| |
| |
Vespers antiphon 1
|
Triumphanti concordando
militans ecclesia
leta colit exultando
rumoldi sollemnia
|
Vespers antiphon 2
|
Sidus ortum in scotorum
regione nobile
lumen in brabantinorum
terra dat mirabile
|
Vespers antiphon 3
|
In machlina lux virtute
refulsit prevalida
ubi facta stacione
liquefecit gelida
|
Vespers antiphon 4
|
Sed ibidem lux eclipsim
passa sole clarius
relucescit non passura
defectum in amplius
|
Vespers antiphon 5
|
Crebris namque per rumoldum
signis floret populus
sed et terra que patronum
recipit divinitus
|
Vespers respons
|
O preclarum sidus rarum
nesciens solacium
desperatis sospitatis
dans et vite spacium
cecis viam harmoniam
surdis mestis gaudium
et languorum diversorum
relevans supplicium
|
Vespers verse
|
Celi vernans in roseto
divo madet rore
contemplando vultu leto
regem in decore
|
Vespers (gospel) special antiphon
|
Gratuletur et letetur
quidquid orbis continetur
in figura spherica
laus rumoldi predicetur
quem laudando veneretur
nobiscum plebs celica
|
| |
Matins I
|
Exultando iubilemus
christo rose martyrum
qui rumoldum in rosarum
vexit hortum floridum
|
Matins antiphon 1
|
Stirpe natus ex serena
rumoldus vir inclitus
ad celorum peramena
suspirat medullitus
|
Matins antiphon 2
|
Oriundus ex scotorum
regali prosapia
honestate vitam morum
ornat ab infancia
|
Matins antiphon 3
|
Sub tenella mox etate
crescens sapiencia
vite florens sanctitate
spernit transitoria
|
Matins respons 1
|
Plebs rumoldum veneretur
pia cuius moduletur
laudes pleno pectore
vita cuius et doctrina
quondam floruit machlina
nunc dotata corpore
|
Matins verse 1
|
Erectus namque
virtutum culmine
ut sol emicuit
plebis in agmine
|
Matins respons 2
|
Hic est prudens et fidelis
iacob formam ob rachelis
parentes et patriam
derelinquens ad aspectum
dei tendit per despectum
spernens ignominiam
|
Matins verse 2
|
Genus et delicias
culmen presulatus
regales divicias
celat vir beatus
|
Matins respons 3
|
Archipresulatus
functus officio
honorem respuens
non onus solio
relicto glorie
latet exilio
|
Matins verse 3
|
Corpus domans
calcat supplicia
carnis in se
trucidans vicia
|
Matins antiphon 4
|
Ortu clarus generoso
virtute preclarior
in aspectu gracioso
cunctis amabilior
|
Matins antiphon 5
|
In virtutem de virtute
tendens vir amabilis
sedem deo concedente
scandit archipresulis
|
Matins antiphon 6
|
In honorem sublimatus
humilis in gloria
rerum censu dilatatus
vivit in penuria
|
Matins respons 4
|
Iuxta verbum viri dei
novi velut elisei
fecundatur sterilis
cuius natum sacro lavit
fonte demum quem privavit
vita cursus fluminis
|
Matins verse 4
|
Parentum itaque
sanctus solacium
vite restituit
summersum filium
|
Matins respons 5
|
Hostes tandem pietatis
contemptorem copie
amatorem veritatis
cultu sub inopie
estimantes paupertatis
virum mactant impie
|
Matins verse 5
|
Sic rubens rosula
cruore proprio
celi sublimia
petit martyrio
|
Matins respons 6
|
O mirandum predicandum
virum cuius meritis
turba cedit et obedit
demonum que militis
sitit vitam iam attritam
ab ipsa suppliciis
|
Matins verse 6
|
Mox a turba
liber qua premitur
semivivus
sospes efficitur
|
Matins antiphon 7
|
Solum deum concupiscens
descendit de gloria
loca tendens ad deserta
contemnit sublimia
|
Matins antiphon 8
|
Tandem ductus in desertum
sacro duce spiritu
ubi nunc machlina sita
quievit a strepitu
|
Matins antiphon 9
|
Ubi iesum predicavit
vite sancte merito
sed et cursum consummavit
felici martyrio
|
Matins respons 7
|
Vetustate mulier
doloris vexata
manum habens aridam
sanitate grata
per rumoldi merita
gaudet impetrata
|
Matins verse 7
|
Christi servus
christi miraculum
vetus novum
facit per meritum
|
Matins respons 8
|
Frigoris incommoda
dum captiva querulatur
mira res et tegmina
tantum domi meditatur
vestium solacia
sentit quibus convelatur
|
Matins verse 8
|
Caritatis
vestitus podere
pater pius
succurrit misere
|
Matins respons 9
|
Vulpes gallum subito
capiens astuta
quo cavente mulier
matutinas tuta
pulsans horologio
cessat destituta
|
Matins verse 9
|
O precandi
rumoldi meritum
reportat vivum
vulpes galliculum
|
| |
Lauds antiphon 1
|
Deo nostro sit iucunda
decoraque laus qui munda
corda replet gracia
qui divisa maris unda
viam suis per profunda
pandit ad celestia
|
Lauds antiphon 2
|
Corda iubilent et ora
decantando cum sonora
voce laudes martyris
quem ad bona pociora
hac in die mortis hora
rex transvexit luminis
|
Lauds antiphon 3
|
Felix servus et beatus
dignitate non elatus
nec parentum gloria
ab indignis trucidatus
celos scandit laureatus
adepta victoria
|
Lauds antiphon 4
|
Sit hec dies presens leta
sit iucunda sine meta
qua valle miserie
relicta domoque spreta
egypti christi athleta
regem adit glorie
|
Lauds antiphon 5
|
Quod sitivit contemplatur
contemplando delectatur
delectando fruitur
perfruendo saciatur
saciatus non gravatur
dum sitit quo pascitur
|
Lauds (gospel) special antiphon
|
Benedictus dominus
deus israelis
qui degentem servulum
hic sine querelis
vexit ad palacium
ubi demptis velis
videt absque nubilo
faciem in iubilo
regnantis in celis
|
| |
2nd Vespers (gospel) special antiphon
|
O rumolde celi rosa
que iam in tam speciosa
regis tabernacula
introisti cum decore
quod sitisti pleno ore
gustans per te macula
peccatorum deleatur
et eterne conferatur
vite nobis gloria
|
full office name: