| |
| |
A verse LR
|
O gloriosa femina
dans tria sancta germina
ut vera mundi lumina
que sunt fides spes caritas
|
A verse LV
|
Presta cunctis iuvamina
ut fugiant discrimina
intrent sanctorum agmina
quibus summa felicitas
|
A verse CA
|
Sollemni gaude gaudio
ambrosiana regio
que supernorum civium
felix auges collegium
ex tuis sanctis civibus
sophia et virginibus
|
A verse IR
|
Sophie natas honoremus
omnes cum omni gaudio
insignem matrem collaudemus
insigni cum preconio
ipsarum festum celebremus
sollemni cum tripudio
|
A verse IV
|
Sunt tue nimis honorande
amice deus ac laudande
quarum valde confortatus
extat per te principatus
|
A verse IA1
|
Quos gencium stulticia
orat cum reverencia
omnes deos demonia
testantur cum constancia
|
A verse IA2
|
Quinque leprosos dominus
sophie sanat precibus
quinque cecos illuminat
suis oracionibus
|
A (gospel) verse _E
|
Clemens sophia liberat
de sua familia
a servitutis onere
circa decem milia
|
A verse B$
|
O fidei stabilitas
o mira spei firmitas
o fortis ut mors caritas
quas non movent blandimenta
non promissa non tormenta
vana colant ut figmenta
|
| |
A M _R1
|
Felix sophia triplici
sancto fecunda germine
cum quo caduca respuens
celesti gaudes culmine
ex tuo ventre prodeunt
alme fides spes caritas
predicatrices martyres
decorat quas virginitas
|
A M _V1
|
Decor carmeli et saron
et libani nunc gloria
venustant tuas filias
in regis regum curia
|
A M _A1
|
Docet sophia filias
eternum sponsum sumere
spretis carnis deliciis
mundanaque contemnere
|
A M _R2
|
Rerum suarum omnium
pia sophia precium
turbe donat egencium
iuxta christi consilium
|
A M _V2
|
Felix que super pauperes
toto corde intelligit
duri quos claudunt carceres
ad redimendum colligit
|
A M _A2
|
Servant matris consilium
sancte prudentes virgines
carnis mundi contagium
spernunt mortis voragines
|
A M _R3
|
Concomitantur angeli
sophiam cum virginibus
que mediolanensium
paternis spretis finibus
ad urbem petri properant
quibus nil in itinere
molestum umquam accidit
sed cuncta cedunt prospere
|
A M _V3
|
In viis suis omnibus
has angeli custodiunt
quorum fulte presidio
adversa nulla senciunt
|
A M _A3
|
Ut fulget sol cum oritur
fulgebant sancte virgines
humanis in aspectibus
quas dum cernebant homines
earum splendor oculos
fuscabat ut caligines
|
| |
A Q $A1
|
In domo cuius predicant
servate sub custodia
christo iungunt palladium
ac de sua familia
sancta mater et filie
circiter octo milia
|
A Q $A2
|
Velut acutus gladius
sophie transit animam
trium natarum passio
quam sustinet acerrimam
|
A Q $R
|
Sororum trium quamlibet
triplex ornat aureola
cum quibus mater inclita
letare nunc celicola
|
A Q $V
|
Dura vincunt martyria
dei docent eloquia
agni servant vestigia
cum virginum mundicia
|
A Q $A3
|
In ardenti craticula
fides pro fide ponitur
qua quiescens ut in rore
non ignis flammis uritur
perfusum sancte virginis
plumbo caput non leditur
|
A Q $A4
|
Beata spe que figitur
illesa spes egreditur
vas resine bullientis
atque sulfuris ferventis
|
A Q $A5
|
In cupa clausa caritas
horrendis cum serpentibus
nullam iacturam patitur
sanctis adiuta precibus
|
A Q KA
|
In decenti sepultura
mater condit pia cura
tres triumphales hostias
oblatas christo filias
|
| |
A L HR
|
O quam stupenda fidei
sancte diraque passio
cuius mamille tenere
horrenda fit precisio
o quam grande miraculum
ut unda lac egreditur
de loco sui pectoris
de quo ipsa preciditur
|
A L HV
|
Sanctam christus mirificat
miraculorum gracia
mammam sibi redintegrans
mirabili potencia
|
A L LR1
|
Hec est vera germanitas
quam non mundana vanitas
non carnis viciositas
non penarum crudelitas
sed christi traxit caritas
|
A L LV1
|
Ecce quam bonum
et quam iucundum
sorores in unum habitare
o quantum donum
his est datum mundum
spernere in celis et regnare
|
A L LR2
|
Ad ipsarum sepulturam
apparent matri filie
imploranti et dicenti
iuncta sim vobis hodie
ad quam vox grata loquitur
de alta sede glorie
|
A L LV2
|
Sophia benedictarum
veni mater filiarum
sume consors beatarum
quod oculis non cernitur
non auribus percipitur
non corde comprehenditur
|
A (gospel) L _E
|
Optans ex fide vivere
fides pro fide ponere
vitam maluit perdere
simulacra quam colere
|
| |
A H _A1
|
Crucem christi venerari
et in ipsa gloriari
studeamus et letari
qua sunt sophie filie
confixe regi glorie
celi consortes patrie
|
A H _A2
|
In sophie festo pie
gloriose decantemus
festivas laudes domino
quem laudantes honoremus
|
A H _A3
|
Spes in spe que non confundit
spem certam ponit glorie
cuius corde se diffundit
amor divine gracie
|
A H _A4
|
Divinis instant laudibus
sancte mater et filie
orantes pro fidelibus
summe regem clemencie
|
| |
A $_A1
|
Exultemus cum sophia
de corona triumphali
qua coronantur filie
choro iuncti virginali
|
A $_A6
|
Quam felix tu samina
que colligis hospicio
sophiam cum virginibus
tanto dignas collegio
quas tibi commendaverat
christi vera dileccio
|
A $_A9
|
Sancte vincunt adrianum
mundi carnis quoque vanum
regnum vile ac insanum
|
A $_A12
|
Ad mandatum caritatis
in templo gentilitatis
collisione mutua
fit pulvis omnis statua
|
full office name: