| |
| |
Vespers antiphon
|
Sanctus sigfridus anglie
ortus ut sidus suecie
preclarum radiavit
et tenebras perfidie
gentis illius patrie
primus illuminavit
|
Vespers respons
|
Ad salvatoris omnium
ovile gregis gencium
pastor bonus adducere
affectans evangelium
dulcem pastum fidelium
studebat illis spargere
|
Vespers verse
|
Propter tam sanctum studium
vite perennis premium
iam meruit percipere
|
Vespers (gospel) special antiphon
|
Adest dies gloriosa
digna laude speciosa
pro sigfridi gaudiosa
presulis memoria
qua pro vita virtuosa
et doctrina radiosa
reportavit copiosa
in supernis premia
per cuius patrocinia
nobis dei clemencia
prestet eterna gaudia
|
| |
Matins I
|
Adoremus confessorum
regem cum leticia
qui sigfridum beatorum
coronat in gloria
|
Matins antiphon 1
|
Rex olavus laude dignus
prudens potens et benignus
sed gentilis primitus
ut sueorum regum quidem
primus credat christi fidem
inspiratur celitus
|
Matins antiphon 2
|
Anglie rex preerat
mildredus illo tempore
cui rex se coniunxerat
olavus firmo federe
|
Matins antiphon 3
|
Hi reges se assiduis
intermiscebant nunciis
et quam frequenter mutuis
honorabant exeniis
|
Matins respons 1
|
Rex olavus
per regem anglicum
mitti petit
virum veridicum
per quem possit
mox ad catholicum
ritum cultum
quoque dominicum
cum suis erudiri
|
Matins verse 1
|
O celorum
regem mirificum
qui gentili
velle tam celicum
dignatus est largiri
|
Matins respons 2
|
Rex mildredus aggregatis
anglicanis tunc prelatis
querit quis ad suecie
regem preco veritatis
esse velit de prefatis
patribus ecclesie
|
Matins verse 2
|
Qui ad fidem trinitatis
ducat gentes in peccatis
datas idolatrie
|
Matins respons 3
|
Dum gentilis feritas
et laborum gravitas
ceteros deterruit
deest mori tarditas
se sigfridi sanctitas
ad hoc sponte prebuit
|
Matins verse 3
|
Ingens eius caritas
atque magnanimitas
inde clare patuit
|
Matins antiphon 4
|
Proponens in sueciam
pergere repente
pervenit in daciam
deo disponente
|
Matins antiphon 5
|
Recepit honorifice
rex sueno virum dei
prebens illi magnifice
quod opus erat ei
|
Matins antiphon 6
|
Pollens preclaris moribus
vitam plenam virtutibus
ibidem degens duxit
et regem cum principibus
plebemque salutaribus
documentis instruxit
|
Matins respons 4
|
De dacia progrediens
verendiam ingressus
primum vexio perveniens
se dedit pause fessus
|
Matins verse 4
|
Conversionem patrie
et formulam ecclesie
conspexit somno pressus
|
Matins respons 5
|
Fidem iesu nazareni
viro dei se bis seni
primi verendensium
pollicentur susceptores
atque secum creditores
reliquos gentilium
|
Matins verse 5
|
Hos instructos baptizavit
et renatos aggregavit
cetui fidelium
|
Matins respons 6
|
Suis quos vexio duxerat
nepotibus quam fecerat
ecclesiam commendat
et ad olavum properat
regem ut quam cupierat
illi fidem ostendat
|
Matins verse 6
|
Et post sacra documenta
sacer christi sacramenta
regi presul impendat
|
Matins antiphon 7
|
Rege presul in partibus
westgocie invento
hunc aggregat fidelibus
baptismi sacramento
|
Matins antiphon 8
|
Plures exemplum regium
salubriter sectati
spreto ritu gentilium
in christo sunt renati
|
Matins antiphon 9
|
Vir sanctus quos recencius
divinis sacramentis
imbuerat uberius
rigabat documentis
|
Matins respons 7
|
Almi patris et insignis
trucidantur a malignis
nepotes interea
quos illustrat christus signis
et coronis ornat dignis
in aula siderea
|
Matins verse 7
|
Sic tormentis pro indignis
dantur iustis et benignis
premia etherea
|
Matins respons 8
|
Interemptis crudeliter
cultoribus iusticie
gemens vexio velociter
redit minister gracie
quo vacillabat graviter
nove status ecclesie
|
Matins verse 8
|
Nam recrevit celeriter
vetus error perfidie
|
Matins respons 9
|
O stupendum spectaculum
o preclarum miraculum
grandi saxo vasculum
natans ad dei famulum
vexit nepotum capita
diu sub undis abdita
|
Matins verse 9
|
Et tria luminaria
divinitus micancia
monstrant sanctorum merita
|
| |
Lauds antiphon 1
|
Rex olavus viros rectos
ut percepit interfectos
graviter ingemuit
et presuli condoluit
|
Lauds antiphon 2
|
Ut emendam per immensam
mitigaret rex offensam
pontificis verendiam
pergit zelans iusticiam
|
Lauds antiphon 3
|
Grandem presul pecunie
pro emenda dum respuit
summam multa ecclesie
rex predia mox contulit
|
Lauds antiphon 4
|
Hinc vexio supersticio
perfidie profana
defecit et religio
profecit christiana
|
Lauds antiphon 5
|
Illic vivens in virtute
sigfridus his patratis
bona tandem senectute
coniunctus est beatis
|
Lauds (gospel) special antiphon
|
Sancte presul extirpator
infidelitatis
et fidelis seminator
verbi veritatis
esto nobis mediator
ut nos a peccatis
purgans collocet salvator
regno claritatis
|
| |
2nd Vespers (gospel) special antiphon
|
Pie pater et patrone
tua intervencione
nos a malis liberari
et procures colletari
sine terminacione
tecum celi mansione
|
full office name: