| |
| |
Vespers antiphon 1
|
Dies adest celebris
ad lucem de tenebris
consurge polonia
preciosi martyris
glebam ferens corporis
letare cracovia
stanislai presulis
preclara miraculis
age natalicia
|
Vespers antiphon 2
|
Ortus de polonia
stanislaus studia
legit puerilia
studiosa mente
tandem christi vernula
sublimatus infula
fit virtutum formula
domino favente
|
Vespers antiphon 3
|
Grandescit fitque minimus
inter maiores maximus
dignitate sublimior
sanctitate prestancior
presul dei stanislaus
|
Vespers antiphon 4
|
Corpus domans ieiuniis
frangit panem pauperibus
ecclesie negociis
astat diurnis actibus
nocte vacans vigiliis
instat divinis laudibus
|
Vespers antiphon 5
|
Imitator redemptoris
querens drachmam decimam
more boni mercatoris
margaritam optimam
stanislaus vir amoris
corpus penis dans tortoris
lucrifacit animam
|
Vespers (gospel) special antiphon
|
O beate stanislae
presul plebis cracovie
cuius signa victorie
late patent polonie
nam dono christi gracie
pestes curantur varie
tua martyr egregie
festa colentes hodie
regi commenda glorie
|
| |
Matins I
|
Stanislai pro triumpho
christo demus gloriam
qui martyri de tyranno
contulit victoriam
|
Matins antiphon 1
|
Stanislaus vir beatus
legem dei meditatus
boleslao
scelerato restitit
et in via
peccatorum non stetit
|
Matins antiphon 2
|
Dum profanum boleslaum
stanislaus arguit
et mucrone spiritali
feriendum censuit
rex impius contra pium
cum suis infremuit
|
Matins antiphon 3
|
Stanislai dominus
caput exaltavit
vocem eius sanguinis
ultor exaudivit
peccatorum fremitum
et dentes contrivit
|
Matins respons 1
|
Celebret polonia
festiva sollemnia
veneretur inclita
passionis merita
sancti stanislai
|
Matins verse 1
|
Quem occidit impia
dei pro iusticia
manus boleslai
|
Matins respons 2
|
Affluens deliciis
largus beneficiis
belliger in hostibus
tyrannus militibus
hic fuit boleslaus
|
Matins verse 2
|
Cuius in temporibus
plebem dei legibus
regebat stanislaus
|
Matins respons 3
|
Assumptus ex hominibus
presul pollet virtutibus
sanctus stanislaus
rex pro suis sceleribus
et insontum cruoribus
sordet boleslaus
|
Matins verse 3
|
Quem pro suis actibus
castigat crudelibus
pater stanislaus
|
Matins antiphon 4
|
Sanctum suum dominus
iam mirificavit
cuius in certamine
mentem dilatavit
quia deo victimam
se sacrificavit
|
Matins antiphon 5
|
Deus virum sanguinum
penitus despexit
in via iusticie
stanislaum texit
dans palmam victorie
iusto benedixit
|
Matins antiphon 6
|
O domine nomen tuum
magnum et mirabile
leve iugum passionis
facit et amabile
pro quo sanctus martyrium
pertulit laudabile
|
Matins respons 4
|
Videns regem depravatum
gregem suum depredatum
iusque tori profanatum
spiritali sceleratum
presul ferit gladio
|
Matins verse 4
|
Patricide mox futuro
deum factis negaturo
negatar communio
|
Matins respons 5
|
Ad seva regis opera
nature stupent federa
lactat canem puerpera
canis pendens ad ubera
materna torquet viscera
|
Matins verse 5
|
Res inaudita seculis
dat lac humanum catulis
abiecta prole tenera
|
Matins respons 6
|
Are dei dum astaret
et divina celebraret
stanislaus pontifex
iugulandum lacerandum
boleslaus mittit manus
truculentus carnifex
|
Matins verse 6
|
Ter procedit ter recedit
ter invadit terque cadit
missus necis artifex
|
Matins antiphon 7
|
Confisus in domino
martyr stanislaus
hostem vicit moriens
vir victoriosus
et ad montem domini
migrat gloriosus
|
Matins antiphon 8
|
Intrat tabernaculum
dei habitaculum
martyr sine macula
per mortis articulum
carnis sumpsit vinculum
victurus in secula
quo lux lucet sedula
|
Matins antiphon 9
|
Deus tuo munere
iustum prevenisti
cordis desiderium
eius implevisti
cum corona glorie
et vitam tribuisti
|
Matins respons 7
|
Membra sparsim laniata
rose rubent sanguine
aquilisque deputata
celesti munimine
nocte die sunt servata
circumfuso lumine
|
Matins verse 7
|
Sepulture commendata
sana salva restaurata
dei medicamine
|
Matins respons 8
|
Sanctus iste pro te christe
rege spreto dato leto
vir insignis digne signis
fulget stanislaus
|
Matins verse 8
|
Martyr cesus
gaudet letus
stat invictus
rex devictus
gemit boleslaus
|
Matins respons 9
|
Pastor cadit
in gregis medio
sponsus dormit
in sponse gremio
mater plorans
gaudet in filio
quia vivit
victor sub gladio
|
Matins verse 9
|
Cleri plebisque concio
in patris natalicio
iubilet in tripudio
pro tanto beneficio
|
| |
Lauds antiphon 1
|
Stanislaus in agmine
martyrum vernans sanguine
munit scuto passionis
castra veri salomonis
coronatus martyrio
regnat in celi solio
|
Lauds antiphon 2
|
De concive celum gaude
de patrono terra plaude
stanislaus pari laude
sanctorum letatur
meritis equatur
|
Lauds antiphon 3
|
Novis signis dominus
sanctum decoravit
dum custodes aquilas
sibi deputavit
et in nocte corporis
partes illustravit
|
Lauds antiphon 4
|
Ad festa patris incliti
populi concurrunt
per cuius clara merita
mortui resurgunt
ceci claudi morbidi
egri sani surgunt
et ad christi gloriam
laudibus assurgunt
|
Lauds antiphon 5
|
Veri solis radius
medicus celestis
meritorum martyris
auctor est et testis
in splendore corporis
castitatem signans
quod integrum reddidit
amorem designans
|
Lauds (gospel) special antiphon
|
Martyr dei stanislaus
gloriosus pontifex
quem occidit boleslaus
truculentus carnifex
pastor bonus et patronus
adsit nobis opifex
sit virtutum artifex
|
| |
2nd Vespers (gospel) special antiphon
|
Vir inclite stanislae
vita signis passione
plebem tuam pastor bone
fove benediccione
guberna proteccione
salva sancta intercessione
|
full office name: