| |
| |
Vespers antiphon 1
|
Almi laudes confessoris
richardi beatissimi
resonemus cunctis horis
mente deo proximi
|
Vespers antiphon 2
|
Tanta prole fecundata
felix gaude anglia
quam ad dona deo data
petri trahunt recia
|
Vespers antiphon 3
|
O solamen miserorum
richarde beatissime
cunctas pelle sordes morum
confessorum optime
|
Vespers antiphon 4
|
Pater sancte deo care
cum prece assidua
semper christum deprecare
pro dilecta andria
|
Vespers antiphon 5
|
Obtulisti christo laudes
gerens spem de premio
unde digne tu congaudes
abrahe in gremio
|
Vespers (gospel) special antiphon
|
Gaudet chorus confessorum
aucto pro collegio
gratulatur cetus horum
nobili preconio
plaudit omnis angelorum
reverenda legio
offerens regi polorum
richardum cum gaudio
|
| |
Matins I
|
Summo regi iubilemus
redemptori optimo
corde ore decantemus
cum richardo anglico
|
Matins antiphon 1
|
Generosum trahens ortum
clara de prosapia
cuius vite sprevit portum
tendens ad sublimia
|
Matins antiphon 2
|
Cum optaret sequi christum
noxe pulsa macula
pertransivit mundum istum
petri cum navicula
|
Matins antiphon 3
|
Confidenter vir beatus
properat in andriam
et a petro informatus
optat vite gloriam
|
Matins respons 1
|
Postquam cursum consummavit
almus christi vilicus
portas vite penetravit
presul apostolicus
cui letus obviavit
cuneus angelicus
|
Matins verse 1
|
Corpus eius honoravit
et devote collocavit
andrianus populus
|
Matins respons 2
|
Celum petit triumphator
cum ingenti gloria
animorum illustrator
fulget in memoria
quem admittit poli sator
purum sine scoria
eum mittit vite dator
lucis ad pretoria
|
Matins verse 2
|
Vite cursu consummato
pergit ad etherea
hoste vadit triumphato
ad regna siderea
|
Matins respons 3
|
Propagator veritatis
rosa fulgens pietatis
richarde beatissime
voces preces tui cleri
dirigas ad regem celi
o pater sanctissime
|
Matins verse 3
|
Pastor clemens presul pie
ad te spectat andria
ipsa colit in hac die
festa tui annua
|
Matins antiphon 4
|
Andriam richardus
petro missus venit
et in porta plurimos
languidos invenit
|
Matins antiphon 5
|
Cumque populus poposcit
vite sanitatem
obtinere meruit
mentis sospitatem
|
Matins antiphon 6
|
Populus est illustratus
fidei mysterio
consequenter est ditatus
caste prolis premio
|
Matins respons 4
|
Hic est sacer ignis clarus
richardus beatissimus
qui existit deo carus
ei semper proximus
antiquorum confessorum
hic censetur socius
in caterva splendet quorum
velut solis radius
quo rectore quo doctore
illustratur anglia
quo congaudes tu pastore
o civitas andria
|
Matins verse 4
|
Sidus vere sacerdotum
luces per illyricum
illustrasti fere totum
populum italicum
|
Matins respons 5
|
Adest hic israelita
cui christus fuit vita
optanti celestia
mentis visum christo fixit
carnem mundo crucifixit
respuens terrestria
|
Matins verse 5
|
Christum amans cuncta sprevit
mundi circumstancia
semen dei semper sevit
cum perseverancia
|
Matins respons 6
|
Gaude semper et letare
urbs preclara andria
almum patrem deprecare
cum prece assidua
ut per ipsum mereare
dona celi gaudia
|
Matins verse 6
|
Cui nihil in hac vita
gratum fuit sibi ita
quam tua devocio
|
Matins antiphon 7
|
Cum fecisset signum crucis
super ceci oculos
introduxit formam lucis
respuentis baculos
|
Matins antiphon 8
|
Mulieris manum rexit
richardus beatissimus
ipsam sanam sursum vexit
presul devotissimus
|
Matins antiphon 9
|
Mulier tunc exclamavit
unus est altissimus
per quem solum me sanavit
richardus dei optimus
|
Matins respons 7
|
Intuens richardus
turbam infirmorum
flectit sancta genua
pro salute horum
quem exaudit pietas
domini polorum
diluens contagia
corporum et morum
|
Matins verse 7
|
Christum petit ore mente
pro salutis gracia
orat ipsum et intente
ut repellat vicia
|
Matins respons 8
|
Sancte consecracionis
facto mysterio
vir summe devocionis
redit a monte gargano
quem repleti sacris donis
ambiunt pre gaudio
|
Matins verse 8
|
Plebs fidelis colletatur
et in christo iucundatur
de pastoris reditu
|
| |
Lauds antiphon 1
|
Tanta erat in hoc viro
verbi efficacia
ut infectos ritu diro
illustraret gracia
|
Lauds antiphon 2
|
Pollens mira vir beatus
animi prudencia
digne multis est prelatus
in adulescencia
|
Lauds antiphon 3
|
Stella nitens et preclara
richarde beatissime
tetra pelle lucem para
serve dei maxime
|
Lauds antiphon 4
|
Christo reddat commendatos
suis almis precibus
quos fecit esse beatos
discipline moribus
|
Lauds antiphon 5
|
In caterva confessorum
flores velut lilium
in te sibi rex celorum
fecit habitaculum
|
Lauds (gospel) special antiphon
|
Claritate lucens morum
richardus dei famulus
intrat agmen confessorum
cultor christi maximus
quem coronat rex sanctorum
vite dator optimus
|
| |
2nd Vespers (gospel) special antiphon
|
Digna coli adest dies
pio modulamine
in qua datur sancta quies
longo pro cartamine
hodierna sanctus die
de mundi voragine
ductus est ad celum pie
triumphali carmine
unde nos te rogamus
richarde beatissime
ut sis presto exoramus
pastor clementissime
?Cartamine [alt: ?]
|
full office name: