| |
| |
A verse LR
|
Lux lucis et fons luminis
christe nos luce gracie
presenti lustra seculo
post mortem luce glorie
|
A verse LV
|
Viciorum tenebras
virtutum pelle radio
silvestri nos adiuva
confessoris suffragio
|
A verse CA
|
Silvester ad catholicam
fidem tauri miraculo
reginam ducis helenam
cum iudeis et populo
summe pastor
nos libera
de corporis ergastulo
nos liberatos colloca
celesti tabernaculo
|
A verse IR
|
Silvestri pape celebrent
festum fideles hodie
quem dominus ad patriam
duxit omnis leticie
|
A verse IV
|
In domo dei gloria
sempiterne divicie
sine merore gaudium
perennes sunt delicie
|
A verse IA1
|
Iustus silvester pontifex
laboravit finaliter
qui pro iustis operibus
nunc vivit eternaliter
|
A verse IA2
|
Est silvester iustissimus
in eterna memoria
non ab auditu metuit
malo qui gaudet gloria
|
A (gospel) verse _E
|
Christum fideles hodie
magnificent magnificum
qui silvestrum magnificat
dans sibi regnum celicum
|
A verse B$
|
Est silvester sublimatus
ad papalem dignitatem
nunc in celis coronatus
propter eius sanctitatem
|
| |
A M _R1
|
In silvestri matricula
describitur plebecula
gentis rome paupercula
querentis victus pabula
|
A M _V1
|
Qui vestem cibum pocula
presul dat habitacula compassione sedula
|
A M _A1
|
Os piscis tarquinius
cuius guttur intraverat
moritur qui carceri
silvestrum mancipaverat
|
A M _R2
|
Honorat tanto quoslibet
silvester eminentibus
quanto cognoscit vivere
cunctos antistes sanccius
|
A M _V2
|
Magis ad eleganciam
morum quam ad potenciam
persone pastor respicit
qui vana mundi despicit
|
A M _A2
|
Silvestri vita presulis
cumulabantur merita
sanctitatis operibus
indesinenter dedita
|
A M _R3
|
Constantinus ab omnibus
mundatus lepre sordibus
in aquis baptismalibus
per silvestrum regalibus
papatum multiplicibus
honoravit honoribus
|
A M _V3
|
Constantinus ecclesie
romanum dat imperium
sanitatis considerans
collate benedicium
|
A M _A3
|
Decedente melchiade
summus presul eligitur
silvester iuste filius
ut eius gestis legitur
|
| |
A Q $A1
|
Sanctus silvester pontifex
per pietatis opera
fuit in domo domini
ut oliva fructifera
qui locum tenens glorie
letatur super sidera
|
A Q $R
|
Sicut fecunda redditur
silva multis arboribus
fecundatur ecclesia
per silvestrum fidelibus
|
A Q $V
|
Quos hic ad fidem provocat
miraculis patentibus
verbo doctrine populum
convertens et operibus
|
A Q $A2
|
Nos silvester tua prece
peccatorum purga fece
ne nos necent turpi nece
|
A Q KA
|
Papa silvester separat
aures a detractoribus
ipsas ab eis subtrahens
sanctus vir a serpentibus
|
| |
A L HR
|
Exaltat apostolicam
clemens deus ecclesiam
per sanctum summum presulem
personam sanans regiam
constantinum baptismatis
percipientem graciam
|
A L HV
|
A lepre mundat pontifex
imperatorem sordibus
per quem fides diffunditur
in orbis terre finibus
|
A L LR1
|
Sanctus silvester duplicans
talenta pastor ovium
servus in sui domini
fidelis intrat gaudium
|
A L LV1
|
Non in terra fodiens
abscondit pecuniam
sed ipsam multiplicat
prudens per industriam
|
A L LR2
|
Silvestro sancto presuli
sanctus petrus apparuit
ut ad draconem pergeret
ut hunc orantem monuit
|
A L LV2
|
Filo ligat perpetuo
draconis os pestiferi
signo sigillans annuli
silvester hoc cruciferi
|
A (gospel) L _E
|
Benedictus ab omnibus
deus silvestri precibus
nos benediccionibus
benedicat celestibus
|
| |
A H _A1
|
In mundum deus veniens
passus crucis patibulum
per mortem suam liberat
amore suum populum
cunctorum gloriacio
sit christi crucis passio
cuius sequens vestigia
silvester est in gloria
|
A H _A2
|
Fideles deo populi
cantent laudes magnificas
qui mansiones tribuit
sancto silvestro celicas
|
A H _A3
|
Benedicite domino
celi terra maria
qui silvestro pontifici
regna dat celestia
|
A H _A4
|
In silvestri pontificis
festo laudet in tympano
deum fidelis populus
in chordis atque organo
|
A H B$
|
In predicando graciam
tantam deus contulerat
silvestro quod hunc quilibet
gratum sibi dilexerat
|
| |
A $_A1
|
Silvester hospitalibus
intendebat operibus
vagabundos hospicio
recipiens cum studio
|
A $_A2
|
Sunt aperte celi porte
nunc silvestro sumpta sorte
supernorum cum cohorte
quibus vita sine morte
|
A $_A3
|
Presul mire sanctitatis
cum talentis duplicatis
est silvester cum beatis
|
A $_A4
|
Concelebret ecclesia
confessoris sollemnia
silvestri cum leticia
qui fide verbo claruit
sanctitate resplenduit
miraculis emicuit
|
A $_A5
|
Serve prudens et fidelis
subvenire nobis velis
te cunctis reverentibus
silvester tuis precibus
|
| |
A K _A
|
A matre cum nomine
iusta silvester genitus
miris fuit virtutibus
et sanctitate preditus
|
full office name: