matins verse 1
|
Extunc christo vivere
christo parere studuit
verbo affectu et opere
|
Matins respons 2
|
Vir invicte constancie
deo disponens vivere
se ipsum opponit murum
contra incursus hostium
ne subvertant ecclesiam
dei cuius agit causam
|
Matins verse 2
|
Qui nec frangi novit minis
nec molliri blandiciis
|
Matins respons 3
|
Instabant modis variis
ut ius ecclesie regis
conferrent in arbitrium
sed thomas illudens dolum
adiecit dei honorem
salvum et suum ordinem
|
Matins verse 3
|
O predicanda seculis
o miranda sacerdotis
confessio
cuius prefulget merito
martyrum in numero
|
Matins antiphon 4
|
Preces thome cum fletibus
infuse dei auribus
reductum ab exilio
dignum reddunt martyrio
|
Matins antiphon 5
|
Lactencium proscripcio
patris thome martyrio
laudis adauxit titulum
quo stravit adversarium
|
Matins antiphon 6
|
Arcum tetendit impius
pium petendo fraudibus
utrumque sed iustissimus
interrogabat rex deus
|
Matins respons 4
|
Thomas martyr sanctissimus
antistes cantuarius
londoniis oriundus
iustis piis parentibus
a primi evi tempore
donis ditatur gracie
|
Matins verse 4
|
Erat forma decorus
perspicax ingenio
prudens dulcis eloquio
|
Matins respons 5
|
Testantur tria pro martyre
spiritus aqua cum sanguine
nam sancto prestante flamine
thome sanguis in potu aque
mortuos restituit vite
|
Matins verse 5
|
Excite gentes undique
miraculorum fulgure
concurrunt afferentes
munera vota preces
|
Matins respons 6
|
Ut constaret omnibus
quod sit thomas palma dignus
ensis fractus in lapide
signum dedit victorie
christus petra iusticie
arma fregit malicie
|
Matins verse 6
|
Ut staret libertas ecclesie
occurrit presul gladiis
sponte ius lapsum
redempturus sanguine
|
Matins antiphon 7
|
Thome fides et accio
formam dedere proximo
per quam malignum sternere
christumque possit cernere
!Christumque [alt: ?]
|
Matins antiphon 8
|
Pro sancti thome meritis
cecus videt surdus audit
claudus currit lepra fugit
redduntur vite mortui
|
Matins antiphon 9
|
Montem virtutum scandere
thomam fideles cernite
mentes manus attollite
illum sequi contendite
|
Matins respons 7
|
Ad sedandam tyrannorum
superbiam
ostendit thomas signorum
potenciam
et statim fide firmata
pace gaudet ecclesia
|
Matins verse 7
|
Deus sanctum
suum mirificavit
quem victorem
in celis coronavit
|
Matins respons 8
|
Patris dum crebrescunt prodigia
nova prole gaudet ecclesia
thome preces funduntur et vota
thomas sanat mentes et corpora
|
Matins verse 8
|
Dantur egris certa remedia
claudis gressus et cecis lumina
|
Matins respons 9
|
Ex eius aqua sanctissima
curatur pestis varia
qua potati sanantur egri
mutis loquela redditur
et debilis quisque
letus revertitur
|
Matins verse 9
|
Alternatim ruunt languidi
consequi properantes
que martyr prestat beneficia
|
Matins Q
|
1 potestate reddit lesos
sanguinis effusio
thomas nautis desolatis
astitit periculo
2 redonatur vita functis
lepre fugat lesio
fantur muti currunt claudi
eius patrocinio
3 o quam probat sanctum dei
trium mutilacio
et eisdem resignata
nova queque porcio
4 ergo melos sancto thome
plebis sonet concio
nam qui pie petit illum
pulso procul vicio
letus efficitur
|
| |
Lauds antiphon 1
|
O thoma martyr prepotens
iam pace christi perfruens
ornas polum presencia
terris ades potencia
|
Lauds antiphon 2
|
Consummatus in gloria
planxisti morte invida
solutus carnis vincula
ter vivis per miracula
|
Lauds antiphon 3
|
Digne coniunctus es
martyrum christi
consorcio
qui hostia viva
esse studuisti
spontaneo martyrio
|
Lauds antiphon 4
|
Auxilio divino fortis
superasti principem mortis
nos pater infirmos
adversus illum robora
et ut vincamus adiuva
|
Lauds antiphon 5
|
Portas mortis et inferni
nesciant tui servuli
sed portas paradisi resera
potestate tibi tradita
|
Lauds (gospel) special antiphon
|
O mira dispensacio
dei qui affectu pio
cuncta iusto iudicio
disponit ab inicio
pios pie remunerans
pravorum finem reprobans
benedictus hinc dominus
pater verbum et spiritus
|
| |
2nd Vespers respons
|
Precisus cortex
virtutum fudit odorem
arborem excepit
mutilare gloria florem
|
2nd Vespers verse
|
Arbor odorifera
est thomas flos spiritus eius
|
2nd Vespers (gospel) special antiphon
|
O martyr constantissime
confessor invictissime
thoma gemma sacerdotum
laus francorum laus anglorum
rege pater ecclesiam
pro qua fudisti sanguinem
et pro salute omnium
funde preces ad dominum
|
| |
Matins I .a
|
Exultemus domino
summi regis filio
qui sancto thoma palmam
dedit et coronam
|
Matins respons .a1
|
Ex summa rerum leticia
summus fit planctus in ecclesia
de tanti patroni absencia
sed cum redeunt miracula
redit populo leticia
|
Matins verse .a1
|
Cucurrit turba languidorum
et consequitur graciam beneficiorum
|
Matins respons .a2
|
Quam pulchra quam sancta
sunt beate tua preconia
ignis accensus extinguitur
extinctus accenditur
terra quos premit non opprimit
ventus quiescit mare obedit
|
Matins verse .a2
|
Quoniam fideliter
subiecisti creatori
deo mirabiliter
tibi servit creatura
|
| |
Lauds (gospel) special antiphon .a
|
In paradiso ecclesie
et virtutum dulcedine
fragranciam celestium
spirat thomas aromatum
!Fragranciam [alt: ?]
|
full office name: