full office name: SIXTUS II, Pope (n1)
edition: AH 28 #70
calendar:August 16
structure summary: Vespers: A5E
Matins: secular
Lauds: A5E
2nd Vespers: E
poetic forms: Vespers: ggvff.i
Matins: v.ovf{v,vl,sl}v3{sT,vo,vs}vgs{fl,sg,gv}
Lauds: vgvgv.v
2nd Vespers: .v [”q]
type of saint: pope martyr
notes:pope
martyr
Persons: Sixtum Sixtus Laurencius Sixte Sixti Decii Martis Sixto

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
In sanctis mirabilem
pueri laudate
deum ut det stabilem
vitam postulate
Vespers antiphon 2
Martyrum victoriam
laudent omnes gentes
ad illorum gloriam
christe duc canentes
Vespers antiphon 3
Voce voto sanctum sixtum
cum suis sodalibus
corde toto lauda christum
ut iungaris talibus
Vespers antiphon 4
Lauda deum qui sanavit
ex corde contritos
dum hos sanctos liberavit
carne prepeditos
Vespers antiphon 5
Eia lauda et exulta
o aula celestis
en sanctorum merces multa
rex tuus est testis
Vespers (gospel) special antiphon
Vox matris ecclesie
solito sit suavior
dies plena gracie
adest luce clarior
in qua presul inclitus
et martyr insignis
coronatur celitus
iunctus deo dignis
ergo o beate beatorum
esto memor memorum tuorum
 
Matins I
Vitem veram vitam meram
dantem suis testibus
adoremus et laudemus
conformes celestibus
Matins antiphon 1
Rosa de spinis nascitur
dum sixtus ex gentilibus
christicola efficitur
miris fragrans virtutibus
Matins antiphon 2
Urbis rome papa factus
ut sidus resplenduit
in adversis numquam fractus
vir totus apparuit
Matins antiphon 3
Rosa rubens rubricatur
roseo cruore
dum vir sanctus decollatur
pro christi amore
Matins respons 1
Sanctus iste pie christe
fide fortis nihil mortis
horruit supplicium
stat pro lege et pro grege
tamquam murus sic securus
per te vincens omnia
Matins verse 1
Exultat de suppliciis
sicut de deliciis
Matins respons 2
Ignis urens cesar furens
virum iustum spe robustum
potenter aggreditur
modo ridet modo stridet
spondet opes et honores
sed nequaquam flectitur
Matins verse 2
Torret per innumera
tormentorum genera
Matins respons 3
Dulce granum moritur
per manus carnificum
sed statim renascitur
ingens et magnificum
dat odorem et saporem
in terris mirificum
Matins verse 3
Scandit sixtus impermixtus
ad regnum deificum
Matins antiphon 4
Cum binis diaconibus
sixtus iugulatur
post quos martyr eximius
laurencius assatur
Matins antiphon 5
Rubicundi qui sunt isti
et unde venerunt
hi sunt qui pro lege christi
sanguinem fuderunt
Matins antiphon 6
Vere christe sanguis iste
tuorum fidelium
digne dignis fulget signis
in cetu fidelium
Matins respons 4
Planxit grex ecclesie
pastorem lupis datum
sed ovans laudat hodie
in celis sublimatum
per christum coronatum
Matins verse 4
O vere ter sanctum
quaterque beatum
Matins respons 5
Datur porcis margarita
cum morte multatur ita
paganorum manibus
vir beatus deo gratus
laniatur trucidatur
impuris a canibus
Matins verse 5
Heu caput orbis inclitum
efficitur spectaculum
Matins respons 6
Sancte sixte martyr christi
vas virtutum tu fuisti
vas lucis et gracie
vas quod deus fabricavit
et in celis collocavit
vas immense glorie
Matins verse 6
Tu per vite poculum
debriasti seculum
o decus ecclesie
Matins antiphon 7
O quam mira quam preclara
sancti sixti premia
sic sunt dira et amara
decii supplicia
Matins antiphon 8
Pausat miles strenuus
in regno sempiterno
stridet cesar impius
ardens in inferno
Matins antiphon 9
Iusta indignacio
quod tortor cruciatur
sic felix mutacio
quod tortus consolatur
Matins respons 7
Martis edem immo sedem
satane destruxit
in quo vide quod in fide
velut sidus luxit
Matins verse 7
Virtutum flores et colores
de fonte vite suxit
Matins respons 8
Ante dei filium
florebit sicut lilium
iusticie amator
dans sue familie
mensuram in tempore
ut prudens dispensator
Matins verse 8
Vere sixte tu es iste
qui cuncta tribuisti
pro amore christi
Matins respons 9
Grandi privilegio
sixtus decoratur
de quo celi regio
vernans illustratur
per te sixte laurencius
martyr preclarissimus
christo destinatur
Matins verse 9
O patrone sixte bone
funde preces pro devoto
tibi nunc collegio
 
Lauds antiphon 1
Vir beatus rursum natus
gaudet in domo dei
cernens totum quod dat motum
universe rei
Lauds antiphon 2
Introivit hodie
papa romanorum
et pugil ecclesie
in sancta sanctorum
Lauds antiphon 3
Quod sitivit hic in via
athleta mirabilis
querit manu morte pia
est ergo laudabilis
Lauds antiphon 4
O amator hominum
sixte dei care
prece placa dominum
bene nosti quare
Lauds antiphon 5
Laudate regem glorie
qui aufert auro scoriam
cum per palmam victorie
sixto confert gloriam
Lauds (gospel) special antiphon
Benedictus rex celorum
te commendat vox sanctorum
iubilando dulciter
tibi omnis creatura
servit servans sua iura
homo solus aliter
non sic currit chorus iste
sed te duce sancte sixte
christum querat iugiter
 
2nd Vespers (gospel) special antiphon
Miles fortis seve mortis
penam spernens vitam cernens
in superna patria
scandit mundus rubicundus
pugil iste tuus christe
ad sanctorum atria
o patrone sixte bone
fac nos ire et venire
ad eterna gaudia