| |
| |
Vespers antiphon 1
|
De patroni gloria
nostri gloriemur
et tanti vestigia
patris imitemur
ut in celi patria
leti colletemur
|
Vespers antiphon 2
|
Debellantem vicia
coronavit flore
coronavit gloria
deus et honore
|
Vespers antiphon 3
|
Hic in celi solio
gaudet sine fine
serenatus radio
stelle matutine
|
Vespers antiphon 4
|
Hic nostri miserias
miseratus orbis
fugat pestilencias
et medetur morbis
|
Vespers antiphon 5
|
O quam in celestibus
gloriosus fulget
qui tantis mortalibus
gracias indulget
|
Vespers (gospel) special antiphon
|
Ut levaret publicam
populi ruinam
non habentis aliquam
vite medicinam
suibertus magnificam
attulit doctrinam
|
| |
Matins I
|
Iubilet ecclesia
laudem salvatoris
qui suiberto premia
contulit laboris
|
Matins antiphon 1
|
Occupans britanniam
germen germanorum
perfudit germaniam
luce filiorum
|
Matins antiphon 2
|
Hec gens illam genuit
sed postremo natis
primitus emicuit
lumen veritatis
|
Matins antiphon 3
|
Derivati genere
fide primitivi
fontes suos gignere
desudarunt rivi
|
Matins respons 1
|
O quanta preminuit
sanctitas suiberti
per quem deus voluit
populos converti
|
Matins verse 1
|
O quanta viri gracia
qui tot convertit milia
|
Matins respons 2
|
Sed egbertus destitit
volens predicare
cuius votis obstitit
celum terra mare
|
Matins verse 2
|
Accepta divinitus
est visione veritus
|
Matins respons 3
|
Hic licet multiplici
gracia dotatus
per se nihil effici
meste contemplatus
|
Matins verse 3
|
Duodecimque socios
prudentes et industrios
|
Matins antiphon 4
|
Hoc intentu ceteros
duo precellebant
qui sese presbyteros
recte perhibebant
|
Matins antiphon 5
|
Willibrordus presbyter
in supernis totus
suibertus equaliter
simplex et devotus
|
Matins antiphon 6
|
Hi sunt si sermonibus
insistatur bede
pares in laboribus
pares in mercede
|
Matins respons 4
|
Willibrordus propere
romam est profectus
cui provenit prospere
duplex hinc profectus
|
Matins verse 4
|
Papalis benediccio
reliquiarum porcio
|
Matins respons 5
|
Veram mox exposuit
rudibus sophiam
quos reversus docuit
veritatis viam
|
Matins verse 5
|
Christi iugo supposuit
quos nullus regum domuit
|
Matins respons 6
|
A deserti pabulis
quibus mors influxit
sui christus presulis
animam reduxit
qui salvandis populis
quia cor indulsit
signis et miraculis
celitus effulsit
|
Matins verse 6
|
Huius turbam turbinum
fugiens deserti
et ad patrem luminum
gaudens se reverti
|
Matins antiphon 7
|
Suibertus pre omnibus
simplex et discretus
clarus erat moribus
et corde mansuetus
|
Matins antiphon 8
|
Concordantes invicem
quotquot affuerunt
ipsum in pontificem
fratres elegerunt
|
Matins antiphon 9
|
Non omittens quidpiam
iniunctorum sibi
perrexit in angliam
ordinandus ibi
|
Matins respons 7
|
Exul apud mercios
pontifex wilfridus
morum videns radios
sanctitatis sidus
|
Matins verse 7
|
Humilitatis hyssopum
sacravit in episcopum
|
Matins respons 8
|
Presulis insignia
digne consecutus
ad divinos omnia
procuravit nutus
|
Matins verse 8
|
Viam salutis devios
docens boructuarios
&?Boructuarios [alt: ?]
|
Matins respons 9
|
Sacris hic afflatibus
brumas dissipavit
congelatis cordibus
austrum inspiravit
|
Matins verse 9
|
Et a borealibus
boream fugavit
|
| |
Lauds antiphon 1
|
Tantis ubi demones
bonis inviderunt
hanc antiqui saxones
gentem devicerunt
|
Lauds antiphon 2
|
Fugiens a facie
pius impiorum
se et suos patrie
tradidit gallorum
|
Lauds antiphon 3
|
Uxor eo tempore
dedit huic pippini
locum quem in litore
nuncupant vicini
|
Lauds antiphon 4
|
Hec blitrudis nomine
vivens ordinate
clara fuit sanguine
clara sanctitate
|
Lauds antiphon 5
|
Hunc ut illa similem
sibi comprobavit
sancto locum habilem
sancta deputavit
|
Lauds (gospel) special antiphon
|
Ibi sacram posuit
cellulam suibertus
carnemque sic domuit
anime misertus
qui nec mortem timuit
de salute certus
ibi vite terminus
ibi vir fidelis
migravit quem protinus
illocavit celis
|
full office name: