full office name: SIGISMUNDUS (n2)
edition: AH 28 #69
calendar:May 01
structure summary: Vespers: AE
Matins: secular
Lauds: A5E
2nd Vespers: E
poetic forms: Vespers: v.v
Matins: v.iov{il3}vti{il,vl,vl}g3{iv,lg,v}
Lauds: oovii.i
2nd Vespers: .i [”q]
translation:1354
1366
type of saint: king martyr
geographical information:P, Czechia and Slovakia
notes:martyr
king
Persons: Sigismundus Sigismunde Sigismundo Gundebaudo Sigismundum Gundemari

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Adest dies letabundus
in quo martyr sigismundus
ad superna sic ascendit
et eternum comprehendit
paradisi meritum
Vespers (gospel) special antiphon
Ave martyr sigismunde
preces iam pro nobis funde
coram summo principe
ave salus infirmorum
medicina peccatorum
fletus nostros percipe
tu cum sanctis qui letaris
et in christo coronaris
vota nostra suscipe
ne labamur cum damnatis
sed quod simus cum beatis
meritis in requie
 
Matins I
Sit laus deo de profundo
qui beato sigismundo
thronum dedit glorie
Matins antiphon 1
Hic vir beatus
qui in lege
domini stabat fixus
deum deprecabatur
die ac nocte
Matins antiphon 2
Servivit in timore domino
et exultavit in illo
apprehendens disciplinam
per quem vite cepit viam
Matins antiphon 3
Voce clara sic clamavit
et ad celum festinavit
ad coronam glorie
post transitum victorie
Matins respons 1
Beatissimus
athleta dei sigismundus
qui progenitus
a rege gundebaudo
quamvis sacrilega christo
tamen monente puerum
sigismundum
fonte sacro
baptizari fecit
Matins verse 1
Fratre sibi iuncto
gundemari nomine functo
&!Gundemari [alt: ?]
Matins respons 2
Qui puer
ab etate puerili
deum timens erat gravis
qui licet non transierit
puerilia iura
tamen divino studio
eminus se applicuit
immorari
Matins verse 2
Sic bona consuevit
et crimina cuncta delevit
Matins respons 3
Hic transcenso curriculo
adiunctus fuit dei filio
alta celi desiderans
non terrenum regnum querens
sed ad celestia
mente erat cupiens
Matins verse 3
Quem deus illuxit
et lucis ad ethera duxit
Matins antiphon 4
Mirificavit dominus
sanctum suum sigismundum
et ipsum exaudivit
de ergastulo fontis aquarum
Matins antiphon 5
Aure percepit verba domini
dum in tribulacione stetit
ipsum in tenebris liberavit
et super celos collocavit
Matins antiphon 6
Admirabile est
nomen tuum domine
qui coronasti hodie
sigismundum regem
post exitum victorie
Matins respons 4
Sigismundus ad etatem
virilem provectus
ieiuniis et oracionibus
deo studuit immolari
idolorum templi vana
spernens cum doctrina sana
meruit coronari
Matins verse 4
Quem sic allexit
deus hunc ad ethera vexit
Matins respons 5
Iam defuncto genitore
licet a gente incredula
sigismundus cum decore
ad regni tunc atria
est susceptus et adeptus
in celorum patria
Matins verse 5
Mente quidem sana
sic respuit idola vana
Matins respons 6
Tandem regno sic suscepto
gubernavit omnia
respuendo simulacra
queque tersit culmina
ampliando divina vota
summa cum fiducia
Matins verse 6
Martyr hic athleta
sic venit ad ethera leta
Matins antiphon 7
Confisus in domino
martyr sigismundus
elegit sibi solium
ibi letabundus
sed nec intrat ostium
ibi fallax mundus
Matins antiphon 8
Intrat tabernacula
rex vite confidens
martyr vana secula
propter te relinquens
fac ut tecum gaudeat
consolator ingens
Matins antiphon 9
Coronasti hodie
regem sigismundum
qui nunc per martyrium
vere vicit mundum
et cum sanctis omnibus
hunc facis iucundum
Matins respons 7
Sensit verba rex malorum
ut eum occiderent
regnum eius invaserunt
ut protinus hunc quererent
hic decenter martyr christi
una cum coniuge
adiunctis binis natis
nitentes simul perdere
Matins verse 7
Ad tribunal festinantes
dictarunt sentenciam
ducunt regem atque natos
ad suam presenciam
Matins respons 8
Tandem manus noxias
in sanctos iniecerunt
christo commendant animas
hos tunc sustulerunt
in cisternam veterem
ipsos proiecerunt
sic cum sanctis aliis
coronam sumpserunt
Matins verse 8
Ubi tam miracula
plurima sunt facta
et ab ipsis idola
longe sunt coacta
Matins respons 9
O athleta martyr dei
vera virtus nostre spei
ne nos livor proromphei
voret ad interitum
tu solamen orphanorum
medicamen infirmorum
fer his refrigerium
qui te laudant atque colunt
tua festa quoque norunt
post carnis exicium
Matins verse 9
Qui iam regnas cum patrono
sociaris celi throno
in celesti solio
 
Lauds antiphon 1
Indutus est a domino
stola sigismundus regni
post huius mundi exitum
celi suscepit meritum
Lauds antiphon 2
Deo celi iubilate
precibus nunc exorate
qui beatum sigismundum
sibi fecit celibundum
Lauds antiphon 3
Ad te deus vigilavit
nomen tuum exaltavit
inter mundi ludibria
vite dans salubria
Lauds antiphon 4
Benedictus sis in throno
deus unigenite
qui beatum sigismundum
adiuvisti valide
ut tecum regnet sine fine
sede perennis glorie
Lauds antiphon 5
Omnis lingua deum laudet
in suis martyribus
qui beatum sigismundum
suscepit de terrestribus
et cum sanctis collocavit
in polorum sedibus
Lauds (gospel) special antiphon
Benedictus es domine
in tua magnitudine
qui beatum sigismundum
tormenta fecisti vincere
ut congaudens esset tecum
in eterna requie
 
2nd Vespers (gospel) special antiphon
O rex gloriose
et martyr sigismunde
nostras preces supplices
coram deo funde
ut nostra regat tempora
iam in mortis hora
et tecum simus celibes
cum sanctis sine mora