| |
| |
Vespers antiphon
|
Presul rudberte
fiant modo gaudia per te
tu populum totum
rege duc trahe perfice votum
|
Vespers (gospel) special antiphon
|
Ad laudes letas
concurrat sexus et etas
patria letetur
gens tota unum veneretur
quo duce cognovit
christum peccata removit
ferre iugum christi
nos sancte pater docuisti
fac nos in celis
pastor patrone fidelis
tecum gaudere
fidei secreta videre
|
| |
Matins I
|
Summum laudemus
regi christo iubilemus
laudat adorat eum
rudbertus agens iubileum
|
Matins antiphon 1
|
Gente fide genere
clari puerum genuere
sed sublime genus
plus extulit ille racemus
|
Matins antiphon 2
|
Proficit etate
sanctus puer et pietate
sub titulo pueri
meritis vix cepit haberi
|
Matins antiphon 3
|
Mens adulescentis
imbuta sacris documentis
respuit errorem
christi concepit amorem
|
Matins antiphon 4
|
Tempus adesse ratus
messis pater ille beatus
intrat in egyptum
docuit novus accola christum
|
Matins antiphon 5
|
Luce carebamus
nos tunc egyptus eramus
urbe ratispona
confert celestia dona
|
Matins antiphon 6
|
Arida culta rigat
vellit plantat catechizat
primates regni
mundantur fonte perenni
|
Matins respons 1
|
Ecce viri metas
virtus implevit et etas
vita genus mores
doctrina merentur honores
patrem devota
petit hunc wormacia tota
a populo clero
fit episcopus ordine vero
|
Matins verse 1
|
Officio functus
dispensat celictus unctus
?Celictus [alt: ?]
|
Matins respons 2
|
Urbs in monte sita
resplendet celibe vita
candelabro clare
cepit lampas radiare
splendor erat lucis
opus et doctrina salutis
forma gregi factus
doctrinam vertit in actus
|
Matins verse 2
|
Actu martha foris
ovat intus parte sororis
|
Matins respons 3
|
Dux norice gentis
expers fidei documentis
splendorem tante
non vidit lampadis ante
missis legatis
querens cultum pietatis
spondet ab aurore
cessare salutis amore
|
Matins verse 3
|
Cervus aquam vivam
siciens oleaster olivam
|
Matins respons 4
|
Pratibus in noricis
gentili labe fugata
dispergit late
fert fructum cum pietate
dividit in cura
cum iosue mellea rura
|
Matins verse 4
|
Summus pontificum
deus hunc sibi fecit amicum
|
Matins antiphon 7
|
Gente triumphata
gentili labe fugata
sedes monstratur
ubi gens conversa regatur
quo vacet a curis
pater auctor et anchora iuris
|
Matins antiphon 8
|
Urbs erat ignavo
tunc horrida cive iuvavo
que vel qualis erat
prius integra fracta docebat
|
Matins antiphon 9
|
Illuc ingressus
sedit saxo advena fessus
gaudens inventa
requie post aucta talenta
|
Matins antiphon 10
|
Sanctus clamavit
deus hunc audivit amavit
nunc exaltatus
est sursum glorificatus
cum sanctis vere
nos semper christe tuere
|
Matins antiphon 11
|
Hic templum sanctum
fecit de gentibus amplum
in quo mundantur
pravi dum iustificantur
nunc prece mundari
faciat nos fine beari
|
Matins antiphon 12
|
Floruit ut palma
domus hunc susceperat alma
in superis castris
sanctus letatur in astris
nobis leticiam
precibus ferat atque sophiam
|
Matins respons 5
|
Cum duce mox tota
plebs est baptismate lota
carne vel mundo
natos parit unda secundo
turba renascentum
fuerat quasi milia centum
|
Matins verse 5
|
Vera fides crevit
populus credens adolevit
|
Matins respons 6
|
Mons incurvatus
vertex gentis superatus
ad maiora fidem
patri prestabat eidem
idola confregit
urbes villasque subegit
|
Matins verse 6
|
In populis istri
sudavit cura magistri
|
Matins respons 7
|
Ad finem gentis
venit doctrina docentis
colligit extremos
vindemia sancta racemos
gens habuit tota
fidei communia vota
|
Matins verse 7
|
Nil adversatur
christus genti dominatur
|
Matins respons 8
|
Dux patrie tandem
sedem donavit eandem
hanc primam regni
firmavit iure perenni
catholici iuris
matrem dedit esse futuris
|
Matins verse 8
|
Nutu divino
fuit hec sedes peregrino
|
Matins (gospel) special antiphon
|
Lympha potatus
celesti pane cibatus
internis tactus
fuit omnibus omnia factus
eternum victum
prece nobis det benedictum
|
Matins respons 9
|
In multa messe
messores vidit abesse
hinc pater electus
ad rura paterna profectus
destinat ad gentes
in lege viros sapientes
promptos iussa sequi
doctores iuris et equi
|
Matins verse 9
|
Ad nos sacratus
rediit pater his comitatus
|
Matins respons 10
|
Pneumate fecunda
fit plebs quam diluit unda
que dum succrescit
clarescit ovans viridescit
hinc pater in cura
firmat celestia iura
|
Matins verse 10
|
Corde repurgata
gens gaudet luce renata
|
Matins respons 11
|
Suscipe vota gregis
doctor sanctissime legis
quos convertisti
quos in christo genuisti
fac nos sincere
tua christo lucra placere
|
Matins verse 11
|
Pastor oves serva
nos grex tuus atque caterva
|
Matins respons 12
|
Rudbertus noricos
iam christo fecit amicos
in mellisque favum
mutans de fece iuvavum
disponit gratum
sacer iste pontificatum
|
Matins verse 12
|
Primus antistes
mulcens re famine tristes
|
| |
Lauds antiphon 1
|
Urbs instauratur
templum christo fabricatur
ordo sacer cleri
cepit reverenter haberi
credentes turbe
populus clarescit in urbe
|
Lauds antiphon 2
|
Sunt quoque sacrate
mulieres urbe locate
quas pater advexit
erntrudis eas pia rexit
carnis in hoc nexu
merito vir femina sexu
|
Lauds antiphon 3
|
Vires excessit
labor unus singula gessit
sancti doctores
patris subiere labores
est partitus onus
in plures ipse patronus
|
Lauds antiphon 4
|
In tenebris clare
ceperunt astra micare
mores pravorum
correxit vita bonorum
crevit ab his fultus
christi sacer undique cultus
|
Lauds antiphon 5
|
Vinea cultori
respondet terra labori
tam fructu plena
letatur vitis amena
gens instructa satis
profert fructum pietatis
|
Lauds (gospel) special antiphon
|
Omnibus expletis
advenerat hora quietis
ponit carnis onus
felix in morte patronus
reddidit expensum
domino cum fenore censum
sortem sanctorum
capit amodo cinis eorum
intima gustavit
expertus habens quod amavit
|
| |
2nd Vespers (gospel) special antiphon
|
Christe bonum verum
fons ordo clausula rerum
tu nos plasmasti
tu morte reos reparasti
prolapsos iterum
tribuis cognoscere verum
et per doctrinam
rudberti das medicinam
nos igitur precibus
venerandi presulis huius
terge lava
munda salva de morte secunda
|
| |
Matins respons .a
|
Conversos iam ad christum videns plurimos
felix antistes ordinavit clericos
ad tractanda mysteria idoneos
|
Matins verse .a
|
Eius interventu a sordibus christe nos emunda
et electos tibi sacerdotes prepara
|
full office name: