full office name: SEVERUS of Ravenna (n3)
edition: AH 5 #78
calendar:October 22
structure summary: Vespers: A5E
Matins: secular
Lauds: A5E
2nd Vespers: A5E
poetic forms: Vespers: svivv.v
Matins: l.vvo{fg,v,v}vlv{lv,so,fs}esv{gv,v,il}
Lauds: oegvl.i
2nd Vespers: soevv.l [”q]
type of saint: bishop confessor
geographical information:Ravenna, Italy
notes:bishop
confessor
Persons: Severum Severe Vincencia Severus Severi
Places: Ravenne

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Salvatoris graciam
veterum devocio
collaudet et gloriam
puerorum concio
Vespers antiphon 2
Omnes gentes deum laudent
qui de tanti sancti gaudent
miro patrocinio
Vespers antiphon 3
Anime fidelium
dei laudent filium
qui per suam graciam
severum ad perpetuam
vocavit gloriam
Vespers antiphon 4
Qui contritos corde sanas
sanctum exercentem lanas
decoras pontificio
unde tibi domino
decora sit laudacio
Vespers antiphon 5
Sion deum suum laudet
quia presul sanctus gaudet
in celesti patria
Vespers (gospel) special antiphon
Magnificat fidelium
conventus dei filium
qui prepotenti gracia
perficit magnalia
pauperem dum sublimavit
sublimatum decoravit
virtute iusticie
tua prece nos tuere
reddens christi gracie
presul sacer o severe
 
Matins I
Auctorem vite
christum laudare venite
pontificem verum
qui vexit ad astra severum
Matins antiphon 1
Beatus vir in domini
dum lege meditatur
ut lignum fructiferum
a deo transplantatur
Matins antiphon 2
Beatus vir dum studuit
servire deo meruit
in celo coronari
Matins antiphon 3
A columba dum signatur
per ministros tribulatur
innocens et adiuvatur
dum salutem deprecatur
Matins respons 1
Dum ravenne sedes vacat
mortuo pastore
ordo cleri deum placat
pio pro rectore
Matins verse 1
Beatus in indicio
domini consorcio
cleri deputatur
Matins respons 2
O mira dei gracia
dum stat in ecclesia
vir laicus ut oret
columba visa tercio
pauperem in ostio
vult clerus ut honoret
Matins verse 2
Ut ioseph hic immutatur
annuloque decoratur
presularis glorie
Matins respons 3
Dum beati fama crescit
uxoris devocio
non credit sed obstupescit
viri sacerdocio
Matins verse 3
Currit ut scrutetur verum
presulem videns severum
benedicit domino
Matins antiphon 4
Non mutatur tribulatus
dominum invocavit
quem honore presulatus
deus mirificavit
Matins antiphon 5
Introit in domum dei
orat in timore
credentes curat servos
protectus salvatore
Matins antiphon 6
Domine mirabilis
per te levatur humilis
et angelis fit similis
honore sublimatus
Matins respons 4
Indicio non creditur
primo vel secundo
dum vir sanctus ceditur
fert animo iucundo
Matins verse 4
Severus stans in ostio
columbe fit indicio
de paupere prelatus
Matins respons 5
Uxor cedens seculo
famulatur sedulo
domino cum filia
mundum vincunt et relinquunt
carnis desideria
Matins verse 5
Quod impossibile est homini
fit voluntate domini
Matins respons 6
Cordi vocem concordemus
laudes deo decantemus
ex ignaro qui scientem
et te stulto sapientem
pie commutavit
Matins verse 6
Vere est laudabilis
qui in sanctis
suis est mirabilis
Matins antiphon 7
Habitans severus
in dei tabernaculis
multis pastor verus
preclaret miraculis
Matins antiphon 8
Virtutes dum coluit
pontifex beatus
coronari meruit
in christo confortatus
Matins antiphon 9
Hic a deo benedictus
christi miles ut invictus
transfertur ad gloriam
Matins respons 7
Transmigrans a seculo
vincencia sepelitur
post hec sorte simili
filia potitur
Matins verse 7
Ex mandatis sancti patris
comprimuntur ossa matris
et dant locum filie
Matins respons 8
Celebrata missa rite
consummato cursu vite
sacrosanctum dum complevit
presul donum gracie
inter ossa requievit
uxoris et filie
Matins verse 8
Corpus cuius hic putrescit
spiritus in spe quiescit
cunctorum fidelium
Matins respons 9
O dei clemencia
intuere vota pia
et dignare nos tueri
precibus pii severi
per patronum quod adiutis
vere dona des salutis
Matins verse 9
Hos ope severi
digneris christe tueri
 
Lauds antiphon 1
Firmatus in iusticia
presul dei gracia
accingitur virtutibus
ut regnet in celestibus
Lauds antiphon 2
Iubilet fidelium
grex recolens sollemnium
deprecans pastorem
ut fruatur gaudio
in sanctorum atrio
post vite laborem
Lauds antiphon 3
Pastor pius iubili
quem corde sitivit
querens actu simili
iucundus adivit
Lauds antiphon 4
Omnis plebs mente fideli
benedicat deum celi
qui severum exaltavit
et honore preditavit
pastoralis gracie
Lauds antiphon 5
Instrue christe pie
nos vere laude sophie
tecum letemur
prece patronique iuvemur
Lauds (gospel) special antiphon
Benedictus pater misericordie
qui severum predestinavit ecclesie
cuius ope nos adiuti
ne damnemur simus tuti
et patrono nos iugamur
ut cum ipso perfruamur
celesti leticia
 
2nd Vespers antiphon 1
Functus sacerdocio
virtutum presidio
psallit coram domino
2nd Vespers antiphon 2
In mandatis tuis christe
perseverat sanctus iste
miles fortis et invictus
inter sanctos benedictus
2nd Vespers antiphon 3
Non est deo similis
per quem levatur humilis
ut sit cum principibus
manens in celestibus
2nd Vespers antiphon 4
Sumpto christi calice
sacrificans mirifice
decantat iam cum gaudio
in sanctorum atrio
2nd Vespers antiphon 5
Multiplicati seminis
exhibens manipulum
christi consors agminis
exultat in seculum
2nd Vespers (gospel) special antiphon
Domino magnifice
decantemus mirifice
qui in columbe specie
humili dans graciam
ad celestem hodie
severum vocat gloriam