| |
| |
Vespers (gospel) special antiphon
|
Festivas laudes
devota mente canentes
inclita taurini
celebremus festa beati
obtineat meritis
qui gaudia celica nobis
|
| |
Matins I
|
Regi perpetuo
iubilemus corde benigno
cui reddit iubilum
taurinus rite supernum
|
Matins antiphon 1
|
Ut lumen fidei
christus committeret orbi
instituit veros
veraci iure ministros
|
Matins antiphon 2
|
De numero quorum taurinum
roma beatum
edidit ac clarum
preclari dogmatis ortum
|
Matins antiphon 3
|
Et que sanguineos
gaudebat habere colonos
tamquam spina rosam
mundo dedit ecce lucernam
|
Matins antiphon 4
|
Nam genitor pravus
tarquinus nomine dictus
christicolas gladiis
semper lacerabat iniquis
|
Matins antiphon 5
|
Sed genetrix purum
servans euticia votum
obsequiis domini parebat corde fideli
|
Matins antiphon 6
|
Utque foret prolem
christo paritura fidelem
iungebat precibus
confertos munere fructus
|
Matins respons 1
|
Ecce dies presens
taurini laude refulgens
invitat populos
pietatis amore venustos
ad specimen tanti
per signa micancia festi
|
Matins verse 1
|
Exultat christo aula poli
dans munia laudis
gaudet et in terris
populorum turba fidelis
|
Matins respons 2
|
Quam felix somnus celesti luce coruscans
virga dedit tactum
fecundo flore politum
sic mater tumuit
que tactus munera fudit
|
Matins verse 2
|
Virga est taurinus
divino fonte rigatus
lilia castus amor
quem flammat flaminis ardor
|
Matins respons 3
|
Tunc erat insignis
clemens in culmine sedis
dignus apostolica
signis radiantibus aula
sanctum sanctificis
puerum qui tinxit in undis
|
Matins verse 3
|
Doctrinis firmans
iustis et moribus aptans
instruxit verum
domini sub lege ministrum
|
Matins respons 4
|
Summe deus tibi laus semper sit summa potestas
taurinus per quem veri documenta capescens
sicut sol celo
sic splenduit ore venusto
|
Matins verse 4
|
Prudens pacificus
verbis vultuque serenus
egregius meritis
omni pietate salubris
|
Matins antiphon 7
|
Gallia pomposis
tunc sublimata triumphis
semper vana diis
solvebat vota caducis
|
Matins antiphon 8
|
In partes cuius
graditur dionysius almus
taurinus cum quo
fulgescens divite verbo
|
Matins antiphon 9
|
Quem cernens aptum
divini iuris ad usum
presulis officio
mox sublimavit honesto
|
Matins antiphon 10
|
Admonet hortatur
tandem sic talia fatur
ebroicos populos
tibi nunc committo regendos
|
Matins antiphon 11
|
Iam fortis miles gentes
domitare feroces
festinat verbis metuens non dicta tyranni
|
Matins antiphon 12
|
Signifer eximius
fidei fundamine cinctus
intrans ebroicas
verbi diffudit habenas
|
Matins respons 5
|
Ad vitam revocans miseram
de morte puellam
immites turbas verbis domat
atque reformat
ecclesiasque locans obscenas
destruit aras
|
Matins verse 5
|
Spiritibus vanis
christi virtute fugatis
innovat antiquas
novitatis honore tenebras
|
Matins respons 6
|
Dans responsa suis
demon custodibus inquit
taurinus diris
mea stringit colla catenis
nulla mihi virtus
superest non ulla potestas
|
Matins verse 6
|
Iam miseri cessate meis
insistere curis
captivus teneor quia vos patriamque relinquo
|
Matins respons 7
|
Licinius preses nimia
dum fluctuat ira
taurinum iubet inquiri
captumque teneri
quesitus capitur trahitur premitur+que flagellis
|
Matins verse 7
|
Sed mens fida deo
nullo turbata periclo
respuit hostilem
forti virtute furorem
|
Matins respons 8
|
Dum furibunda manus
pulchros extensa per artus
ictibus instaret taurinus talia supplex
orabat misere seni
iam christe roganti
|
Matins verse 8
|
Auditur vox digna sibi
satis apta saluti
ne metuas quia sum
dulci solamine tecum
|
Matins (gospel) special antiphon
|
Ulcio celestis mox est immissa tyranni
arentesque manus
vacuavit pristina virtus
|
Matins respons 9
|
Vincuntur pene
franguntur presidis ire
fit gemitus cari
passim pro funere nati
et pater ingentem
retinet sub corde dolorem
|
Matins verse 9
|
Anxia tunc mater pia pectora fletibus implet
taurinumque suis
poscit succurrere votis
|
Matins respons 10
|
Ad celum tendens oculos
pietate decoros
fudit clamorem
devoto corde fidelem
hic tua sit virtus
deus es qui perpete verus
|
Matins verse 10
|
Ut credat populus
surgat puer iste marinus
percipiatque fidem
divino fonte perennem
|
Matins respons 11
|
Inclita tunc veris
firmantur gaudia signis
exanimis vitam
lavacri plebs accipit undam
augeturque pius
credentum examine fructus
|
Matins verse 11
|
Denique paschasius
simili sub funere pressus
sensit adessse suam
taurini munere vitam
|
Matins respons 12
|
Postquam magnificus
domini taurinus amicus
missarum dignis
egit sollemnia votis
blanda pie vocis
donans solamina plebi
reddidit angelicis
animam cum pace catervis
|
Matins verse 12
|
Scandens ad patriam
felici mente supernam
percipiensque piam
digna mercede coronam
|
| |
Lauds antiphon 1
|
O felix tellus
que tam venerabile corpus
ad mundi specimen
tenuit populique salutem
|
Lauds antiphon 2
|
Ipsius ad sanctum
clarescunt rura sepulchrum
et capiunt firmam
languentum membra medelam
|
Lauds antiphon 3
|
Lumina prebentur cecis
audicio surdis
redditur et proprie
mutis perfeccio lingue
|
Lauds antiphon 4
|
Sit domini sanctum
nomen semper benedictum
cuius taurinum
virtus benedixit in evum
|
Lauds antiphon 5
|
Laudent celestes
christum sine fine phalanges
cum quibus exultat taurinus laude superna
|
Lauds (gospel) special antiphon
|
Gemma sacerdotum
norma taurine piorum
porrige subsidium
nobis poscentibus almum
obtentuque pio fac nos
super astra colonos
|
| |
2nd Vespers (gospel) special antiphon
|
O decus eximium
votis taurine precantum
auxiliare libens
scelerum discrimina pellens
sterne malignantes
armis celestibus hostes
et nobis pacem
precibus largire perennem
|
full office name: