| |
| |
Vespers respons
|
Non onus est sed honor
summi vir honorus honoris
sic inhonorus homo
non honor est sed onus
hic et honoris onus
onerisque recepit honorem
|
Vespers verse
|
Nunc in honore manens
nescit
honoris onus
|
Vespers Q
|
Hunc gimmarus evocavit
de mundi ludibrio
evocatum educavit
diligenti studio
consecratum commendavit
sancta conversacio
hunc virtutum declaravit
frequens exhibicio
eius pater rex donavit
terram monasterio
quam sequendo peragravit
gravatus pro filio
frater eius dum regnavit
sulini consilio
regnum bene gubernavit
et eius auxilio
sede sulinus exulavit
de cuius exilio
gratulanter exultavit
aletensis regio
redonensem decoravit
eius deposicio
|
Vespers (gospel) special antiphon
|
Vocibus almisonis
et cordibus ad bona pronis
exultet redonis
urbs bona plena bonis
tanti letare
patris festum celebrare
nec dedignare
carmina mille dare
|
| |
Matins I
|
Christo concinite
christum laudare venite
qui dedit cremite
sulino gaudia vite
|
Matins antiphon 1
|
Sulinus regum claro
de sanguine clarus
moribus et vita
clarior ipse fuit
|
Matins antiphon 2
|
Colludens paribus
purus puer ut puerorum
venia colludit
desinit esse puer
|
Matins antiphon 3
|
Nam puer ille senis
mandata senemque secutus
deseruit pueros
et puerile forum
|
Matins respons 1
|
De patre rege satus regis
nutritus in aula
regales epulas
regius ille puer
pro christo nihili pendens
christumque secutus
deseruit patriam
deseruit+que patrem
|
Matins verse 1
|
De summo factus
humilis de divite pauper
|
Matins respons 2
|
Hunc periisse ratus
subito multis comitatus
rex pater iratus
cingitur ense latus
festinans properat
ut eum per devia querat
|
Matins verse 2
|
Qui non ut sperat
inveniendus erat
|
Matins respons 3
|
Rex per hoc consilium
quesito sic filio
tandem vidit filium
quem dei consilio
abbas sanctus clericum
fecerat de laico
amans quippe laicum
plus gaudet de clerico
|
Matins verse 3
|
Rex videns puerulum
gaudet de miraculo
et plus hoc miraculum
gaudet de puerulo
|
Matins antiphon 4
|
Rex pater abbati
dat terram pro prece nati
per quem sectatus
fuit abbatem galeatus
|
Matins antiphon 5
|
At puer insignis
psalmis psallebat et hymnis
ordine condignis
ut divinus docet ignis
|
Matins antiphon 6
|
Nature dotes
animi virtute maritans
preditus ingenio
corpore pulcher erat
?Maritans [alt: ?]
|
Matins respons 4
|
Patris post obitus
iacob est ad sceptra petitus
his insignitus
est patris honore potitus
|
Matins verse 4
|
Anglorum gentem
rexit sanctusque regentem
frater ad ingentem
formavit ad inclita mentem
|
Matins respons 5
|
Rex populum regem
populi sulinus habebat
et regi frater regem
regnare docebat
|
Matins verse 5
|
Sulinus populum clerum
regemque regebat
|
Matins respons 6
|
Regis uxor viduata
in sulinum inflammatur
et in eum inflammata
racione viduatur
patri prius copulata
fratri querit maritari
ut sic male maritata
male possit copulari
|
Matins verse 6
|
Quod dum sanctus execratur
dolet uxor refutata
et quo magis refutatur
magis ardet execrata
|
Matins antiphon 7
|
Angelus edocuit
fratres in honore marie
virginis ecclesiam
confabricare novam
|
Matins antiphon 8
|
Signavere locum rutilans
pendensque columna
aurea de celo
grandis et albus aper
|
Matins antiphon 9
|
Sic dominus domini
matrem docuit venerari
quam iubet in terris celi
dominam celebrari
|
Matins respons 7
|
Non expleto crimine
furit ferox femina
et de more femine
pronior ad crimina
fratres de cenobio
trahit ad martyrium
|
Matins verse 7
|
Ut fratrum martyrio
destruat cenobium
|
Matins respons 8
|
Fugit sanctus sane mentis
non amentem sed amentis
amicam nequicie
et exponit se tormentis
navem mari vitam ventis
cuncta dei gracie
|
Matins verse 8
|
Fratres linquens in lamentis
ratis vectus armamentis
fugit fines anglie
|
Matins respons 9
|
Sanctus samson baptizanti
chrisma vetat sed vetanti
dum clarescit tanto tanti
sancta sancto vita sancti
currit plorans et implorat
ut baptizet et dum plorat
sanctus cedit imploranti
|
Matins verse 9
|
O mens una sacerdotum
non cor discors sed devotum
idem velle idem votum
quod vult ille vult hic totum
|
| |
Lauds antiphon 1
|
Virum lauda dignum laude
et laudando virum plaude
redonensis civitas
digna virum cole cura
cuius tibi sepultura
honor est et dignitas
|
Lauds antiphon 2
|
Iubilemus domino
regi sine termino
ut sic in leticia
cum sulino vivere
possimus et psallere
in celesti gloria
|
Lauds antiphon 3
|
Sulinus egregie
vigilavit sobrius
ut vivendo sobrie
regnaret egregius
eius nostra merito
condonentur debita
sua quem pro debito
nunc coronant merita
|
Lauds antiphon 4
|
Benedixit dominus
confessorem sulinum
et confessor sulinus
benedixit dominum
hic donando graciam
spem promisit venie
hic invenit veniam
obsequendo gracie
|
Lauds antiphon 5
|
Laude frequenti
consona menti
lingua manus+que
carmina dignis
concrepet hymnis
quo valet usque
ad patris huius
debita cuius
festa coluntur
cedit honorem
si per amorem
leta canuntur
|
Lauds (gospel) special antiphon
|
Servos nos sequi dominum
sulinus abbas docuit
et terram cordis hominum
aratro verbi coluit
semen serens davidicum
messem fecit quam voluit
|
| |
2nd Vespers (gospel) special antiphon
|
O suline pater ave
exaudi nos nobis fave
educ nos de mundi nave
ad quietis litora
ubi salus sine salo
ubi malus sine malo
nec est palus nec in palo
religatur anchora
|
full office name: