| |
| |
Vespers antiphon 1
|
Theos unum sic et trinum
deum verum condivinum
hunc laudate per omnia
|
Vespers antiphon 2
|
Oramus cum sacerdote
theodorico devote
passo in anciochia
|
Vespers antiphon 3
|
Deus ipsum qui respexit
in patronum hunc transvexit
ad chorum in uzecia
|
Vespers antiphon 4
|
Ritus dei nominatus
sanctus iste comprobatus
in passionis gloria
|
Vespers antiphon 5
|
Custoditor dei dictus
deum sciens est condictus
hic sanctus theodoricus
!Custoditor [alt: ?]
|
Vespers respons
|
Triumphantem hierarchiam
hic presentat per sophiam
in hunc fusam per messiam
dum mens eius per eliam
est ad celi harmoniam
regnum mundi abdicavit
hymnum deo decantavit
clare dum sic enarravit
volo pati tunc se stravit
sanctam propter symphoniam
|
Vespers verse
|
Albus corde candidatus
letabundus deo gratus
bonitatis fonte natus
in sanctorum cetum datus
|
Vespers (gospel) special antiphon
|
Magnificat te dominum
cor vox et sensus hominum
in hoc sacrosancto die
de quo iubilemus pie
exultemus festum demus
et in celum resonemus
deo laudem decantemus
ut patris huius patria
det celi nobis atria
unum trinum adoremus
|
| |
Matins I
|
Templum hoc ingredientes
deum et recognoscentes
in celo vitam senciant
|
Matins antiphon 1
|
Beatus vir qui non abiit
in concilio impiorum
hic seminare exiit
fidem christi filiorum
|
Matins antiphon 2
|
Quare fremuerunt gentes
que hunc sanctum accusarunt
reges terre nam presentes
propter fidem condemnarunt
|
Matins antiphon 3
|
Domine quid multiplicant
huic sancto insurgentes
turbati remultiplicant
sic in ipsum sevientes
|
Matins respons 1
|
Virtutibus nobilior
nobili virtuosior
coruscans est et clarior
in prodigiis et signis
|
Matins verse 1
|
Nobilior
virtute prior
sanctus theodoricus
|
Matins respons 2
|
Christi fidem predicavit
christi nomen dilatavit
cur hunc tortor carceravit
in latebris pessimis
|
Matins verse 2
|
Laus pia verba dei sunt hec sancti theodorici
|
Matins respons 3
|
Post hoc ipsum fustigarunt
cesum virgis reportarunt
tamquam pravo reclamarunt
morituro in torculo
|
Matins verse 3
|
Gloria donatur sancto
celi theodorico
|
Matins antiphon 4
|
Cum invocarem super me
vultus dei verum lumen
transcendit verum tunc in me
spiritus domini numen
|
Matins antiphon 5
|
Verba mea tunc percipit
deus in excelso celo
dum caro mortem suscipit
mors afflicta ensis telo
|
Matins antiphon 6
|
Domine dominus noster
christianum prebe scutum
qui es conservator noster
dona regnum celi tutum
|
Matins respons 4
|
Protomartyr iuliani
abdicati christiani
docet fidem tiposani
qui pendet in equuleo
|
Matins verse 4
|
Vincimus iniquum
sic sanctum per theodoricum
|
Matins respons 5
|
Octo pedum ultra vires
membrorum traxerunt vires
nec in hoc amittit vires
nam christus reformat vires
|
Matins verse 5
|
Exora sancte
pro viribus o theodorice
|
Matins respons 6
|
Penas hinc reiteravit
ferro carnem laceravit
ardens lampas tormentavit
nam se signat signo crucis
|
Matins verse 6
|
De penis sancto
salvemur cum theodorico
|
Matins antiphon 7
|
In domino confisus sum
ex toto christi fidelis
quando penis affixus sum
reponendo spem in celis
|
Matins antiphon 8
|
Domine quis habitabit
tuis in tabernaculis
is qui terris resonabit
coruscando miraculis
|
Matins antiphon 9
|
Domine in virtutibus
divinis triumphaveram
propriis quando nutibus
tormentis me summiseram
|
Matins respons 7
|
Tortores qui in tormentis
hunc viderunt sancte mentis
in sorte converse gentis
predecedunt in gurgite
|
Matins verse 7
|
Christo conversi
sic mersi
sub fide christi
|
Matins respons 8
|
Predicabat imprecando
immo verum prophetando
malum finem vite fando
binis istis apostatis
|
Matins verse 8
|
Imprecor hunc finem sanctus
ait theodoricus
|
Matins respons 9
|
Se conspiciens devictum
occidit per ensis ictum
sanctum corpus preconstrictum
iulianus ad ultimum
|
Matins verse 9
|
Est martyr victor
male victus erat ibi tortor
|
| |
Lauds antiphon 1
|
Laudes demus iesu christo
nam celum pro sancto isto
paravit anciochia
|
Lauds antiphon 2
|
Iubilum dat omnis orbis
nam bis mundavit a morbis
quam plures in uzecia
|
Lauds antiphon 3
|
Deus in isto laudatur
et laus eius approbatur
per fideles in grecia
|
Lauds antiphon 4
|
Benedicta decantatur
huius laus et hymnizatur
devotis in francia
|
Lauds antiphon 5
|
Laudate deum celorum
et intrate laudis chorum
vos de lingua occitana
|
Lauds (gospel) special antiphon
|
Benedictus est israel
in hoc summo beseleel
qui prepes est ut azael
ad celestem ierusalem
&?Azael [alt: ?]
|
| |
2nd Vespers (gospel) special antiphon
|
Magnificemus hodie
collaudemus cottidie
unum trinum summum bonum
sancti theodorici donum
per quod sanctus est formatus
in celo canonizatus
uni trino supplicamus
ut cum hoc sancto vivamus
in huius doni gaudio
cum sanctorum tripudio
laus uni trino domino
|
full office name: