full office name: SUNNIVA (n1)
edition: AH 13 #90
calendar:July 08
structure summary: Vespers: A5E
Matins: secular
Lauds: A5E
2nd Vespers: E
poetic forms: Vespers: v5.t
Matins: x.oov{tx,ot,t}v3{v,v,to}v3{io,v,v}
Lauds: ov4.t
2nd Vespers: .t [”]
type of saint: virgin martyr
geographical information:NSelia, Scandinavia
notes:virgin / feria 5
martyr
Persons: Sunnive Sunniva Haquinus
Places: Hibernia Norvegia Hibernis Bergensium Selinensium Selio

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Gaude felix hibernia
tue regine gloria
mundi regnum spernentis
qua patrona norvegia
freta cum turma socia
nutu dei viventis
Vespers antiphon 2
Ex hibernis proscriberis
dum pro fide catholica
tu cum tuis zelaris
fac nos fermenti veteris
extorres deo supplica
que tot auxiliaris
Vespers antiphon 3
Cum sis profecta peregre
fide mereris patriam
repromissam renatis
iunge nos deo integre
per vite sanctimoniam
monte martyrizatis
Vespers antiphon 4
In hac sancta familia
tu princeps virgo regia
bergensium patrona
que domans in ieiunio
carne mundo demonio
victis fulges corona
Vespers antiphon 5
Spirituales nupcie
christi martyrum hodie
in celis celebrantur
licet nobis sint annue
tibi iesu continue
duc nos ubi letantur
Vespers (gospel) special antiphon
Adest dies immensi gaudii
quo cum turma miri martyrii
reginarum decus et gloria
regum regis intrat palacia
 
Matins I
Ad selinensium
sacra sollemnia
plaudat fidelium
mater ecclesia
Matins antiphon 1
Secus decursus fluminum
plantat iustorum vineam
qui martyrum et virginum
aptat agoni lauream
Matins antiphon 2
Sors felix huius populi
migrantis monte selio
qui sprevit plausum seculi
plaudit in dei filio
Matins antiphon 3
Viperarum genimina
oderunt sanctos dei
quos dat virtus intermina
eterne requiei
Matins respons 1
Manum virgo mittit ad forcia
spernit opes spernit imperia
sedet tori spernit consorcia
cum turma socia
Matins verse 1
Pollens virtutibus
et pellens vicia
paternis urbibus
prefert exilia
Matins respons 2
Freta dei consilio
cum suis virgo regia
dum tristem locum selio
post transitum per maria
intrat pro patris solio
sub vita solitaria
Matins verse 2
Frigus estus sitis ieiunia
sanctos probant in paciencia
Matins respons 3
O sunnive mira constancia
quam non movet regnandi gloria
nec horrenda frangunt exilia
spaciosa nec terrent maria
Matins verse 3
Hanc immensa sequens familia
nulla flecti valet iniuria
Matins antiphon 4
Hi orthodoxi latria
scuto benignitatis
fulgent fidei gracia
spei et caritatis
Matins antiphon 5
Hi montibus sub insule
sunt sancti comminuti
sed supra montem specule
congaudent constituti
Matins antiphon 6
Cedunt in fine finibus
ut abraham paternis
pro mundanis affectibus
gratulantur eternis
Matins respons 4
Huius sacri palacii
patrona imploraris
ad preces gregis anxii
libens sollicitaris
ne manus hostis impii
nos turbet tuearis
Matins verse 4
Nec reos nos iudicii
consilii incendii
sis via salutaris
Matins respons 5
Olim vestita mollibus
sunniva cum familia
post hec ciliciata
in quam iactis lapidibus
ex inaudita furia
gens sevit insensata
Matins verse 5
Virgo degit sub repibus
in fame voluntaria
et carne macerata
Matins respons 6
Innocentes devote vivere
captant querunt desertum propere
quos infestant coloni temere
credunt lupos sub agni vellere
Matins verse 6
Salvat verbum incarnatum
hos agentes celibatum
Matins antiphon 7
Caput sub luce proditum
preter vires nature
prodit locum incognitum
sanctorum sepulture
Matins antiphon 8
His ex vivis palmitibus
dat fructus graciosos
vitis tollens fidelibus
excessus scelerosos
Matins antiphon 9
Te decet rex hymnidicis
laudibus adorari
qui sanctos de te reficis
calice salutari
Matins respons 7
Turbare turbam virginum
comes haquinus nititur
feralia libidinum
edicta amplectitur
membrum mortis vir sanguinum
frustratus spe confunditur
Matins verse 7
Dum hec preces ad dominum
fudit virgo protegitur
spe fide sponso virginum
sponsa cum suis iungitur
Matins respons 8
Ne fedet furor gencium
concentum innocencium
ad montem properatur
subit ultro martyrium
virgo sub mole moncium
cum suis victimatur
Matins verse 8
Post cursum presens stadium
celeste per obsequium
sunniva laureatur
Matins respons 9
Hi sancti tabernaculum
sunt dei cum hominibus
quod iesus consecravit
per quod nobis piaculum
deletur debitoribus
et hostis exulavit
Matins verse 9
O sublime spectaculum
quam libenter in talibus
rex iesus triumphavit
 
Lauds antiphon 1
Per murum matris gremio
cadens extinctus cernitur
parenti puer selio
per sanctos vivus redditur
Lauds antiphon 2
In sunnive basilica
pernoctans ceca nata
gaudens luce mirifica
virgo redit sanata
Lauds antiphon 3
Vir turris cono corruit
sancti salvant cadentem
muro turbo reposuit
fenestras facientem
Lauds antiphon 4
Matrona paralytica
ad hos sanctos accessit
domum ope dominica
incolumis recessit
Lauds antiphon 5
Charybdi navis leditur
sunniva imploratur
onusta manat mergitur
dum hec evacuatur
Lauds (gospel) special antiphon
Ponte cadens virgo colliditur
ut curetur a sanctis petitur
recidivat dum votum frangitur
voto sospes grato regreditur
 
2nd Vespers (gospel) special antiphon
Ex hibernis superna bonitas
sanctos misit per maris semitas
unde nobis fidei veritas
crescit cessat erroris cecitas