full office name: THOMAS AQUINAS (n2)
edition: AH 5 #85
eccles:OP
calendar:January 28
structure summary: Vespers: AE
Matins: secular
Lauds: A5E
2nd Vespers: E
poetic forms: Vespers: t.t
Matins: o.o3{v,oT,t$}gvg{t,t,vs}ggf{t3}
Lauds: ggfsg.v
2nd Vespers: .g [”q]
canonized:1323
translation:1369
type of saint: doctor
notes:doctor
Persons: Thomas Elia Urbanum Thome
Places: Italia Gallia Tolosa Terracine Tolose Ocania Nazareus Italie

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
O quam felix mater italia
novi solis enixa radium
o quam dives effecta gallia
solis huius adepta pallium
o tolosa festa magnalia
tibi reddunt perenne gaudium
Eque felix [alt: v o quam dives]
Vespers (gospel) special antiphon
Nova tibi mater ecclesia
geminatur causa leticie
cuius olim leta preludia
destinasti superne curie
nunc per orbem clara prodigia
dignum promunt celestis glorie
 
Matins I
Letetur plebs fidelium
exultans novo iubilo
thomas ad patris gremium
relicto redit tumulo
Matins antiphon 1
Iam dudum lux abscondita
fulget expansis radiis
et gemma terre condita
effertur cum prodigiis
Matins antiphon 2
Corpus quod diu iacuit
in terracine loculo
mirandis signis claruit
post in tolosa patulo
Latuit in terra sine [alt: v iacuit in terracicine]
Matins antiphon 3
Occurrunt sacro corpori
clerus et turbe populi
congaudent tanto muneri
cuncti grandes et parvuli
Matins respons 1
Ecce novus fons hortorum
diu terre conditus
fit augmentum fluviorum
rigans orbem celitus
hic est thomas lux doctorum
instructus divinitus
Matins verse 1
Hic est portus hebreorum
imber clausus hic celorum
sub elia redditus
Matins respons 2
Gaudet sacra religio
que spoliata caruit
prius thesauro proprio
dum doctoris quem aluit
et perfecit in studio
nuper ossa rehabuit
Matins verse 2
Restituta
de primo tumulo
et recepta
cum cordis iubilo
Matins respons 3
Corpus datur in festo corporis
christi cuius grande mysterium
reseravit occultum ceteris
et dictavit scribens officium
dono doctor divini muneris
Matins verse 3
Nam per urbanum
opus indicitur
et per urbanum
ordini redditur
Matins antiphon 4
Celum hunc glorificat
christo iam fruentem
quem terra mirificat
signis affluentem
Matins antiphon 5
Matri vite iam ereptum
vivum reddit filium
et inter hostes protectum
tutum servat devium
Matins antiphon 6
Divini dispendio
iuvat invocantem
damnatum suspendio
salvat implorantem
Matins respons 4
Corpus sacrum dum terre tollitur
fratris mentem propulsat dubium
sed mox ei verum asseritur
per doctoris patens alloquium
nam hoc corpus quod vobis redditur
vestri inquit est thome proprium
Matins verse 4
Doctor astans fratrem alloquitur
et oranti res certa panditur
Matins respons 5
Languens presul in egro corpore
mox auditis letis exequiis
votum promit ex immo pectore
affuturum sacris sollemniis
spe constanti de sancti munere
Matins verse 5
Hic salutis potitus gaudiis
se commendat eius presidiis
Matins respons 6
Puritatis vas decorum
nihil sordis patitur
presul clarus fama morum
sanctum ferens labitur
mersus luto indecorum
nil inde relinquitur
Matins verse 6
Sacris tamen vestibus
manibus ac pedibus
totus ceno figitur
Matins antiphon 7
Servat ab incursibus
virum cum iumentis
liberat a febribus
vitam morientis
Matins antiphon 8
Morbum famem prelium
miles impetravit
thome per auxilium
vovens ut optavit
Matins antiphon 9
Redivivum reddit equum
hero supplicanti
quemque surdum cecum mutum
curat virtus sancti
Matins respons 7
Laboranti sub mole carceris
ac petenti thome subsidia
adest sponsor divini muneris
doctor ferens grata subsidia
miseratus horrendi sceleris
Matins verse 7
Hunc subvectum in vestis fimbria
longo tractu portans itineris
coram domo deponit propria
Matins respons 8
O doctoris mira potencia
que in vitam mutat interitum
corporisque sancta presencia
ab obsessa depellit spiritum
Restituta forme decencia
Matins verse 8
Vite spectans utrimque exitum
implorata sancti clemencia
statim sensit salutis reditum
Matins respons 9
Ioseph duplex doctorem gloria
signis velut presignat vatibus
mulieris acta victoria
ossa sancta legata fratribus
toloseque delata partibus
Matins verse 9
Sume felix grata ocania
destinata tibi encenia
 
Lauds antiphon 1
Sacrum corpus noviter
christus decoravit
cuius mente iugiter
dominus regnavit
Lauds antiphon 2
Dies est leticie
de thome tropeo
celestes milicie
iubilate deo
Lauds antiphon 3
Ad te de luce vigilat
doctor nazareus
qui nunc in celis iubilat
deus deus meus
Lauds antiphon 4
Celo doctor fruitur
acto vite tramite
qui tam digne colitur
deo benedicite
Lauds antiphon 5
Fulget in celestibus
dei claritate
fragrat hic virtutibus
dominum laudate
Lauds (gospel) special antiphon
De iacente virtus crescit
de sepulto gloria
de latente lux diescit
de dato leticia
corpus sacrum dum notescit
mira dans prodigia
 
2nd Vespers (gospel) special antiphon
O splendor italie
nobilis propago
deitatis regie
instar et imago
virtutis eximie
culmen et indago
nobis spem fer venie
tu morum compago